ಚೆನ್ನೈ: ಮಹಿಳೆಯರಿಗೆ ಮಾತ್ರವಲ್ಲದೇ ಸೌಂದರ್ಯ ಎನ್ನುವುದು ಪುರುಷರಿಗೂ ಬಿಟ್ಟಿಲ್ಲ. ಅದರಲ್ಲಿಯೂ ಸಿನಿ ತಾರೆಯರು ಎಂದರೆ ಕೇಳಬೇಕೆ? ತೆಳ್ಳಗೆ ಬೆಳ್ಳಗೆ ಇದ್ದರಷ್ಟೇ ಅವರಿಗೆ ಗೌರವ, ಅಭಿಮಾನಿಗಳ ಸಂಖ್ಯೆ ಹೆಚ್ಚಳ, ಸಿನಿಮಾದಲ್ಲಿಯೂ ಆಫರ್ಗಳು ಹೇರಳ.
ಇದೇ ಕಾರಣಕ್ಕೆ ತಮ್ಮ ಸೌಂದರ್ಯವನ್ನು ಕಾಪಿಟ್ಟುಕೊಳ್ಳಲು ನಟ-ನಟಿಯರು ಹೆಣಗಾಡುವುದು ಅಷ್ಟಿಷ್ಟಲ್ಲ. ಜಿಮ್, ಯೋಗ, ವ್ಯಾಯಾಮ ಮಾತ್ರವಲ್ಲದೇ ತಮ್ಮ ನೆಚ್ಚಿನ ತಿಂಡಿ ತಿನಿಸುಗಳಿಗೂ ಗುಡ್ಬೈ ಹೇಳುತ್ತಿರುವವರು ಅದೆಷ್ಟೋ ಮಂದಿ. ಹೀಗೆಲ್ಲಾ ಮಾಡಿ ಸುಂದರಿಯಾಗಿದ್ದ ನಟಿಯೊಬ್ಬರು, ಇದೀಗ ಫೇಷಿಯಲ್ ಮಾಡಿಸಿಕೊಂಡು ಕುರೂಪಿಯಾಗಿರುವ ಘಟನೆ ನಡೆದಿದೆ.
ಈಕೆಯ ಹೆಸರು ರೈಜಾ ವಿಲ್ಸನ್. ಕಾಲಿವುಡ್ನ ಖ್ಯಾತಿ ನಟಿಯ ಜತೆಗೆ ಬಿಗ್ಬಾಸ್ ಸ್ಪರ್ಧಿ ಕೂಡ. ಅಪಾರ ಅಭಿಮಾನಿಗಳನ್ನು ಹೊಂದಿರುವ ರೈಜಾಳ ಹಾಲಿ ರೂಪ ಕಂಡು ಅಭಿಮಾನಿಗಳು ಕಂಗೆಟ್ಟುಹೋಗಿದ್ದಾರೆ.
ಇದಕ್ಕೆ ಕಾರಣ ಫೇಷಿಯಲ್. ತಮ್ಮ ಹಾಲಿ ಮುಖವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಈ ನಟಿ, ತಮಗೆ ಒತ್ತಾಯಪೂರ್ವಕವಾಗಿ ಚಿಕಿತ್ಸೆ ನೀಡಿರುವ ಕ್ಲಿನಿಕ್ ವಿರುದ್ಧ ಕೇಸ್ ಹಾಕಲು ರೆಡಿಯಾಗಿದ್ದಾರೆ. ಅಷ್ಟಕ್ಕೂ ಆಗಿದ್ದೇನೆಂದರೆ ರೈಜಾ ವಿಲ್ಸನ್ ಫೇಷಿಯಲ್ ಮಾಡಿಸಿಕೊಳ್ಳಲು ಬ್ಯೂಟಿ ಕ್ಲಿನಿಕ್ಗೆ ಹೋಗಿದ್ದರು. ಅಲ್ಲಿ ಬ್ಯೂಟಿಷಿಯನ್ ಫೇಷಿಯಲ್ ಜತೆಗೆ ಇನ್ನಷ್ಟು ಸುಂದರಿಯಾಗಿ ಕಾಣಿಸಲು ಚಿಕಿತ್ಸೆ ಪಡೆದುಕೊಳ್ಳುವಂತೆ ಹೇಳಿದ್ದರಂತೆ.
ತಾವು ಇದ್ದಕ್ಕೆ ಒಪ್ಪಿರಲಿಲ್ಲ. ಆದರೂ ಒತ್ತಾಯಪೂರ್ವಕವಾಗಿ ಚಿಕಿತ್ಸೆ ನೀಡಲಾಗಿದೆ. ಒಂದೆರಡು ದಿನ ಬಿಟ್ಟು ಕನ್ನಡಿ ನೋಡಿಕೊಂಡಾಗ ಮುಖ ಊದಿಕೊಳ್ಳುತ್ತಿರುವುದು ಕಂಡಿದೆ. ಕಣ್ಣಿನ ಕೆಳ ಭಾಗ ಸಂಪೂರ್ಣವಾಗಿ ಊದಿಕೊಂಡಿತ್ತು. ನಂತರ ಚಿಕಿತ್ಸೆ ನೀಡಿದ ವೈದ್ಯರಿಗೆ ಕರೆ ಮಾಡಿದರೆ ಅವರು ಕಾಲ್ ಸ್ವೀಕರಸಲಿಲ್ಲ. ಆಸ್ಪತ್ರೆಗೆ ಕರೆ ಮಾಡಿದರೆ ವೈದ್ಯರು ಊರಿನಲ್ಲಿಲ್ಲ ಎನ್ನುವ ಉತ್ತರ ಬಂತು ಎಂದು ನಟಿ ಹೇಳಿಕೊಂಡಿದ್ದಾರೆ. ಅನೇಕ ಮಂದಿ ಈ ಸಮಸ್ಯೆ ಎದುರಿಸುತ್ತಿದ್ದು, ಕ್ಲಿನಿಕ್ಗೆ ಯಾವ ರೀತಿ ಬುದ್ಧಿ ಕಲಿಸಬೇಕು ಎಂದು ನಟಿ ಯೋಚಿಸುತ್ತಿದ್ದಾರೆ.
ನೀನು ಸತ್ತ ಮೇಲೆ ಮಗ ನನ್ನ ಜತೆ ಇರಬೇಕು ಅಂತಿದ್ದಾರೆ ವಿಚ್ಛೇದಿತ ಪತಿ- ಹೀಗೆ ಕಂಡೀಷನ್ ಹಾಕ್ಬೋದಾ?
ತಾಯಿಯ ಮೇಲಿನ ಸಿಟ್ಟಿಗೆ ಮೂರು ತಿಂಗಳ ಮಗುವನ್ನು ಜೀವಂತವಾಗಿ ಹೂತುಹಾಕಿದ ಚಿಕ್ಕಮ್ಮ!
ಎಚ್ಎಂಟಿಗೆ ಬೇಕಾಗಿದ್ದಾರೆ ಪ್ರತಿಭಾನ್ವಿತರು: ವಿವಿಧ ಹುದ್ದೆಗಳಿಗೆ ಆಹ್ವಾನ- ಬೆಂಗಳೂರಿನಲ್ಲಿ ಕೆಲಸ