Thursday, 13th December 2018  

Vijayavani

ಕಬ್ಬು ದರ ಬಾಕಿ ನೀಡಲು ರೈತರ ಆಗ್ರಹ -ಸುವರ್ಣ ಸೌಧದಕ್ಕೆ ಮುತ್ತಿಗೆ ಯತ್ನ - ಪೊಲೀಸರೊಂದಿಗೆ ಅನ್ನದಾತರ ಜಟಾಪಟಿ        ರಾಜಸ್ಥಾನ ಸಿಎಂ ಆಗಿ ಗೆಹ್ಲೋಟ್ ಹೆಸರು ಫೈನಲ್ - ರಾಹುಲ್ ಆಪ್ತ ಸಚಿನ್ ಪೈಲಟ್​ಗೆ ಡಿಸಿಎಂ ಪಟ್ಟ - ಅಧಿಕೃತ ಘೋಷಣೆ ಬಾಕಿ        ಬಳ್ಳಾರಿಯ ಮೈಲಾರದಲ್ಲಿ ಗೊರವಯ್ಯನ ಗಲಾಟೆ - ಸಣ್ಣಪ್ಪ ಮಲ್ಲಪ್ಪನವರಿಗೆ ಗೊರವಯ್ಯನ ದೀಕ್ಷೆ ಕೊಟ್ಟಿದ್ದಕ್ಕೆ ವಿರೋಧ         ಟ್ರಿನಿಟಿ ಸರ್ಕಲ್​​ನಲ್ಲಿ ಮೆಟ್ರೋ ಪಿಲ್ಲರ್ ಬಿರುಕು - ಜೀವದ ಜತೆ ಚೆಲ್ಲಾಟ ಬೇಡ - ದಿಗ್ವಿಜಯ ನ್ಯೂಸ್ ಜತೆ ಎಕ್ಸ್​​ಪರ್ಟ್​​ಗಳ ಮಾತು        ತಿರುವನಂತಪುರದಲ್ಲಿ ಬಿಜೆಪಿ ಕಾರ್ಯಕರ್ತರ ಪ್ರತಿಭಟನೆ -ಹಿಂಸಾಚಾರಕ್ಕೆ ಯತ್ನ, ಪೊಲೀಸರಿಂದ ಲಾಠಿಚಾರ್ಜ್       
Breaking News

ಸರ್ವಾಧಿಕಾರಿ ಕಿಮ್​ ಭೇಟಿ ಬಗ್ಗೆ ಡೊನಾಲ್ಡ್​ ಟ್ರಂಪ್​ ಹೇಳಿದ್ದೇನು?

Tuesday, 12.06.2018, 12:46 PM       No Comments

ನವದೆಹಲಿ: ಜಾಗತಿಕ ಮಟ್ಟದಲ್ಲಿ ಕುತೂಹಲ ಕೆರಳಿಸಿದ್ದ ಅಮೆರಿಕ ಅಧ್ಯಕ್ಷ ಡೋನಾಲ್ಡ್​ ಟ್ರಂಪ್​ ಹಾಗೂ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್​ ಜಾಂಗ್​ ಉನ್​ ಭೇಟಿಗೆ ಸಿಂಗಾಪುರ ಸಾಕ್ಷಿಯಾಗಿದ್ದು, ಉಭಯ ನಾಯಕರು ಮಹತ್ವದ ಚರ್ಚೆ ನಡೆಸಿ ಐತಿಹಾಸಿಕ ಹಾಗೂ ಸಮಗ್ರ ಕಡತಗಳಿಗೆ ಜಂಟಿ ಸಹಿ ಹಾಕಿದ್ದಾರೆ.

ಈ ಮಹತ್ವದ ಭೇಟಿಯನ್ನು ಉಭಯ ನಾಯಕರು ವರ್ಣಿಸಿದ್ದು, ಕಿಮ್​ ಹೊಸ ಬಾಂದವ್ಯವನ್ನು ಸೃಷ್ಟಿಸಿದ್ದಾರೆಂದು ಟ್ರಂಪ್​ ಹೇಳಿದರೆ, ಹಿಂದೆ ನಡೆದಿದ್ದನೆಲ್ಲಾ ಹಿಂದೆಯೇ ಬಿಟ್ಟು ಬಿಡೋಣ ಎಂದು ಕಿಮ್​ ಹೇಳಿದ್ದಾರೆ.

ವೈಟ್​ ಹೌಸ್​ಗೆ ಆಹ್ವಾನ
ಟ್ರಂಪ್​ ಮಾತನಾಡಿ ನಾವು ಖಂಡಿತವಾಗಿ ಕಿಮ್​ ಅವರನ್ನು ವೈಟ್​ಹೌಸ್​ಗೆ ಆಮಂತ್ರಿಸುತ್ತೇವೆ. ಉತ್ತರ ಕೊರಿಯಾ ಶಿಘ್ರವೇ ಅಣ್ವಸ್ತ್ರನಾಶ ಪ್ರಕ್ರಿಯೆಯನ್ನು ಶುರು ಮಾಡಬೇಕು ಎಂದು ತಿಳಿಸಿದರು.

ಕಡತಗಳಿಗೆ ಸಹಿ ಹಾಕುವುದಕ್ಕೂ ಮುನ್ನಾ ಎಲ್ಲರೂ ನಿರೀಕ್ಷಿಸಿದಕ್ಕಿಂತ ಉತ್ತಮವಾದುದ್ದನ್ನು ಮಾಡೋಣ ಎಂದು ಸಿಂಗಾಪುರದ ಸೆಂಟೋಸಾ ದ್ವೀಪದಲ್ಲಿರೋ ಕ್ಯಾಪೆಲ್ಲ ಹೋಟೆಲ್​ನಲ್ಲಿ ನಡೆದ ಶೃಂಗ ಸಭೆಯಲ್ಲಿ ಟ್ರಂಪ್​ ಮಾತನಾಡಿದರು. ಅಲ್ಲದೆ, ಉಭಯ ನಾಯಕರು ಒಟ್ಟಿಗೆ ಕುಳಿತು ಕ್ಯಾಪೆಲ್ಲ ಹೋಟೆಲ್​ನ ಗಾರ್ಡನ್​ನಲ್ಲಿ ಮಧ್ಯಾಹ್ನದ ಊಟವನ್ನು ಸೇವಿಸಿದರು.​

ಧನಾತ್ಮಕ ಹಾದಿಯಲ್ಲಿ ಸಾಕಷ್ಟು ಪ್ರಗತಿ ಸಾಧಿಸಿ, ಎಲ್ಲರೂ ನಿರೀಕ್ಷಿಸಿದಕ್ಕಿಂತ ಉತ್ತಮ ಕೆಲಸ ಮಾಡಿ ಉಭಯ ರಾಷ್ಟ್ರಗಳು ಮುಂಚೂಣಿಯಲ್ಲಿರುವಂತೆ ನೋಡಿಕೊಳ್ಳಲು ನಾವು ಸಹಿ ಮಾಡುತ್ತಿರುವುದಾಗಿ ಕೊರಿಯನ್ ಪರ್ಯಾಯ ದ್ವೀಪದ ಮೇಲಿನ ಪರಮಾಣು ಬಿಕ್ಕಟ್ಟನ್ನು ಅಂತ್ಯಗೊಳಿಸುವ ಮಾರ್ಗಗಳ ಕುರಿತು ನಡೆದ ಮಾತುಕತೆಯ ನಂತರ ಟ್ರಂಪ್​, ಸುದ್ದಿಗಾರರಿಗೆ ತಿಳಿಸಿದರು.

ಯಾವ ಯಾವ ಒಪ್ಪಂದಗಳಿಗೆ ಸಹಿ ಹಾಕಿದ್ದೇನೆಂಬುದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡದೇ, ಮುಂದೆ ನಿಮಗೆ ಗೊತ್ತಾಗಲಿದೆ ಎಂದು ಮಾಧ್ಯಮದವರಿಗೆ ಹೇಳಿ ಮಾತನ್ನು ಮುಗಿಸಿದರು. ಈ ವೇಳೆ ಟ್ರಂಪ್​ ಜತೆ ಸುಮ್ಮನೆ ನಿಂತಿದ್ದ ಕಿಮ್​ ಮಾಧ್ಯಮದವರ ಜತೆ ಏನನ್ನು ಮಾತನಾಡಲಿಲ್ಲ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top