ದ್ವಿಶತಕ ಬಾರಿಸಿದ ಮೊದಲ ಬಾಂಗ್ಲಾ ಕ್ರಿಕೆಟಿಗನೆಂಬ ಕೀರ್ತಿಗೆ ಭಾಜನರಾದ ಸೌಮ್ಯ ಸರ್ಕಾರ್​

ದುಬೈ: ಏಕದಿನ ಪಂದ್ಯದಲ್ಲಿ ಇನ್ನೂರು ರನ್​ ಗಡಿ ದಾಟುವ ಮೂಲಕ ಸೌಮ್ಯ ಸರ್ಕಾರ್​ ಅವರು ದ್ವಿಶತಕ ಸಾಧನೆ ಮಾಡಿದ ಮೊದಲ ಬಾಂಗ್ಲಾದ ಆಟಗಾರ ಎಂಬ ಖ್ಯಾತಿಗೆ ಭಾಜನರಾಗಿದ್ದಾರೆ.

ಬುಧವಾರ ನಡೆದ ಢಾಕ ಪ್ರಿಮಿಯರ್​ ಲೀಗ್​ ಪಂದ್ಯದಲ್ಲಿ ಸೌಮ್ಯ ಸರ್ಕಾರ್​ ಅವರು ಅಬ್ಬರಿಸಿದ್ದಾರೆ. ಅಬಾನಿ ಲಿಮಿಟೆಡ್​ ತಂಡದ ಪರ ಆಡಿದ ಸೌಮ್ಯ ಸರ್ಕಾರ್​, ಶೇಕ್​ ಜಮಾಲ್​ ಧನ್ಮಂಡಿ ಕ್ಲಬ್ ವಿರುದ್ಧ ಅಜೇಯ ದ್ವಿಶತಕ(208) ಬಾರಿಸುವ ಮೂಲಕ ತಂಡದ ಗೆಲುವಿಗೆ ಕಾರಣರಾದರು.

ತಾವು ಎದುರಿಸಿದ 153 ಎಸೆತಗಳಲ್ಲಿ 14 ಬೌಂಡರಿ ಹಾಗೂ 16 ಸಿಕ್ಸರ್​ ಒಳಗೊಂಡಂತೆ ಅಜೇಯ 208 ರನ್​ ಬಾರಿಸಿದ ಸರ್ಕಾರ್​, ಮೊದಲ ದ್ವಿಶತಕ ಸಾಧಿಸಿದ ಬಾಂಗ್ಲಾದ ಮೊದಲ ಆಟಗಾರನೆಂಬ ಇತಿಹಾಸವನ್ನು ತಮ್ಮ ಹೆಸರಿಗೆ ಬರೆದುಕೊಂಡರು.

ಮೊದಲು ಬ್ಯಾಟ್​ ಮಾಡಿದ ಧನ್ಮಂಡಿ ಕ್ಲಬ್ 50 ಓವರ್​ಗಳಲ್ಲಿ 318 ರನ್​ ಗುರಿ ನೀಡಿತ್ತು. ಗುರಿ ಬೆನ್ನತ್ತಿದ ಅಬಾನಿ ಲಿಮಿಟೆಡ್ ಒಂದು ವಿಕೆಟ್​ ನಷ್ಟಕ್ಕೆ ಯಶಸ್ವಿಯಾಗಿ ಗುರಿ ಮುಟ್ಟಿತು. ಈ ಮೂಲಕ ಢಾಕ ಪ್ರೀಮಿಯರ್​ ಟೈಟಲ್​ ಅನ್ನು ಮುಡಿಗೇರಿಸಿಕೊಂಡಿತು. (ಏಜೆನ್ಸೀಸ್​)