ಹಿಂದಿನಂತೆ ಈಗ ವಿಮಾನ ಪ್ರಯಾಣ ಗಗನಕುಸುಮವಲ್ಲ. ಈ ಕಾಲದಲ್ಲಿ ಬಹುತೇಕರ ಪಾಲಿಗೆ ವಿಮಾನ ಪ್ರಯಾಣ ಸಹಜ. ವಿಮಾನ ಪಯಣದಲ್ಲಿ ಊಟ, ತಿಂಡಿತಿನಿಸು ತಿನ್ನುವುದು ಸಾಮಾನ್ಯ. ಇದೇ ಪರಿಕಲ್ಪನೆಯನ್ನಿಟ್ಟುಕೊಂಡ ಹಾರಾಡುವ ರೆಸ್ಟೋರಂಟ್ ಜನಪ್ರಿಯಗೊಳ್ಳುತ್ತಿದೆ.
ಉತ್ತರಪ್ರದೇಶದ ನೋಯ್ಡಾದಲ್ಲಿ ಭೂಮಿಯಿಂದ 160 ಅಡಿ ಎತ್ತರದಲ್ಲಿರುವ ಈ ರೆಸ್ಟೋರಂಟ್ನಲ್ಲಿ ಜನ ಊಟ ಮಾಡಿ ಸಂಭ್ರಮಿಸುತ್ತಿದ್ದಾರೆ. ಕ್ರೇನ್ ಮೂಲಕ ಗ್ರಾಹಕರನ್ನು 160 ಅಡಿ ಎತ್ತರಕ್ಕೊಯ್ಯುವ ಈ ರೆಸ್ಟೋರಂಟ್ನಲ್ಲಿ 24 ಆಸನಗಳಿವೆ.
ದುಬೈನಲ್ಲಿ ಇಂಥ ಅನುಭವವನ್ನು ಪಡೆದಿದ್ದ ನಿಖಿಲ್ ಎನ್ನುವವರು ಭಾರತದಲ್ಲಿ ಈ ವಿಭಿನ್ನ ರೆಸ್ಟೋರಂಟ್ ಪರಿಚಯಿಸಿದ್ದಾರೆ. ಜರ್ಮನ್ ತಂತ್ರಜ್ಞರ ಬಳಿ ತರಬೇತಿ ಪಡೆದು ಎರಡು ವರ್ಷ ಅವಧಿಯಲ್ಲಿ ಈ ರೆಸ್ಟೋರಂಟ್ ನಿರ್ವಿುಸಲಾಗಿದೆ.