ಶ್ರೀ ತುಳಜಾಭವಾನಿ ಜಾತ್ರಾ ಮಹೋತ್ಸವ

ವಿಜಯವಾಣಿ ಸುದ್ದಿಜಾಲ ಧಾರವಾಡ
ನಗರದ ಹೆಬ್ಬಳ್ಳಿ ಅಗಸಿಯ ನವಲಗುಂದ ರಸ್ತೆಯಲ್ಲಿರುವ ಶ್ರೀ ತುಳಜಾಭವಾನಿ ದೇವಸ್ಥಾನದ 15ನೇ ಜಾತ್ರಾ ಮಹೋತ್ಸವವು ಫೆ. 9 ಮತ್ತು 10ರಂದು ನಡೆಯಲಿದೆ. 9ರಂದು ಬೆಳಗ್ಗೆ 8.30ಕ್ಕೆ ಶ್ರೀದೇವಿಯ ಪಲ್ಲಕ್ಕಿ ಮೆರವಣಿಗೆಯು ಡೊಳ್ಳು ಕುಣಿತ, ಗೊಂಬೆ ಕುಣಿತ ಹಾಗೂ ಸಕಲ ಮಂಗಳವಾದ್ಯಗಳೊAದಿಗೆ ಪ್ರಾರಂಭವಾಗುತ್ತದೆ. 9 ಗಂಟೆಗೆ ಶ್ರೀ ಸಪ್ತಶತಿ ಪಾರಾಯಣ, 9.30ಕ್ಕೆ ಶ್ರೀ ಗಣಹೋಮ, ಮಧ್ಯಾಹ್ನ 12.30ಕ್ಕೆ ಪೂರ್ಣಾಹುತಿ, ಮಧ್ಯಾಹ್ನ 1 ಗಂಟೆಗೆ ಮಹಾಪ್ರಸಾದ, ಸಂಜೆ 7ಕ್ಕೆ ಯಲಿಗಾರ ಸಮಾಜದ ಮಕ್ಕಳಿಂದ ರಸಮಂಜರಿ ಕಾರ್ಯಕ್ರಮ, ಸಂಗೀತ ಸಂಜೆ, ರಾತ್ರಿ ಮಹಾಪ್ರಸಾದ ಆಯೋಜಿಸಲಾಗಿದೆ.
10ರಂದು ಬೆಳಗ್ಗೆ 9ಕ್ಕೆ ಶ್ರೀ ನವಚಂಡಿ ಹೋಮ, 11.30ಕ್ಕೆ ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ 12.30ಕ್ಕೆ ಪೂರ್ಣಾಹುತಿ, ಗುರುಭಕ್ತಿ ತತ್ಪರ ಅವಧೂತ ಶ್ರೀ ರಮೇಶಮಹಾರಾಜ ಅವರಿಂದ ಆಶೀರ್ವಚನ, ನಂತರ ಶ್ರೀದೇವಿಗೆ ಉಡಿ ತುಂಬುವ ಕಾರ್ಯಕ್ರಮ ಇದೆ. ಮಧ್ಯಾಹ್ನ ಮಹಾಪ್ರಸಾದ, ಸಂಜೆ 5ಕ್ಕೆ ಶ್ರೀದೇವಿಯ ಪಲ್ಲಕ್ಕಿ ಉತ್ಸವ, ಸಂಜೆ 5.30ರಿಂದ ರಸಮಂಜರಿ ಹಾಗೂ ಸಂಗೀತ ಮನರಂಜನೆಯ ಕಾರ್ಯಕ್ರಮ, ರಾತ್ರಿ ಮಹಾಪ್ರಸಾದ ಇರುತ್ತದೆ ಎಂದು ದೇವಸ್ಥಾನದ ಆಡಳಿತ ಮಂಡಳಿ ತಿಳಿಸಿದೆ.