ಕಣಿವೆ ರಾಜ್ಯದಲ್ಲಿ 6 ಉಗ್ರರ ಹತ್ಯೆ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್​ ಮತ್ತು ಬಾರಾಮುಲ್ಲಾ ಜಿಲ್ಲೆಯಲ್ಲಿ ನಡೆದ 2 ಪ್ರತ್ಯೇಕ ಎನ್​ಕೌಂಟರ್​ನಲ್ಲಿ ಭದ್ರತಾ ಪಡೆಗಳು 6 ಉಗ್ರರನ್ನು ಹೊಡೆದುರುಳಿಸಿವೆ.

ಗುರುವಾರ ಅನಂತನಾಗ್​ ಜಿಲ್ಲೆಯ ಅರ್ವಾನಿನಲ್ಲಿ ನಡೆದ ಎನ್​ಕೌಂಟರ್​ನಲ್ಲಿ 4 ಉಗ್ರರು ಮೃತಪಟ್ಟಿದ್ದರೆ, ಬಾರಾಮುಲ್ಲಾ ಜಿಲ್ಲೆಯ ಕ್ರೀರಿಯಲ್ಲಿ ನಡೆದ ಎನ್​ಕೌಂಟರ್​ನಲ್ಲಿ ಲಷ್ಕರ್​ ಎ ತೋಯೆಬಾ ಉಗ್ರ ಸಂಘಟನೆಯ ಇಬ್ಬರು ಉಗ್ರರನ್ನು ಹತ್ಯೆ ಮಾಡಲಾಗಿದೆ. ಘಟನಾ ಸ್ಥಳದಿಂದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಎನ್​ಕೌಂಟರ್​ ನಡೆದ ಸ್ಥಳದಲ್ಲಿ ಗ್ರೆನೇಡ್​ ಅಥವಾ ಬಾಂಬ್​ಗಳೂ ಸ್ಫೋಟಗೊಳ್ಳದೆ ಉಳಿದಿರಬಹುದಾದ ಹಿನ್ನೆಲೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಜನರು ಆ ಸ್ಥಳಕ್ಕೆ ತೆರಳದಂತೆ ಸ್ಥಳೀಯರಿಗೆ ಮನವಿ ಮಾಡಿದ್ದಾರೆ. (ಏಜೆನ್ಸೀಸ್​)

AnantnagBaramullaEncounterJammu and KashmirLashkar e ToibaMilitantsಅನಂತನಾಗ್​ಉಗ್ರರುಎನ್​ಕೌಂಟರ್ಜಮ್ಮು ಮತ್ತು ಕಾಶ್ಮೀರಬಾರಾಮುಲ್ಲಾಲಷ್ಕರ್​ ಎ ತೋಯೆಬಾ