ಮುಂಬೈ: ಜಾಗತಿಕ ಮಾರುಕಟ್ಟೆ ಮೇಲೆ ಅಮೆರಿಕ-ಇರಾನ್ ಸಂಘರ್ಷದ ಕರಿನೆರಳು ವ್ಯಾಪಿಸಿದ್ದು, ಷೇರುಪೇಟೆ ಇಳಿಕೆಯ ಹಾದಿಯಲ್ಲಿದ್ದರೆ, ಕರೆನ್ಸಿ ಮಾರುಕಟ್ಟೆಯಲ್ಲೂ ತಲ್ಲಣ ಇದೆ. ಭಾರತೀಯ ರೂಪಾಯಿ ಮೇಲೂ ಇದರ ಪರಿಣಾಮ ಆಗಿದ್ದು, ಇಳಿಕೆಯಲ್ಲಿದ್ದ ರೂಪಾಯಿ ಬುಧವಾರದ ವಹಿವಾಟಿನಲ್ಲಿ ಡಾಲರ್ ಎದುರು ದಿನದ ಅಂತ್ಯಕ್ಕೆ 12 ಪೈಸೆ ಏರಿಕೆ ದಾಖಲಿಸಿ 71.70 ದರದಲ್ಲಿ ವಹಿವಾಟು ಮುಗಿಸಿದೆ.
ಇಂಟರ್ ಬ್ಯಾಂಕ್ ಫಾರಿನ್ ಎಕ್ಸ್ಚೇಂಜ್ನಲ್ಲಿ ಭಾರತೀಯ ರೂಪಾಯಿ ಅಮೆರಿಕದ ಡಾಲರ್ ಎದುರು ಬೆಳಗ್ಗೆ ವಹಿವಾಟು ಆರಂಭವಾದಾಗ 72.05ರ ದರ ದಾಖಲಿಸಿತ್ತು. ಬುಧವಾರ ದಿನದ ಅಂತ್ಯಕ್ಕೆ ಡಾಲರ್ ಎದುರು 71.82ರ ದರದಲ್ಲಿ ರೂಪಾಯಿ ವಹಿವಾಟು ಮುಗಿಸಿತ್ತು. ಬುಧವಾರದ ದಿನದ ವಹಿವಾಟಿನ ವೇಳೆ ರೂಪಾಯಿ ದರ 72.07 ಮತ್ತು 71.69ರ ನಡುವೆಯೇ ನಡೆದಿತ್ತು. ಕೊನೆಗೆ 12 ಪೈಸೆ ಏರಿಕೆ ದಾಖಲಿಸಿ 71.70ರಲ್ಲಿ ವಹಿವಾಟು ಮುಗಿಸಿದೆ.
ಇನ್ನು, ಅಮೆರಿಕ- ಇರಾನ್ ಸಂಘರ್ಷದ ಕಾರಣ ಬ್ರೆಂಟ್ ಕಚ್ಚಾ ತೈಲದರ ಬ್ಯಾರೆಲ್ಗೆ 68.34 ಡಾಲರ್ ಆಗಿತ್ತು.ಡಾಲರ್ ಸೂಚ್ಯಂಕ ಆರು ಕರೆನ್ಸಿಗಳ ವಿರುದ್ಧ ಶೇಕಡ 12 ಏರಿಕೆ ದಾಖಲಿಸಿದೆ. (ಏಜೆನ್ಸೀಸ್)