ಸಿದ್ದಾಪುರ ಗ್ರಾಪಂ ಸಭೆಗಳಿಗೆ ದಿನಾಂಕ ನಿಗದಿ

ಸಿದ್ದಾಪುರ: ಸಿದ್ದಾಪುರ ಗ್ರಾಮ ಪಂಚಾಯಿತಿ ವಾರ್ಡ್ ಸಭೆಗಳಿಗೆ ದಿನಾಂಕ ನಿಗದಿ ಪಡಿಸಿರುವುದಾಗಿ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಶಫೀಕ್ ತಿಳಿಸಿದ್ದಾರೆ.

ಒಟ್ಟು 7 ವಾರ್ಡ್‌ಗಳನ್ನು ಹೊಂದಿರುವ ಸಿದ್ದಾಪುರ ಗ್ರಾಮ ಪಂಚಾಯಿತಿಯ 2024-25ನೇ ಸಾಲಿನ ವಾರ್ಡ್ ಸಭೆಯ ದಿನಾಂಕ ವೇಳಾ ಪಟ್ಟಿ ಸಿದ್ಧಗೊಂಡಿದ್ದು, ಕರಡಿಗೋಡು 1ನೇ ವಾರ್ಡ್ ಸಭೆಯು ನ.11ರಂದು ಬೆಳಗ್ಗೆ 10.30ಕ್ಕೆ ಅವರೆಗುಂದ ಸಮುದಾಯ ಭವನದಲ್ಲಿ ನಡೆಯಲಿದೆ.ಅದೇ ದಿನ ಗುಹ್ಯ 1 ಮತ್ತು 2ನೇ ವಾರ್ಡ್ ಸಭೆಯು ಬಿ.ಜಿ.ಎಸ್.ಶಾಲಾ ಆವರಣದಲ್ಲಿ ಸಂಜೆ 4 ಮತ್ತು 5 ಗಂಟೆಗೆ ನಡೆಯಲಿದೆ.
ಸಿದ್ದಾಪುರ 1ನೇ ವಾರ್ಡ್ ಹಾಗೂ ಕರಡಿಗೋಡು 2, ಮತ್ತು 3ನೇ ವಾರ್ಡ್ ನ ಸಭೆಯು ನ.13ರಂದು ಗ್ರಾಮ ಪಂಚಾಯಿತಿ ಸಭಾಂಗಣದಲ್ಲಿ ನಡೆಯಲಿದೆ. ಅದೇ ದಿನ ಸಂಜೆ 4 ಗಂಟೆಗೆ ಕರಡಿಗೋಡು ಶಾಲೆ ಆವರಣದಲ್ಲಿ 4ನೇ ವಾರ್ಡ್‌ನ ಸಭೆ ನಡೆಯಲಿದೆ.

ಗ್ರಾಮಸ್ಥರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವ ಮೂಲಕ ತಮ್ಮ ವಾರ್ಡ್‌ಗಳ ಅಭಿವೃದ್ಧಿ ಕಾರ್ಯಗಳ ಬಗ್ಗೆ ಮಾಹಿತಿ ನೀಡಿ ಸಭೆಯನ್ನು ಯಶಸ್ವಿಗೊಳಿಸುವಂತೆ ಗ್ರಾಮ ಪಂಚಾಯಿತಿ ಆಡಳಿತ ಮಂಡಳಿ ತಿಳಿಸಿದೆ.