ಮುಂಬೈ: ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ಇ) ಮತ್ತು ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ ಸೂಚ್ಯಂಕ್ಗಳು ದಿನದ ವಹಿವಾಟಿನ ವೇಳೆ ಏರಿಳಿತ ದಾಖಲಿಸಿದ್ದು, ಬ್ಯಾಂಕಿಂಗ್ ಷೇರುಗಳಿಂದಾಗಿ ಕುಸಿತದೊಂದಿಗೆ ವಹಿವಾಟು ಕೊನೆಗೊಳಿಸಿವೆ.
ನಾಲ್ಕು ದಿನಗಳಿಂದ ಏರಿಕೆ ದಾಖಲಿಸಿದ್ದ ಷೇರುಪೇಟೆಯಲ್ಲಿ ಬುಧವಾರ ಬ್ಯಾಂಕಿಂಗ್ ಷೇರುಗಳ ಮಾರಾಟ ಹೆಚ್ಚಾಗಿತ್ತು. ಹೀಗಾಗಿ ಇಳಿಕೆ ದಾಖಲಾಗಿದೆ. ದಿನದ ಅಂತ್ಯಕ್ಕೆ ಸೆನ್ಸೆಕ್ಸ್ 79.90 ಅಂಶ ಕುಸಿತದೊಂದಿಗೆ 41,872.73ರಲ್ಲಿ, ನಿಫ್ಟಿ 19 ಅಂಶಗಳ ಇಳಿಕೆಯೊಂದಿಗೆ 12,343.30 ಯಲ್ಲಿ ವಹಿವಾಟು ಮುಗಿಸಿದೆ.
ಇಂಡಸ್ ಇಂಡ್ ಬ್ಯಾಂಕ್ ಷೇರುಗಳು ಶೇಕಡ 5.44 ಇಳಿಕೆ ದಾಖಲಿಸಿದ್ದು, ಇನ್ಫೋಸಿಸ್, ಎಸ್ಬಿಐ, ಪವರ್ಗ್ರಿಡ್, ಟೆಕ್ ಮಹೀಂದ್ರಾ, ಭಾರ್ತಿ ಏರ್ಟೆಲ್, ಎಚ್ಡಿಎಫ್ಸಿ ಬ್ಯಾಂಕ್ ಷೇರುಗಳು ಕೂಡ ಶೇಕಡ 1.21 ರಷ್ಟು ಇಳಿಕೆ ದಾಖಲಿಸಿವೆ.
ಇನ್ನೊಂದೆಡೆ, ಹೀರೋ ಮೋಟೋಕಾರ್ಪ್, ಟೈಟಾನ್, ಮಾರುತಿ, ಏಷ್ಯನ್ ಪೇಂಟ್ಸ್, ಎಂಆ್ಯಂಡ್ಎಂ, ಟಿಸಿಎಸ್, ಬಜಾಜ್ ಆಟೋ, ಅಲ್ಟ್ರಾಟೆಕ್ ಸಿಮೆಂಟ್ ಷೇರುಗಳು ಶೇಕಡ 2.58ರ ತನಕ ಏರಿಕೆ ದಾಖಲಿಸಿವೆ. (ಏಜೆನ್ಸೀಸ್)