ಜಿಂದಾಲ್ಗೆ ಭೂಮಿ ಮಾರಾಟ ಬೇಡ

ಯಾದಗಿರಿ: ರಾಜ್ಯ ಸರ್ಕಾರ ಭೂ ಸ್ವಾಧೀನ ಕಾಯ್ದೆ ಮೂಲಕ ರಾಜ್ಯವನ್ನು ಮಾರಾಟಕ್ಕಿಟ್ಟಿದೆ ಎಂದು ಕರ್ನಾಟಕ ರಾಜ್ಯ ರೈತ (ಹಸಿರುಸೇನೆ) ಸಂಘದ ಅಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ ಆರೋಪಿಸಿದರು.

ಸೋಮವಾರ ನಗರದಲ್ಲಿ ಸಂಘದ ಜಿಲ್ಲಾ ಘಟಕದ ನೂತನ ಕಚೇರಿ ಉದ್ಘಾಟಿಸಿದ ನಂತರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಗ್ರಾನೈಟ್ ದಂಧೆ ಮಾಡುವ ಸಚಿವ ಡಿ.ಕೆ.ಶಿವಕುಮಾರ ಜಿಂದಾಲ್ಗೆ ಭೂಮಿ ನೀಡಲು ಮುಂದಾಗಿದ್ದಾರೆ. ಮಾಜಿ ಪ್ರಧಾನಿ ದೇವೇಗೌಡ ಅವರು ಡಿಕೆಶಿ ಅವರನ್ನು ಸಿಎಂ ಮಾಡುತ್ತೇನೆ ಎಂದು ಹೇಳಿದ ಮೇಲೆ ಶಿವಕುಮಾರ ಉದ್ಧಟತನದ ಮಾತುಗಳನ್ನಾಡುತ್ತಿದ್ದಾರೆ. ಈಗಾಗಲೇ ಅವರು ಬ್ಲಾಕ್ ಲಿಸ್ಟ್ನಲ್ಲಿದ್ದು, ಅವರ ವಿರುದ್ಧ ಈಡಿ ತನಿಖೆ ನಡೆಯುತ್ತಿದೆ. ಜಿಂದಾಲ್ಗೆ ಭೂಮಿ ಮಾರಾಟ ಮಾಡುವ ಬದಲು ಲೀಸ್ ಕೊಡುವಂತೆ ಆಗ್ರಹಿಸಿದರು.

ದೇಶದಲ್ಲಿ ಕೃಷಿ ಉತ್ಪಾದನೆ ಮೇಲೆ ಕೈಗಾರಿಕೆಗಳು ನಿಂತಿವೆ. ಹೀಗಾಗಿ ಸಕರ್ಾರ ಕೈಗಾರಿಕೆಗಳಿಗೆ ಒಂದಿಂಚು ಭೂಮಿ ನೀಡಬೇಕಾದರೆ ಯೋಜನೆ ಮಾಡಬೇಕಿದೆ. ಇನ್ನೂ ಸಿಎಂ ಕುಮಾರಸ್ವಾಮಿ ಅವರು ಗ್ರಾಮ ವಾಸ್ತವ್ಯ ಮಾಡುವ ಮೂಲಕ ದುಂಧು ವೆಚ್ಚಕ್ಕೆ ಮುಂದಾಗಿದ್ದಾರೆ. ಹಳ್ಳಿಗೆ ಬಂದು ರೊಟ್ಟಿ ತಿಂದು ಹೋದರೆ ಸಮಸ್ಯೆ ಪರಿಹಾರವಾಗುತ್ತಾ? ಎಂದು ಪ್ರಶ್ನಿಸಿದ ಕೋಡಿಹಳ್ಳಿ, ಸಿಎಂ ಅವರು ಗ್ರಾಮ ವಾಸ್ತವ್ಯದ ಮೂಲಕ ಸಕರ್ಾರಕ್ಕೆ ಎದುರಾಗುವ ಆಪತ್ತು ತಪ್ಪಿಸಲು ಮುಂದಾಗಿದ್ದಾರೆ ಎಂದು ವ್ಯಂಗ್ಯವಾಡಿದರು.

ಸಂಘದ ರಾಜ್ಯ ಸಂಚಾಲಕ ಸುಭಾಷ್ ಐಕೂರು, ಮಾಲತೇಶ ಹಾವೇರಿ, ಶಿವಪ್ಪ ಕೋಲಾರ, ಬಸ್ಸನಗೌಡ ಚಿಂಚೋಳಿ, ಗೋಪಿ ಬೆಂಗಳೂರು ಇದ್ದರು.

Leave a Reply

Your email address will not be published. Required fields are marked *