ಹರಿಣಗಳ ನಾಡಲ್ಲಿ ಘರ್ಜಿಸಿದ ಕೊಹ್ಲಿ ಪಡೆ: ಸರಣಿ ವಶದೊಂದಿಗೆ ಇತಿಹಾಸ ಸೃಷ್ಟಿ

ಸೆಂಚುರಿಯನ್‌: ಪ್ರವಾಸಿ ಭಾರತ ಮತ್ತು ದಕ್ಷಿಣ ಆಫ್ರಿಕಾ ತಂಡಗಳ ನಡುವೆ ನಡೆದ 6ನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಅಮೋಘ ಜಯ ಸಾಧಿಸಿದೆ. ಈ ಮೂಲಕ 6 ಪಂದ್ಯಗಳ ಏಕದಿನ ಸರಣಿಯಲ್ಲಿ 5-1 ಅಂತರದಿಂದ ಸರಣಿ ವಶಪಡಿಸಿಕೊಂಡು ಇತಿಹಾಸ ಸೃಷ್ಟಿಸಿದೆ.

ಸೆಂಚುರಿಯನ್‌ನ ಸೂಪರ್‌ ಸ್ಪೋರ್ಟ್‌ ಪಾರ್ಕ್‌ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ನೀಡಿದ 205 ರನ್​ಗಳ ಗುರಿಯನ್ನು ಬೆನ್ನತ್ತಿದ ಭಾರತ 32.1 ಓವರ್​ಗಳಲ್ಲಿ 2 ವಿಕೆಟ್​ ಕಳೆದುಕೊಂಡು 206 ರನ್​ ಗಳಿಸುವ ಮೂಲಕ ಗೆಲುವಿನ ನಗೆ ಬೀರಿತು.

ಟೀಂ ಇಂಡಿಯಾ ಪರ ಶಿಖರ್​ ಧವನ್​(18), ರೋಹಿತ್​ ಶರ್ಮಾ(15), ವಿರಾಟ್​ ಕೊಹ್ಲಿ(129*) ಹಾಗೂ ಅಜಿಂಕ್ಯಾ ರಹಾನೆ (ಅಜೇಯ 34*) ರನ್​ಗಳ ಕಾಣಿಕೆ ನೀಡಿದರು.

ದಕ್ಷಿಣ ಆಫ್ರಿಕಾ ಪರ ಲುಂಗಿಸಾನಿ ಎನ್ಜಿಡಿ ಎರಡು ವಿಕೆಟ್​ ಪಡೆದರು.

ಇದಕ್ಕೂ ಮೊದಲು ಟಾಸ್​ ಸೋತು ಬ್ಯಾಟ್​ ಮಾಡಿದ ದಕ್ಷಿಣ ಆಫ್ರಿಕಾ 46.5 ಓವರ್‌ಗಳಲ್ಲಿ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು ಭಾರತಕ್ಕೆ 205 ರನ್‌ ಗುರಿಯನ್ನು ನೀಡಿತು.

ಆಫ್ರಿಕಾ ಪರ ಹಶೀಂ ಆಮ್ಲಾ (10), ಮಾರ್ಕ್​ರಾಮ್ (24), ಎಬಿಡಿ (30)​, ಜೊಂಡೊ (54), ಕ್ಲಾಸೆನ್ (22), ಮಾರ್ಕೆಲ್ (20) ಹಾಗೂ ಇಂಡಿಲ್ 34 ರನ್​ಗಳ ಕಾಣಿಕೆ ನೀಡಿದರು.

ಟೀಂ ಇಂಡಿಯಾ ಪರ ಶಾರ್ದೂಲ್​​ ಠಾಕೂರ್​ಗೆ​ 4 ವಿಕೆಟ್​, ಯಜುವೇಂದ್ರ ಚಾಹಲ್, ಬುಮ್ರಾಗೆ ತಲಾ 2, ಕುಲದೀಪ್​​ ಯಾದವ್, ಹಾರ್ದಿಕ್ ಪಾಂಡ್ಯಗೆ ತಲಾ 1 ವಿಕೆಟ್​ ಪಡೆದರು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *