ಮುಂಬೈ: ಅಮೆರಿಕ ಮತ್ತು ಇರಾನ್ ನಡುವಿನ ಸಂಘರ್ಷ ಜಾಗತಿಕ ಮಟ್ಟದಲ್ಲಿ ಷೇರುಪೇಟೆಯ ಮೇಲೂ ಪರಿಣಾಮ ಬೀರಿದೆ. ಪರಿಣಾಮ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್(ಬಿಎಸ್ಇ)ನ ಸೂಚ್ಯಂಕ ಸೆನ್ಸೆಕ್ಸ್ ಬುಧವಾರದ ವಹಿವಾಟನ್ನು 52 ಅಂಶ ಕುಸಿತದೊಂದಿಗೂ, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್(ನಿಫ್ಟಿ50) ಸೂಚ್ಯಂಕ ನಿಫ್ಟಿ 50 27.60 ಅಂಶದ ಕುಸಿತದೊಂದಿಗೆ ಮುಗಿಸಿವೆ.
ಬೆಳಗ್ಗೆ ವಹಿವಾಟು ಆರಂಭದ ವೇಳೆ ಸೆನ್ಸೆಕ್ಸ್ 400 ಅಂಶಗಳಷ್ಟು ಕುಸಿತ ಕಂಡಿದ್ದು, ನಂತರ ಇಂಟ್ರಾ ಡೇ ವಹಿವಾಟಿನಲ್ಲಿ ಚೇತರಿಕೆ ದಾಖಲಿಸುತ್ತ ದಿನದ ಅಂತ್ಯಕ್ಕೆ 51.73 ಅಂಶ ಕುಸಿತದೊಂದಿಗೆ 40,817.74ರಲ್ಲಿ ವಹಿವಾಟು ಮುಗಿಸಿದೆ. ಇದೇ ರೀತಿ, ನಿಫ್ಟಿ ಶೇಕಡ 0.23 ಅಂದರೆ 27.60 ಅಂಶ ಕುಸಿತ ದಾಖಲಿಸಿ 12,025.35ರಲ್ಲಿ ವಹಿವಾಟು ಕೊನೆಗೊಳಿಸಿದೆ.
ಸೆನ್ಸೆಕ್ಸ್ ಸ್ಟಾಕ್ಗಳಲ್ಲಿ ಎಲ್ಆ್ಯಂಡ್ ಟಿ ಟಾಪ್ ಲೂಸರ್ ಆಗಿದ್ದು, ಶೇಕಡ 2.19 ಅಂಶ ಕುಸಿತಕ್ಕೊಳಗಾಗಿದೆ. ಇದಲ್ಲದೆ, ಒಎನ್ಜಿಸಿ, ಟೈಟಾನ್, ಸನ್ ಫಾರ್ಮಾ, ಹೀರೋ ಮೋಟೋಕಾರ್ಪ್, ಇನ್ಫೋಸಿಸ್ ಷೇರುಗಳು ಕೂಡ ಕುಸಿತ ಕಂಡಿವೆ. ಇನ್ನೊಂದೆಡೆ, ಭಾರ್ತಿ ಏರ್ಟೆಲ್, ಟಿಸಿಎಸ್, ಅಲ್ಟ್ರಾಟೆಕ್ ಸಿಮೆಂಠ್, ಬಜಾಜ್ ಫೈನಾನ್ಸ್, ಐಸಿಐಸಿಐ ಬ್ಯಾಂಕ್ಗಳು ಶೇಕಡ 2.74ರ ತನಕ ಏರಿಕೆ ದಾಖಲಿಸಿವೆ. (ಏಜೆನ್ಸೀಸ್)