ಮುಂಬೈ: ಬಹುಭಾಷಾ ನಟಿ ಶ್ವೇತಾ ಬಸು ಪ್ರಸಾದ್ ಅವರು ತಮ್ಮ ಪತಿ ಹಾಗೂ ನಿರ್ದೇಶಕ ರೋಹಿತ್ ಮಿತ್ತಲ್ರಿಂದ ಬೇರೆಯಾಗಿದ್ದು, ಅದಕ್ಕೆ ಕಾರಣ ಏನೆಂಬುದನ್ನು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.
ಗೋವಾದಲ್ಲಿ 2017ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಶ್ವೇತಾ ಬಸು ಪ್ರಸಾದ್ ಮತ್ತು ರೋಹಿತ್, 2018 ಡಿಸೆಂಬರ್ 13ರಂದು ಪುಣೆಯಲ್ಲಿ ವಿವಾಹವಾದರು. ವೈವಾಹಿಕ ಜೀವನ ಒಂದು ವರ್ಷ ತುಂಬಿದ ಬೆನ್ನಲ್ಲೇ ಶ್ವೇತಾ ತಮ್ಮ ಪತಿಯಿಂದ ಬೇರ್ಪಟ್ಟಿರುವುದಾಗಿ ಇನ್ಸ್ಟಾಗ್ರಾಂನಲ್ಲಿ ಘೋಷಿಸಿದ್ದಾರೆ.
ರೋಹಿತ್ ಮತ್ತು ನಾನು ಬೇರೆ ಬೇರೆ ದಾರಿಯಲ್ಲಿ ಹೋಗಲು ಪರಸ್ಪರ ನಿರ್ಧರಿಸಿದ್ದೇವೆ. ಈ ಮೂಲಕ ನಮ್ಮ ವೈವಾಹಿಕ ಜೀವನಕ್ಕೆ ಕೊನೆಗಾಣಿಸಿದ್ದೇವೆ. ಹಲವು ತಿಂಗಳು ಯೋಚಿಸಿ ನಮ್ಮ ಹಿತಾಸಕ್ತಿಗೆ ಅನುಗುಣವಾಗಿ ಬೇರೆಯಾಗಿ ಸಾಗಲು ಕೆಲ ತಿಂಗಳ ಹಿಂದೆ ನಿರ್ಧಾರಕ್ಕೆ ಬಂದಿದ್ದೇವೆ. ಭರಿಸಲಾಗದ ನೆನಪುಗಳು ನೀಡಿದ ರೋಹಿತ್ಗೆ ಧನ್ಯವಾದಗಳು. ಅವರು ಯಾವಾಗಲು ನನಗೆ ಸ್ಫೂರ್ತಿಯಾಗಿರುತ್ತಾರೆ. ಮುಂದಿನ ದಿನಗಳಲ್ಲಿ ಒಳ್ಳೆಯ ಜೀವನ ನಿಮ್ಮದಾಗಲಿ ಎಂದು ಶ್ವೇತಾ ಶುಭಕೋರಿದ್ದಾರೆ.
ಅಂದಹಾಗೆ ಶ್ವೇತಾ ಬಸು ಬಾಲ ನಟಿಯಾಗಿ ಹಿಂದಿ ಸಿನಿಮಾ ರಂಗಕ್ಕೆ ಪರಿಚಿತರಾದರು. ತೆಲುಗು ಮತ್ತು ತಮಿಳಿನ ಅನೇಕ ಚಿತ್ರಗಳನ್ನು ಶ್ವೇತಾ ನಟಿಸಿದ್ದಾರೆ. (ಏಜೆನ್ಸೀಸ್)