ಮುಂಬೈ: ಬಾಲಿವುಡ್ ಬಾದ್ಷಾ ಶಾರೂಖ್ ಖಾನ್ ಅವರ ಸಿಗ್ನೇಚರ್ ಪೋಸ್ ಭಾರತದಲ್ಲಿ ಮಾತ್ರವಲ್ಲ ವಿಶ್ವದಾದ್ಯಂತ ಜನಪ್ರಿಯವಾಗಿದೆ. ಇತ್ತೀಚೆಗಷ್ಟೇ ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್ 2024ರಲ್ಲಿ ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ಶಾರೂಖ್ ಅವರಿಗೆ ಪಾರ್ಡೊ ಅಲ್ಲಾ ಕ್ಯಾರಿಯರಾ ಎಂದು ಕರೆಯಲ್ಪಡುವ ಜೀವಮಾನ ಸಾಧನೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಈ ವೇದಿಕೆಯಲ್ಲಿ ಶಾರೂಖ್ ಅವರ ಸಿಗ್ನಚರ್ ಪೋಸ್ ಬಗ್ಗೆ ಕೇಳಲಾಯಿತು. ಅದಕ್ಕೆ ಕಿಂಗ್ ಖಾನ್ ತಮ್ಮ ಸ್ಟೈಲ್ನ ಕುತೂಹಲಕಾರಿ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ.

ಇದನ್ನು ಓದಿ: ಪ್ಯಾರಿಸ್ ಒಲಿಂಪಿಕ್ಸ್ 2024; ಬ್ರೇಕಿಂಗ್ ವಿಭಾಗದಲ್ಲಿ ಹೈಲೈಟ್ ಆದ ‘ಇಂಡಿಯಾ’ .. ಕಾರಣ ಹೀಗಿದೆ

ಶಾರೂಖ್ ಖಾನ್ಗೆ ಈ ಪೋಸ್ ಕೊಟ್ಟಿದ್ದು ಖ್ಯಾತ ಡ್ಯಾನ್ಸ್ ಕೊರಿಯೋಗ್ರಾಫರ್ ಸರೋಜ್ ಖಾನ್. 90 ರ ದಶಕದಲ್ಲಿ ಭಾರತೀಯ ಚಿತ್ರರಂಗದ ನಟರು ಒಂದು ವಿಷಯವನ್ನು ತಿಳಿದುಕೊಳ್ಳಬೇಕಾಗಿತ್ತು. ಚಿತ್ರದ ಶೂಟಿಂಗ್ ಸಮಯದಲ್ಲಿ ಡ್ಯಾನ್ಸ್ ಸ್ಟೆಪ್ ಮಾಡಲು ಸಾಧ್ಯವಾಗದೆ ತುಂಬಾ ಮುಜುಗರ ಅನುಭವಿಸಿದೆ. ಸರಿಯಾಗಿ ಮಾಡಲು ಇಡೀ ರಾತ್ರಿ ಡ್ಯಾನ್ಸ್ ಸ್ಟೆಪ್ ಅನ್ನು ಅಭ್ಯಾಸ ಮಾಡಿದೆ. ನನಗೆ ನೆನಪಿದೆ ಬೆಳಗ್ಗೆ ಸೆಟ್ಗೆ ಬಂದಾಗ ಸರೋಜ್ ಜೀ ಅವರು ನೀವು ಅದನ್ನು ಮಾಡಲು ಸಾಧ್ಯವಿಲ್ಲ ಆದ್ದರಿಂದ ನಿಮ್ಮ ತೋಳುಗಳನ್ನು ಚಾಚಿ ಎಂದು ಹೇಳಿದರು.

ಮತ್ತೊಂದು ಸಿನಿಮಾದ ಶೂಟಿಂಗ್ ವೇಳೆಯು ಡ್ಯಾನ್ ಮಾಡಲು ಕಷ್ಟವಾದಗ ನೃತ್ಯ ಸಂಯೋಜಕರನ್ನು, ನಾವು ಅದನ್ನು ತೆಗೆದುಹಾಕಬಹುದೇ? ನಾನು ತೆರೆದ ತೋಳುಗಳೊಂದಿಗೆ ನಿಲ್ಲುತ್ತೇನೆ ಎಂದು ಕೇಳಿದೆ. ಅದಕ್ಕೆ aವರು ಅನುಮತಿ ನೀಡಿದರು. ನನ್ನ ತೋಳುಗಳನ್ನು ತುಂಬಾ ಚಾಚುತ್ತಿದ್ದೆ ಅದು ವಿಚಿತ್ರವಾಗಿ ಕಾಣುತಿತ್ತು. ಬಳಿಕ ಸ್ವಲ್ಪ ಸ್ಟೈಲಿಶ್ ಆಗಿ ಮಾಡಲು ಆರಂಭಿಸಿದೆ ಎಂದು ಹೇಳಿದರು. ಇಷ್ಟು ವರ್ಷ ಪೋಸ್ ಗಳ ಹೆಸರಲ್ಲಿ ನಿಮ್ಮನ್ನೆಲ್ಲ ಮೂರ್ಖರನ್ನಾಗಿಸುತ್ತಿದ್ದೇನೆ ಎಂದು ಶಾರುಖ್ ಖಾನ್ ತಮಾಷೆಯಾಗಿ ಹೇಳಿದ್ದಾರೆ. ಅದೇ ಸಿಗ್ನೇಚರ್ ಪೋಸ್ ಅನ್ನು ಶಾರೂಖ್ ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್ ವೇದಿಕೆ ಮೇಲು ಮಾಡಿದರು. (ಏಜೆನ್ಸೀಸ್)