25ನೇ ವರ್ಷದಲ್ಲಿ ಮಿನಿಮಮ್‌ ಬ್ಯಾಲೆನ್ಸ್‌ಗೆ ಪರದಾಡುತ್ತಿದ್ದೆ, ಈಗ ಫೋರ್ಬ್ಸ್‌ ಪಟ್ಟಿಯಲ್ಲಿ ಸ್ಥಾನ: ವಿಜಯ್‌ ದೇವರಕೊಂಡ

ಮುಂಬೈ: ಅರ್ಜುನ್‌ ರೆಡ್ಡಿ ಸಿನಿಮಾ ಮೂಲಕ ಭಾರೀ ಹವಾ ಸೃಷ್ಟಿಸಿದ್ದ ಯುವ ಟಾಲಿವುಡ್‌ ನಟ ವಿಜಯ್‌ ದೇವರಕೊಂಡ 2019ನೇ ಸಾಲಿನ ಫೋರ್ಬ್ಸ್ ಇಂಡಿಯಾ ಪಟ್ಟಿಯಲ್ಲಿ 30ನೇ ಸ್ಥಾನ ಪಡೆದಿದ್ದು, ಟಾಲಿವುಡ್‌ನಲ್ಲಿ ಮತ್ತೊಂದು ಹವಾ ಸೃಷ್ಟಿಸಿದ್ದಾರೆ.

ಗೀತಾ ಗೋವಿಂದಂ ಸಿನಿಮಾದ ಭರ್ಜರಿ ಯಶಸ್ಸಿನೊಂದಿಗೆ ಇರುವಾಗಲೇ ವಿಜಯ್‌ಗೆ ಮತ್ತೊಂದು ಅದೃಷ್ಟ ಒಲಿದು ಬಂದಿದ್ದು, 30 ವರ್ಷ ದಾಟದ ಯುವ ಸಾಧಕರ ಫೋರ್ಬ್ಸ್‌ ಪಟ್ಟಿಯಲ್ಲಿ 30ನೇ ಸ್ಥಾನ ಗಿಟ್ಟಿಸಿಕೊಂಡು ತನ್ನ ಸಾಧನೆ ಕುರಿತು ಟ್ವೀಟ್‌ ಮಾಡಿದ್ದಾರೆ.

ನಾನಾಗ 25 ವರ್ಷದವನಿದ್ದೆ. ಆಂಧ್ರ ಬ್ಯಾಂಕ್‌ನಲ್ಲಿ ಕೇವಲ 500 ರೂ. ಕನಿಷ್ಠ ಬ್ಯಾಲೆನ್ಸ್‌ ಇಟ್ಟುಕೊಳ್ಳಲು ಸಾಕಷ್ಟು ಹೆಣಗಾಡುತ್ತಿದ್ದೆ. ಆಗ ನನ್ನ ತಂದೆ ಹೇಳುತ್ತಿದ್ದರು 30 ವರ್ಷ ತುಂಬುವ ಮೊದಲು ಜೀವನದಲ್ಲಿ ನೆಲೆ ಕಂಡುಕೊ ಎಂದು ಹೇಳಿದ್ದರು. ಹಾಗಾಗಿ ನಿಮ್ಮ ಪಾಲಕರು ಆರೋಗ್ಯವಾಗಿರುವಾಗಲೇ ಮತ್ತು ನೀವು ಯಂಗ್‌ ಆಗಿರುವಾಗಲೇ ನಿಮ್ಮ ಸಾಧನೆಯನ್ನು ಎಂಜಾಯ್‌ ಮಾಡಿ. ನಾಲ್ಕು ವರ್ಷಗಳ ನಂತರ ಫೋರ್ಬ್ಸ್‌ನ 100 ಜನ ಸೆಲೆಬ್ರಿಟಿಗಳ ಪಟ್ಟಿ, ಫೋರ್ಬ್ಸ್‌ನ 30 ವರ್ಷದೊಳಗಿನ 30ನೇ ಸ್ಥಾನ ದೊರಕಿದೆ ಎಂದು ಖುಷಿ ಹಂಚಿಕೊಂಡಿದ್ದಾರೆ.

ಫೋರ್ಬ್ಸ್‌ ಪಟ್ಟಿಯಲ್ಲಿರುವವರು ಇವರು

ಮಹಿಳಾ ಕ್ರಿಕೆಟ್ ಆಟಗಾರ್ತಿ ಸ್ಮೃತಿ ಮಂದಣ್ಣ, ಅಥ್ಲೀಟ್​ ಹಿಮಾ ದಾಸ್​, ಅಭಿನಯ್‌ ಭಸಿನ್‌, ಅಸುತೋಷ್‌ ವಿಕ್ರಮ್‌, ಕಾರ್ತೀಶ್ವರನ್‌ ಕೆ ಕೆ, ದಿಪ್ತೇಜ್‌ ವರ್ನೇಕರ್‌, ಕೇಶವ್‌ ಪ್ರವಾಸಿ, ನಿತಿನ್‌ ಬಾಬೆಲ್‌, ಶಿಶಿರ್‌ ಮೋದಿ, ಪ್ರಣಯ್‌ ಸುರಾನಾ, ತುಶಾರ್‌ ಸಕ್ಸೇನಾ, ಅದಿತಿ ಅಗರ್ವಾಲ್‌, ಅಂಜಲಿ ಮೆನನ್‌, ನಿನಾದ್‌ ಕುಲಕರ್ಣಿ, ತನ್ವಿ ಜೋಹ್ರಿ, ಸಾಗರ್‌ ಯರ್ನಾಲ್ಕರ್‌, ಅನುರಾಗ್‌ ಗುಪ್ತಾ, ಪ್ರಜಕ್ತಾ ಕೊಲಿ, ಮೇಘನಾ ಮಿಶ್ರಾ, ಟೀನಾ ಸುತ್ರಾಧರ್‌, ನಿಕಿತಾ ಸುತ್ರಾಧರ್‌, ಕನಿಕಾ ಗೋಯಲ್‌, ವಸಂತ್‌ ಕಾಮತ್‌, ಅನುರಾಗ್‌ ಶ್ರೀವಾಸ್ತವ್‌, ರೋಷನ್‌ ಗುಪ್ತಾ, ನಿಖಿಲ್‌ ಬಹೇತಿ, ಆಯುಷ್‌ ಅಗರ್ವಾಲ್‌, ಕರ್ಯಾನ ಬಜಾಜ್‌, ನಿತೇಶ್‌ ಜಾಂಗೀರ್‌, ಪುಷ್ಕರ್‌ ಸಿಂಗ್, ಸುದರ್ಶನ್‌ ರವಿ, ಅಂಕಿತ್‌ ಪರಶೇರ್‌, ಅಂಕಿತ್‌ ಗರ್ಗ್‌, ರಿತು ಮಲ್ಹೋತ್ರಾ, ಪ್ರತೀಕ್‌ ಮಲ್ಹೋತ್ರಾ, ಮಂಜೀತ್‌ ಗೊಹಿಲ್‌, ಸಂಚಿತ್‌ ಗೋವಿಲ್‌, ಅಲ್ಬಿನ್ ಜೋಸೆ, ಡೇನಿಯಲ್‌ ರಾಜ್‌, ಹರಿಕೃಷ್ಣನ್‌ ಎ ಎಸ್‌, ಕಾರ್ತಿಕ್‌ ಆರ್‌, ತರುಣ್‌ ಕುಮಾರ್‌ ಮಿಶ್ರಾ, ನೀರಜ್‌ ಚೋಪ್ರಾ,ಅಭಿಷೇಕ್‌ ಬನ್ಸಾಲ್‌, ವೈಭವ್‌ ಖಂಡೇಲ್ವಾಲ, ಪ್ರಣವ್‌ ಗೋಯೆಲ್‌, ಉತ್ತಮ್‌ ದಿಗ್ಗಾ, ವಿಕಾಸ್‌ ಚೌಧರಿ ಮತ್ತಿತರರು ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. (ಏಜೆನ್ಸೀಸ್)