Tuesday, 11th December 2018  

Vijayavani

Breaking News

ಕಲ್ಲತ್ತಿಗಿರಿಯಲ್ಲಿ ಹುಲಿರಾಯನ ವಿಹಾರ, ಪ್ರವಾಸಿಗನ ಕ್ಯಾಮೆರಾದಲ್ಲಿ ಸೆರೆ

Tuesday, 26.12.2017, 2:18 PM       No Comments

<< ವೈರಲ್​ ಆಗಿದೆ ಗುಹೆಯಿಂದ ಹೊರಬಂದ ಬೆಟ್ಟದುಲಿಯ ದೃಶ್ಯಾವಳಿ >>

ಚಿಕ್ಕಮಗಳೂರು: ಕಾಡು ಪ್ರಾಣಿಗಳನ್ನ ನೋಡುವುದೇ ಒಂದು ಆನಂದ. ಅದರಲ್ಲಿಯೂ ಕಾಡಿನಲ್ಲಿಯೇ ಅವುಗಳನ್ನ ನೋಡುವುದು ಸುಂದರ ಅನುಭವ. ಆ ಭಾಗ್ಯ ಎಲ್ಲರಿಗೂ ಇರುವುದಿಲ್ಲ. ಆದರೆ, ಅದೃಷ್ಟವಂತ ಪ್ರವಾಸಿಗರೊಬ್ಬರಿಗೆ ಹುಲಿರಾಯನ ದರ್ಶನವಾಗಿದೆ.

ಜಿಲ್ಲೆಯ ಪ್ರಸಿದ್ಧ ಪ್ರವಾಸಿ ತಾಣ ತರೀಕೆರೆ ತಾಲೂಕಿನ ಕಲ್ಲತ್ತಿಗಿರಿಯಲ್ಲಿ ಹುಲಿ ಕಾಣಿಸಿಕೊಂಡಿದೆ. ಸೋಮವಾರ ಸಂಜೆಯ ವೇಳೆಗೆ ಕಲ್ಲತ್ತಿಗಿರಿ ಬಳಿ ಇರುವ ಬೆಟ್ಟಕ್ಕೆ ತೆರಳಿ ಅಲ್ಲಿಯ ನಿಸರ್ಗದ ಸೌಂದರ್ಯವನ್ನು ಸವಿಯುತ್ತಿದ್ದ ಪ್ರವಾಸಿಗರಿಗೆ ಅಚಾನಕ್ಕಾಗಿ ಗುಹೆಯಿಂದ ಹೊರಬರುವ ಹುಲಿ ಕಂಡಿದೆ. ತಡ ಮಾಡದೆ ತಮ್ಮ ಮೊಬೈಲ್​ ಹೊರತೆಗೆದ ಅವರು ಆ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ.

ನಂತರ ಹುಲಿ ಬೆಟ್ಟದ ತುದಿಯ ಬಂಡೆಗಲ್ಲುಗಳ ಮೇಲೆ ಓಡಾಡುವ ರಮ್ಯ ದೃಶ್ಯ ಸೆರೆಯಾಗಿದೆ. ಆದರೆ, ಹುಲಿ ಪ್ರತ್ಯಕ್ಷವಾಗಿರುವುದರಿಂದ ಪ್ರವಾಸಿಗರು ಹಾಗೂ ಕಲ್ಲತ್ತಿಗಿರಿ, ಬಳ್ಳಾವರ ಗ್ರಾಮ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮಸ್ಥರು ಕೊಂಚ ಆತಂಕಕ್ಕೆ ಒಳಗಾಗಿದ್ದಾರೆ. (ದಿಗ್ವಿಜಯ ನ್ಯೂಸ್)

Leave a Reply

Your email address will not be published. Required fields are marked *

Back To Top