25.8 C
Bangalore
Friday, December 13, 2019

ಪ್ರಶ್ನೆ-ಪರಿಹಾರ

Latest News

ನಾಡಿನ ಹಿತ ಕಾಪಾಡುವಲ್ಲಿ ಮಠಗಳು ಶ್ರಮಿಸುತ್ತಿವೆ

ಶಹಾಪುರ: ಅನಾದಿ ಕಾಲದಿಂದಲೂ ನಾಡಿನ ಹಿತ ಕಾಪಾಡುವಲ್ಲಿ ಮಠಮಾನ್ಯಗಳು ಸಾಕಷ್ಟು ಶ್ರಮಿಸುತ್ತಿವೆ ಎಂದು ಶಾಸಕ ಶರಣಬಸಪ್ಪ ದರ್ಶನಾಪುರ ತಿಳಿಸಿದರು. ಶುಕ್ರವಾರ ನಗರದ ಕುಂಬಾರಗೇರಿ...

ಕಾಲುವೆ ಒಡೆದು ರೈತರ ಜಮೀನಿನಲ್ಲಿ ನೀರು !

ಯಾದಗಿರಿ: ಸನ್ನತಿ ಏತ ನೀರಾವರಿ ಯೋಜನೆಯಡಿ ಕೆಬಿಜೆಎನ್ಎಲ್ನಿಂದ ನಿಮರ್ಿಸಲಾಗಿದ್ದ ಕಾಲುವೆ ಒಡೆದು ರೈತರ ಜಮೀನಿನಲ್ಲಿ ಅಪಾರ ಪ್ರಮಾಣದಲ್ಲಿ ನೀರು ಹರಿಯುತ್ತಿರುವ ಘಟನೆ ತಾಲೂಕಿನ...

ಜಟಿಲತೆ ಪ್ರಶ್ನೆಗಳಲ್ಲಿಲ್ಲ, ವಿದ್ಯಾರ್ಥಿಗಳ ಮನದಲ್ಲಿದೆ

ತಾಳಿಕೋಟೆ: ಪರೀಕ್ಷೆ ಎಂಬುದು ಕಬ್ಬಿಣದ ಕಡಲೆಯಲ್ಲ. ಅದು ವಿದ್ಯಾರ್ಥಿಗಳಲ್ಲಿರುವ ಕೌಶಲ ಹಾಗೂ ಪ್ರತಿಭೆ ಹೊರಹಾಕಲಿರುವ ಸಾಧನ ಎಂದು ಬೆಂಗಳೂರಿನ ಶೈಕ್ಷಣಿಕ ತಜ್ಞ ಹಾಗೂ...

ಜಿಲ್ಲಾ ಮಟ್ಟದ ರಸಪ್ರಶ್ನೆ ಕಾರ್ಯಕ್ರಮ

ವಿಜಯಪುರ: ನಗರದ ಕಂದಗಲ್ ಹನುಮಂತರಾಯ ರಂಗಮಂದಿರದಲ್ಲಿ ಶುಕ್ರವಾರ ಜಿಲ್ಲಾ ಮಟ್ಟದ ರಸಪ್ರಶ್ನೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.ಅಗಸ್ತ್ಯ ಅಂತಾರಾಷ್ಟೀಯ ಪ್ರತಿಷ್ಠಾನ ಹಾಗೂ ಸಾರ್ವಜನಿಕ ಶಿಕ್ಷಣ ಇಲಾಖೆ...

ಪೌರತ್ವ ತಿದ್ದುಪಡಿ ಮಸೂದೆ ಖಂಡಿಸಿ ಪ್ರತಿಭಟನೆ

ಇಂಡಿ: ಪೌರತ್ವ ತಿದ್ದುಪಡಿ ಮಸೂದೆ ಖಂಡಿಸಿ ಜಮೀತತಲ್ಮಾ ಹಾಗೂ ಅಂಜುಮನ್ ಇಸ್ಲಾಂ ಕಮಿಟಿ ನೇತೃತ್ವದಲ್ಲಿ ಪಟ್ಟಣದಲ್ಲಿ ಶುಕ್ರವಾರ ಪ್ರತಿಭಟನೆ ನಡೆಸಿ ತಹಸೀಲ್ದಾರ್ ಮೂಲಕ...

# ನನಗೆ ಧನಯೋಗ ಚೆನ್ನಾಗಿದೆ ಎಂದು ಜ್ಯೋತಿಷಿಯೊಬ್ಬರು ನಮ್ಮ ತಂದೆಯ ಬಳಿ ನಾನು ಚಿಕ್ಕವಳಿದ್ದಾಗ ಹೇಳಿದ್ದರಂತೆ. ಆದರೆ ಈವರೆಗೂ ಧನಯೋಗದಿಂದ ನಾನು ಪಡೆದ ಸಂಭ್ರಮ ಏನೆಂದು ಅರ್ಥವಾಗುತ್ತಿಲ್ಲ ದಯಮಾಡಿ ವಾಸ್ತವವಾಗಿಯೂ ಧನಯೋಗ ಇದೆಯೇ ಎಂದು ತಿಳಿಸಿ. ಇದ್ದರೆ ಯಾಕೆ ನನಗೆ ಅದು ಫಲಿಸಲಿಲ್ಲ? ಪರಿಹಾರಗಳ ಕುರಿತು ಮಾಹಿತಿ ನೀಡಿ.

| ಹೇಮಾವತಿ ಆದಿತ್ಯ, ಬೀದರ

ಧನಯೋಗದ ವಿಚಾರದಲ್ಲಿ ತಳಪಾಯ ಒದಗಿಸಬೇಕಾದ ಗ್ರಹಗಳ ಸಂಯೋಜನೆ ನಿಮ್ಮ ಜಾತಕದಲ್ಲಿದೆ. ನೀವು ಚಿಕ್ಕವರಿದ್ದಾಗ ಜ್ಯೋತಿಷಿಗಳು ತಿಳಿಸಿದ ಅಭಿಪ್ರಾಯ ಸರಿ ಇದೆ. ಆದರೆ ಇತರ ಗ್ರಹಗಳ ಕಾಟದಿಂದಾಗಿ ಸಾಕಷ್ಟು ಬಾರಿ ಯೋಗಗಳನ್ನು ಹಾಳುಮಾಡುವ ಶಕ್ತಿಗಳೂ ಅದೇ ಜಾತಕದಲ್ಲಿರುತ್ತವೆ. ಸರ್ಪದೋಷ, ಪಿತೃದೋಷ, ಕುಜದೋಷ, ಕರಾಳ ಭೋಗದೋಷ, ವಿಘ್ನಮುಖ ದೋಷಗಳು ಯಾವ ಪ್ರಮಾಣದಲ್ಲಿ ತೊಂದರೆಗೆ ಕಾರಣವಾಗುತ್ತಿವೆ ಎಂಬ ಸಮೀಕರಣಗಳಿಗೂ; ಧನಯೋಗಕ್ಕೂ; ಸುಖ ಮತ್ತು ಭಾಗ್ಯದ ವಿಚಾರದ ಶಕ್ತಿಧಾತುಗಳಿಗೂ ಸಂಬಂಧಗಳಿವೆ. ಪುಷ್ಕಳ ಆರೋಗ್ಯಕರ ಧನಯೋಗ ಇದ್ದರೂ ವಿಘ್ನಮುಖ ದೋಷಗಳು, ಜತೆಗೆ ಮಘಾನಕ್ಷತ್ರದಲ್ಲಿರುವ ಪಂಚಮದ ರಾಹು ಧನಯೋಗವನ್ನು ಕುಗ್ಗಿಸಿದ್ದಾನೆ. ಶನೈಶ್ಚರ ಮತ್ತು ನೀಚನಾದ ಕುಜ ಗ್ರಹಗಳ ನಡುವಿನ ಸಮಸಪ್ತಕ ದೃಷ್ಟಿಯು ಏರಿಳಿತಗಳನ್ನು, ತಲ್ಲಣಗಳನ್ನು, ಏನೂ ಬೇಡ ಎಂಬ ಜಡತ್ವವನ್ನೂ ತರುತ್ತಿರುತ್ತದೆ. ನಾಗರಬೆತ್ತ ಸಸ್ಯದ ಎಲೆಗಳಿಂದ (ಮುಖ್ಯವಾಗಿ ತ್ರಯೋದಶಿಯಂದು. ಈ ಆಧುನಿಕ ಕಾಲದಲ್ಲಿ ಪ್ರತಿದಿನ ತ್ರಿಕಾಲ ಪೂಜೆ ಕಷ್ಟದ ಕೆಲಸ.) ತ್ರಿಕಾಲದಲ್ಲೂ ಶಿವನ ಆರಾಧನೆ ಮಾಡಿ. ಸ್ವರ್ಣಾಕರ್ಷಣ ಶಕ್ತಿ, ಧನಲಾಭ ಲಭ್ಯ.

# ನಮ್ಮದು ದೊಡ್ಡ ಮನೆತನ. ಹಿಂದೆಲ್ಲ ದೊಡ್ಡ ರೀತಿಯಲ್ಲಿ ಶ್ರೀಮಂತಿಕೆಯಲ್ಲಿ ಸಾಗಿಹೋದ ಕಾಲ. ಈಗ ನೆನೆಸಿಕೊಂಡರೆ ಕಣ್ಣೀರು ಬರುತ್ತದೆ. ನಮ್ಮದು (ಅದರಲ್ಲೂ ನನ್ನದು) ದೊಡ್ಡ ಪ್ರಮಾಣದ ವ್ಯಾಪಾರ ವಹಿವಾಟು. ನಮ್ಮ ತಂದೆಯವರ ಕೃಪಾಶೀರ್ವಾದ, ಅವರು ಬಿಟ್ಟುಹೋದ ಆಸ್ತಿ, ಅವರಿಂದ ಪಡೆದ ಅನುಭವ ಇವೆಲ್ಲವುಗಳಿಂದ ಬಹಳ ಎತ್ತರಕ್ಕೆ ಏರಿ (ಇದು ಅಹಂಕಾರವಲ್ಲದಿದ್ದರೂ) ಸೋಲಿರದೆ ಇದ್ದೆ. ಆದರೆ ಈಗ ಮಕ್ಕಳ ಕಾಲದಲ್ಲಿ ದಿನಗಳು ಅದಲುಬದಲಾಗುತ್ತಿವೆ. ಇದು ಎಲ್ಲಿಗೆ ತಲುಪೀತು? ಪರಿಹಾರ ಏನು?

| ಚನ್ನವೀರರಾಜಯ್ಯ ಅರಗೀಅಂಗಡಿ, ಬಾದಾಮಿ

ತಂದೆಯವರನ್ನು ಕೃತಜ್ಞತೆಯಿಂದ ನೆನೆಸಿಕೊಳ್ಳುತ್ತಿರುವುದು ನಿಜಕ್ಕೂ ಅನುಕರಣೀಯ. ಪೂರ್ವಪುಣ್ಯದ ಶಕ್ತಿ ನಿಮ್ಮನ್ನು ಕಾಪಾಡಬೇಕಿದೆ. ಜಾತಕದಲ್ಲಿ ಹಲವಾರು ರೀತಿಯ ಅರಿಷ್ಟ ಯೋಗಗಳು ಎಂದು ಇರುತ್ತವೆ. ರಾಜಯೋಗದ ಕನಕನೋಟವನ್ನೇ ಒದಗಿಸಿದ ಗ್ರಹಗಳು ಅರಿಷ್ಟಯೋಗಕ್ಕೂ ಕುಸಿದುಬೀಳುತ್ತವೆ. ಕುಸಿದುಬೀಳಿಸಿದ್ದ ಗ್ರಹಗಳೇ ಮೇಲೆತ್ತಲು ಸಹಾಯ ಮಾಡುತ್ತವೆ. ಬಿದ್ದಮೇಲೆ ಮತ್ತೆ ಮೇಲಕ್ಕೆಬ್ಬಿಸದ, ಮೇಲಕ್ಕೆಬ್ಬಿಸಿದ ಮೇಲೆ ಮತ್ತೆ ಬೀಳಿಸದ ಗ್ರಹಗಳೂ ಇವೆ. ಗ್ರಹಗಳು ಸಂಪನ್ನತೆಯ ಶಕ್ತಿಯಿಂದಾಗಿ ಆಯಾ ಕಾಲಕ್ಕೆ ಅರಿಷ್ಟವನ್ನೋ ಸ್ವರ್ಣಾಕರ್ಷಣ ಭೈರವನ ಅನುಗ್ರಹವನ್ನೋ ಒದಗಿಸುತ್ತವೆ. ಈಗ ಮಕ್ಕಳನ್ನು ಒಗ್ಗೂಡಿಸಿ ತಿಳಿಸಿ ಮಾತನಾಡಿ. ಮುಂದಿನ ಹದಿನೈದು ವರ್ಷಗಳ ಕಾಲವಾದರೂ ನೀವೇ ವ್ಯವಹಾರಗಳನ್ನು ನಿಯಂತ್ರಿಸಿ. ಪ್ರತಿ ಶುಕ್ರವಾರ ವಿದ್ಯಾಸರಸ್ವತಿ ಹಾಗೂ ಧನಲಕ್ಷ್ಮಿಯ ಸ್ತುತಿ ಸಹಿತ ಶ್ರೀ ತಾರಾ ಯಂತ್ರಾವರಣ ಪೂಜೆಯನ್ನು ಪೂರೈಸಿ. ಮಾಯೆ ಇಂದ್ರನ ಶಕ್ತಿಯಿಂದ ಪ್ರಜ್ವಲಿಸಿದಾಗ ಸಂಪತ್ತು ಲಭ್ಯ.

# ನಾನು ವಿದೇಶವೊಂದರಲ್ಲಿ ವಾಸವಾಗಿದ್ದೇನೆ. ಕೆಲಸದ ಬಗ್ಗೆ ತೃಪ್ತಿ ಇದೆ. ಭಾರತದಲ್ಲಿ ತಂದೆ-ತಾಯಿಗಳಿದ್ದಾರೆ. ಮದುವೆಯಾಗು ಎಂದು ಒತ್ತಡ ಹೇರುತ್ತಿದ್ದಾರೆ. ನನ್ನನ್ನೇ ನಾನು ಪ್ರಶ್ನಿಸಿಕೊಂಡಾಗ ನನಗೆ ಮದುವೆಯಾಗಲು ಮನಸ್ಸೇ ಇಲ್ಲ. ಬಾಲ್ಯದಲ್ಲಿ ಒಬ್ಬಳನ್ನು ಪ್ರೀತಿಸಿದ್ದೆ. ಈಗ ಅವಳು ಬದುಕಿಲ್ಲ. ಅದು ಸಹಜ ಸಾವು. ನನಗೀಗ ಅವಳ ನೆನಪು ಸಾಕು ಎಂಬ ಅಭಿಪ್ರಾಯವಿದೆ. ಏನು ಮಾಡಲಿ?

| ರಾಬರ್ಟ್ ಎಸ್. ಕಂಕನಾಡಿ, ಮಂಗಳೂರು

ಬಾಲ್ಯದ ಪ್ರೀತಿಯನ್ನು, ಅದರ ಆಳವನ್ನು ತಂದೆತಾಯಿಗೆ ತಿಳಿಸಿದ್ದೀರಾ? ನಿಮ್ಮ ಪರದಾಟ ನಿಮ್ಮದು, ನಿಮ್ಮ ತಂದೆತಾಯಿಗಳ ಪರದಾಟ ಅವರದು ಎಂದುಕೊಂಡು ಕೈಕಟ್ಟಿ ಕುಳಿತಿರಲಾಗದು. ಮದುವೆಯ ವಿಚಾರದಲ್ಲಿ ನಿಮ್ಮ ಜಾತಕದಲ್ಲಿ ಹಲವಾರು ರೀತಿಯ ಗಂಟುಗಳಿವೆ. ಮರಣಸ್ಥಳದ ಯಜಮಾನ ಶುಕ್ರನು ಬಾಳಸಂಗಾತಿಯ ಸ್ಥಾನದಲ್ಲಿ ನೀಚನಾಗಿ ಇರುವುದು ಸೂಕ್ತವಲ್ಲ. ನಿಮ್ಮ ಪಾಲಿನ ನೋವು ಸ್ಥಾಯಿಯಾಗಿ ನಿಂತಿದೆ. ಭಾಗ್ಯಾಧಿಪತಿಯು ನಿಮ್ಮ ತಾಯಿಯನ್ನೂ ಸಂಕೇತಿಸುತ್ತ ಬಾಳಸಂಗಾತಿಯ ಮನೆಯ ಯಜಮಾನನಾದ ಬುಧನ ಜತೆಗೆ ಭಾಗ್ಯದಲ್ಲಿ ಕುಳಿತಿದ್ದಾನೆ. ನಡೆದಿರುವುದನ್ನು ಮರೆಯದೆ ವಿಧಿಯಿಲ್ಲ. ಈಗ ಮದುವೆಯಾಗುವುದರಿಂದ ನಿಮ್ಮ ಎಳೆಯ ವಯಸ್ಸಿನ ಪ್ರೀತಿಯ ವಿಷಯದಲ್ಲಿ ಅಪಚಾರ ಎಸಗಿದಂತೆಯೂ ಆಗದು. ದೃಢವಾಗಿಸಬೇಕಾದ ಗುರುವು ದುರ್ಬಲ ಹೌದು. ಆದರೆ ಚಂದ್ರನಿಂದಾಗಿ ದಾರ್ಢ್ಯತೆ ಪಡೆಯುವ ಯೋಗವಿದೆ. ಮದುವೆಯಾಗಿ. ಕೊನೆಗೂ ಬದುಕು ದೊಡ್ಡದು.

# ಮದುವೆಯಾಗಿ ಐದು ವರ್ಷಗಳೇ ಕಳೆದವು. ಸಂತಾನಭಾಗ್ಯ ಹೊಂದಿಲ್ಲ. ವೈದ್ಯಕೀಯ ಸಮಸ್ಯೆಗಳಿವೆ. ಚಿಕಿತ್ಸೆಯೂ ನಡೆದಿದೆ. ಸಂತಾನಭಾಗ್ಯ ಇದೆಯೆ? ಪರಿಹಾರ ಏನು?

| ಕೋಮಲಾ ಪಾಟೀಲ, ಕೊಟ್ಟಾಯಂ

ರಾಹುವು ಪ್ರಧಾನ ದೋಷವಾಗಿದ್ದಾನೆ. ರಾಹುದೋಷ ನಿವಾರಣೆ ಆಗಬೇಕು ಎಂದು ಜ್ಯೋತಿಷಿಗಳು ಸಲಹೆ ನೀಡುತ್ತಾರೆ. ಆದರೆ ರಾಹುವಿನಿಂದ ಪೂರ್ವಪುಣ್ಯ ಸ್ಥಾನಾಧಿಪತಿಯು ನರಳಾಟದಲ್ಲಿದ್ದಾನೆ. ಆತನಿಂದ ಸಂತಾನಭಾಗ್ಯಕ್ಕೆ ಬೇಕಾದ ಶಕ್ತಿ ಪೂರೈಸಲು ಸಾಧ್ಯವಾಗುತ್ತಿಲ್ಲ. ಏಕೆಂದರೆ ಕುಜನ ನೆರಳಾದ ಇಂದ್ರನ ಸಾರವನ್ನು, ಫಲಾವಳಿಗಳನ್ನು ಶನೈಶ್ಚರನು ಕಸಿದಿದ್ದಾನೆ. ಹಲವಾರು ಸಂಪನ್ನಶಕ್ತಿಗಳನ್ನು ಕಸಿದುಕೊಂಡ ಗ್ರಹಗಳು ಜಾತಕಕುಂಡಲಿಯ ಕೇಂದ್ರ ಹಾಗೂ ತ್ರಿಕೋನಸ್ಥಾನಗಳನ್ನು ಪ್ರಧಾನವಾಗಿ ಆವರಿಸಿದಾಗ ಚಂಡಿಕಾಳನ್ನು ಆರಾಧಿಸುವ ವಿಚಾರ ಮುಖ್ಯವಾಗಬೇಕು. ಚಂಡಿಕಾಳ ಆರಾಧನೆ ವಿವಿಧವಾಗಿರುತ್ತವೆ. ಸದ್ಯ ಶ್ರೀದೇವಿ ವಾರಾಹಿಯನ್ನು ಸರಳವಾಗಿ ಕುಂಕುಮಾರ್ಚನೆ ಸಹಿತ ಆರಾಧಿಸಿ. ಮನೆಯವರು ಗಣೇಶ ಅಥರ್ವಶೀರ್ಷ ಓದಲಿ. ವೈದ್ಯಕೀಯ ಸಲಹೆಗಳು ಇದ್ದೇ ಇರಲಿ.

# ನನ್ನ ಮೊಮ್ಮಗನ (ಮಗಳ ಮಗ) ಜಾತಕ ಕಳಿಸಿದ್ದೇನೆ. ಇವನ ವಿಚಾರದಲ್ಲಿ ನನ್ನ ಮಗಳು ಮತ್ತು ಅಳಿಯ ಬಳಲಿದ್ದಾರೆ. ಬುದ್ಧಿವಂತ. ಆದರೆ ಏನೋ ಅನ್ಯಶಕ್ತಿ ಆವರಿಸಿದಂತೆ, ಯಾವುದನ್ನು ಮಾಡು ಎಂದು ಹೇಳುತ್ತಾರೋ ಅದನ್ನು ಮಾಡಲಾರ. ಎಲ್ಲದರಲ್ಲೂ ಹಿಂದೆಬಿದ್ದಿದ್ದಾನೆ. ಕೂಗಾಡುತ್ತಾನೆ. ಮೃದುವಾಗಿ ಹೇಳಿದರೂ ಸ್ವೀಕರಿಸುವುದಿಲ್ಲ. ಬಿಗಿಯಾಗಿದ್ದರೂ ಖಿನ್ನತೆಗೆ ಜಾರುತ್ತಾನೆ. ಅಪಾಯಗಳ ಬಗ್ಗೆ ಹೇಳಬಾರದು. ತಾನಾಗಿ ತಿಳಿದುಕೊಳ್ಳಲಾರ. ಇವನು ಒಬ್ಬ ಮನುಷ್ಯನಾಗಲು ಸಾಧ್ಯವೇ?

| ದತ್ತಮಣಿ ಚತುರ್ವೆದಿ, ಭುವನೇಶ್ವರ

ಕಾಪಾಡುವ ಷಟ್ ಶಕ್ತಿಗಳಲ್ಲಿ ಒಂದಾದರೂ ಸಿಗುವಂತಿದ್ದರೆ ಜಾತಕಕುಂಡಲಿಯಲ್ಲಿ ಬೆಳಕು ಹುಡುಕಬಹುದು. ಆದರೆ ಈಗ ಕುಂಡಲಿಯಲ್ಲಿ ಷಟ್ ಶಕ್ತಿಗಳ ಬೆಳಕು ಮಸುಕಾಗಿದೆ. ನವಾಂಶದಲ್ಲಿ ಬೆಳಕಿನ ಹುಡುಕಾಟ ನಡೆಸಬೇಕು. ನಂತರ ಪ್ರತ್ಯಕ್ಷ, ಅನುಮಾನ, ಶಬ್ದ – ಈ ಮೂರು ಪ್ರಮಾಣಗಳಲ್ಲಿ ಒಂದಾದರೂ ನೆರವಿಗೆ ಸಿಗುವುದು ಸಾಧ್ಯವೇ ಎಂದು ಕೆಲವು ಮಾಹಿತಿಗಳನ್ನು ಆಧರಿಸಿ ನವಾಂಶ ಕುಂಡಲಿಯಲ್ಲಿ ನೋಡಬೇಕು. ಶಬ್ದಕ್ಕೆ ಶಕ್ತಿ ಲಭ್ಯವಿದೆ 32ನೇ ವರ್ಷದ ನಂತರ ಅವನದೇ ವಯಸ್ಸಿನ ಸ್ನೇಹಿತನ ಮೂಲಕ ಅಗಾಧವಾದುದನ್ನು ಸಾಧಿಸುತ್ತಾನೆ. ಪ್ರತಿನಿತ್ಯ ಶ್ರೀಗಂಧ ಲೇಪನ ಮಾಡಿದ ಅಕ್ಷತೆ ಹೂವುಗಳನ್ನು ಶ್ರೀ ಲಕ್ಷಿ್ಮ ನರಸಿಂಹನಿಗೆ ಏರಿಸಲಿ. ಸಾಲಿಗ್ರಾಮಕ್ಕೆ ಹಳದಿ ಹೂವನ್ನು ಏರಿಸಲಿ.

# ಬಹಳ ವರ್ಷದ ತನಕ ಮದುವೆ ಆಗಲಿಲ್ಲ. ಮದುವೆ ಮದುವೆ ಎಂದು ಓಡಾಡಿದ್ದೇ ಬೇರೆ ಕಥೆ. ಈಗ ಮದುವೆಯಾಗಿ ಎರಡು ವರ್ಷಗಳಾಗಿವೆ. ಯಾಕಾದರೂ ಮದುವೆ ಬೇಕಿತ್ತು ಎಂಬುದು ನನ್ನ ಈಗಿನ ಕಥೆ. ಮಾತಾಡಿದರೆ ಹುಷಾರ್ ಎಂಬ ಸ್ಥಿತಿ. ಹೇಗೆ ಪಾರಾಗಲಿ?

| ವಿಶ್ವನಾಥ ಹುಂಡಕೈ, ದಾವಣಗೆರೆ

ಹಲವರಿಗೆ ಮದುವೆ ಯೋಗ ಇರುವುದಿಲ್ಲ. ಇನ್ನು ಕೆಲವರಿಗೆ ಧನಯೋಗ ಇರದು. ಸಂತಾನಯೋಗ, ಸ್ವಗೃಹಯೋಗ, ಭಾಗ್ಯ, ಆರೋಗ್ಯ, ಆಯುಸ್ಸು, ಮಾನಸಿಕ ಸ್ವಾಸ್ಥ್ಯ ಸರಿಯಾದ ಕೆಲಸ, ಯಾವುದೋ ಒಂದು ಕೆಲಸ, ಉತ್ತಮ ಗೆಳೆತನ ಇತ್ಯಾದಿ ಯೋಗಗಳಲ್ಲಿ ಒಂದಿದ್ದರೆ ಇನ್ನೊಂದು ಇರದ ಸ್ಥಿತಿ ಇರುತ್ತದೆ. ನಿಮಗೆ ಕಳತ್ರಯೋಗ ದುರ್ಬಲವಾಗಿದೆ. ಅಂತೂ ಒಬ್ಬರು ಸಿಕ್ಕಿದರು. ಆದರೆ ರಾಹುದಶಾಕಾಲ ಬಂದಾಗ ಗೃಹಸ್ಥಾಶ್ರಮ ಸ್ವೀಕರಿಸಿದಿರಿ. ನಿತ್ಯದ ಗೋಳು ಆವರಿಸಿದ ಕರಾಳ ಕಥಾನಕವನ್ನು ಸೂಚ್ಯವಾಗಿ ಹೇಳಿದ್ದೀರಿ. ರುದ್ರಾಕ್ಷ, ಬಿಲ್ವ, ವ್ಯಾಘ್ರನೇತ್ರಪುಷ್ಪ ಒಗ್ಗೂಡಿಸಿ ಅದರ ಮೇಲೆ ಅರಿಶಿಣದ ಕೊನರು ಮತ್ತು ಕಚ್ಚಿ ತಿಂದಿರದ ಒಂದು ನೇರಳೆಬೀಜ ಇರಿಸಿ ಸೋಮ, ಗುರು ಹಾಗೂ ಶನಿವಾರಗಳಂದು ಪ್ರದೋಷಕಾಲದಲ್ಲಿ ಸರಳವಾಗಿ ಆರಾಧನೆ ನಡೆಸಬೇಕು. ನಿಮಗೆ ವೇಳೆ ಇದ್ದರೆ ನೀವೇ ಮಾಡುವುದು ಒಳಿತು. ಎರಡು ಕೆರೆಟ್ ಗೋಮೇದಕ ಹರಳನ್ನು ಸೇರಿಸಿದ ಪಂಚಲೋಹದ ಉಂಗುರವನ್ನು ನಿಮ್ಮ ಬಲಗೈಯ ನಡುಬೆರಳಿಗೆ 2034 ಜನವರಿ 27ರ ತನಕ ಧರಿಸಿ. ಮನೆಯಲ್ಲಿ ಯಾವುದೇ ವಿಷಯಕ್ಕೂ ಚರ್ಚೆಗೆ ಇಳಿಯಬೇಡಿ. ಸೋಲು ನಿಮ್ಮದೇ ಇರುತ್ತದೆ. ಮದುವೆಯಾಗಿದ್ದೀರಿ. ಹೊಂದಾಣಿಕೆಗೆ ಪ್ರಯತ್ನಿಸುವುದು, ನಿತ್ಯದ ಪಡಿಪಾಟಲುಗಳನ್ನು ತಾಳ್ಮೆಯಿಂದ ಸಹಿಸುವುದು ದುಸ್ತರವೇ. ಮಲಗುವ ಮುನ್ನ ಶ್ರೀ ದತ್ತಸ್ತೋತ್ರಗಳನ್ನು ಓದಿ. ಅದೃಷ್ಟದ ವಿಚಾರವಾಗಿ ಸೂಕ್ತ ಜ್ಯೋತಿಷಿಗಳಿಂದ ಇನ್ನಷ್ಟು ಮಾಹಿತಿಗಳನ್ನು ಕೇಳಿ ತಿಳಿದುಕೊಳ್ಳಿ.

(ಲೇಖಕರು ಕಥೆಗಾರರು ಮತ್ತು ಜ್ಯೋತಿಷ ವಿಜ್ಞಾನ ಸಂಶೋಧಕರು)

(ಪ್ರತಿಕ್ರಿಯಿಸಿ: [email protected], [email protected])

Stay connected

278,747FansLike
588FollowersFollow
626,000SubscribersSubscribe

ವಿಡಿಯೋ ನ್ಯೂಸ್

VIDEO| ಬರೋಬ್ಬರಿ 20 ಕೆ.ಜಿ. ತೂಕದ ಹೆಬ್ಬಾವು ಸೆರೆಹಿಡಿದ ಮಹಿಳೆ:...

ತಿರುವನಂತಪುರ: ಮಹಿಳೆಯೊಬ್ಬರು ಸುಮಾರು 20 ಕೆ.ಜಿ. ತೂಗುವ ಬೃಹದಾಕಾರದ ಹೆಬ್ಬಾವನ್ನು ಸೆರೆಹಿಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಮೆಚ್ಚುಗೆ ಮಹಾಪೂರ ಹರಿದುಬಂದಿದೆ. ವಿಡಿಯೋದಲ್ಲಿರುವ ಮಹಿಳೆಯನ್ನು ಕೊಚ್ಚಿ ಮೂಲದ ವನ್ಯಜೀವಿ ಸಂರಕ್ಷಕಿ...

ಅತ್ಯಾಚಾರ ಪ್ರಕರಣ ಕುರಿತು ರಾಹುಲ್​ ನೀಡಿದ್ದ ಹೇಳಿಕೆಗೆ ಸಂಸತ್ತಿನಲ್ಲಿ ಗದ್ದಲ:...

ನವದೆಹಲಿ: ಅತ್ಯಾಚಾರ ಪ್ರಕರಣ ಕುರಿತು ಗುರುವಾರ ಜಾರ್ಖಂಡ್​ ಸಮಾವೇಶದಲ್ಲಿ ಕಾಂಗ್ರೆಸ್​ ಮಾಜಿ ಅಧ್ಯಕ್ಷ ಹಾಗೂ ವಯನಾಡಿನ ಹಾಲಿ ಸಂಸದ ರಾಹುಲ್​ ಗಾಂಧಿ ನೀಡಿದ್ದ ಹೇಳಿಕೆಗೆ ಸಂಸತ್ತಿನಲ್ಲಿ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ....

VIDEO: 8 ಅಡಿ ಉದ್ದದ ಹೆಬ್ಬಾವನ್ನು ರಕ್ಷಿಸಲು 40 ಅಡಿ...

ತ್ರಿಶೂರ್​: ಇಲ್ಲೋರ್ವ ಯುವಕ ಬಾವಿಯಲ್ಲಿ ಬಿದ್ದಿದ್ದ ಹೆಬ್ಬಾವನ್ನು ರಕ್ಷಿಸಲು ಹಗ್ಗದ ಮೂಲಕ ಕೆಳಗೆ ಇಳಿದು ಬಳಿಕ ಅಪಾಯಕ್ಕೆ ಸಿಲುಕಿದ ವಿಡಿಯೋವೊಂದು ವೈರಲ್​ ಆಗಿದೆ. ಈ ಘಟನೆ ನಡೆದಿದ್ದು ಕೇರಳದ ತ್ರಿಶೂಲ್​ನಲ್ಲಿ ಎನ್ನಲಾಗಿದೆ. ವಿಡಿಯೋದಲ್ಲಿ ಇರುವ...

VIDEO| ಲಕ್ಷ್ಯದ ಜೊತೆಯಲಿ ಅನಿರುದ್ಧ್; ಡೈಲಾಗ್​ ಟೀಸರ್​ ಬಿಡುಗಡೆ

ಬೆಂಗಳೂರು: ‘ಜೊತೆ ಜೊತೆಯಲಿ’ ಧಾರಾವಾಹಿ ಮೂಲಕ ಕನ್ನಡಿಗರ ಮನೆಮನ ಗೆದ್ದಿರುವ ನಟ ಅನಿರುದ್ಧ್ ಈಗ ‘ಲಕ್ಷ್ಯ’ಗೆ ಜತೆಯಾಗಿದ್ದಾರೆ. ಅಂದರೆ ‘ಲಕ್ಷ್ಯ’ ಸಿನಿಮಾದ ಡೈಲಾಗ್ ಟೀಸರ್ ಬಿಡುಗಡೆ ಮಾಡುವ ಮೂಲಕ ಅವರು ಚಿತ್ರತಂಡದ ಜತೆ...

VIDEO| ಇಸ್ರೋದಿಂದ ರಿಸ್ಯಾಟ್​-2ಬಿಆರ್​1 ಹೆಸರಿನ ಮತ್ತೊಂದು ಬೇಹುಗಾರಿಕಾ ಉಪಗ್ರಹ ಯಶಸ್ವಿ...

ನವದೆಹಲಿ: ಪಿಎಸ್​ಎಲ್​ವಿ-ಸಿ48 ಉಡಾವಣಾ ವಾಹಕ ಹೊತ್ತ ರಿಸ್ಯಾಟ್​-2ಬಿಆರ್​1 ಹೆಸರಿನ ಉಪಗ್ರಹವನ್ನು ಇಸ್ರೋ ಶ್ರೀಹರಿಕೋಟದಲ್ಲಿರುವ ಸತೀಶ್​ ಧವನ್​ ಉಡಾವಣಾ ಕೇಂದ್ರದಿಂದ ಬುಧವಾರ ಮಧ್ಯಾಹ್ನ ಯಶಸ್ವಿಯಾಗಿ ಉಡಾವಣೆಗೊಳಿಸಿತು. ರಿಸ್ಯಾಟ್​-2ಬಿಆರ್​1 ಉಪ್ರಗಹದ ಜೊತೆಗೆ 9 ಗ್ರಾಹಕ...

VIDEO| ವಿಜಯವಾಣಿ-ದಿಗ್ವಿಜಯ ನ್ಯೂಸ್​ ಸಹಯೋಗದಲ್ಲಿ ಫೋನ್​ ಇನ್​ ಪ್ರೋಗ್ರಾಮ್​: ಮಹಿಳಾ...

ಬೆಂಗಳೂರು: ದಿಶಾ ಅತ್ಯಾಚಾರ ಮತ್ತು ಕೊಲೆ ಹಾಗೂ ಉನ್ನಾವೋ ಅತ್ಯಾಚಾರ ಪ್ರಕರಣಗಳಂತಹ ಪೈಶಾಚಿಕ ಕೃತ್ಯಗಳು ಜನರ ಮನಸ್ಸಿನಲ್ಲಿನ್ನೂ ಮಾಸಿಲ್ಲ. ಈ ಎರಡು ಪ್ರಕರಣಗಳಿಂದ ದೇಶದೆಲ್ಲೆಡೆ ಮಹಿಳಾ ಸುರಕ್ಷಾ ಪ್ರಶ್ನೆಯನ್ನು ಎಬ್ಬಿಸಿದೆ....