ಬೆಂಗಳೂರು: ನಟ ರಾಕಿಂಗ್ ಸ್ಟಾರ್ ಯಶ್ ಬರ್ತ್ಡೆಗೆ ಕ್ಷಣಗಣನೆ ಆರಂಭವಾಗಿದೆ. ನಾಳೆ 34ನೇ ವಸಂತಕ್ಕೆ ನಟ ಯಶ್ ಕಾಲಿಡುತ್ತಿದ್ದು, ಅಭಿಮಾನಿಗಳೆಲ್ಲ ಸೇರಿ ಈ ಬಾರಿ ರಾಕಿಭಾಯ್ ಹುಟ್ಟುಹಬ್ಬವನ್ನು ಭರ್ಜರಿಯಿಂದ ಆಚರಿಸುವುದರೊಂದಿಗೆ ದಾಖಲೆ ಬರೆಯಲು ಸಜ್ಜಾಗಿದ್ದಾರೆ.
ಕೆ.ಜಿ.ಎಫ್ ಚಿತ್ರದ ಮೂಲಕ ನ್ಯಾಷನಲ್ ಸ್ಟಾರ್ ಆಗಿರುವ ನೆಚ್ಚಿನ ನಟನ ಬರ್ತ್ಡೆಗೆ ಬಿಗ್ ಸರ್ಪ್ರೈಸ್ ನೀಡಲು ಅಭಿಮಾನಿಗಳು ತುದಿಗಾಲಲ್ಲಿ ಕಾದು ನಿಂತಿದ್ದಾರೆ. ಇದಕ್ಕಾಗಿ ಬರೋಬ್ಬರಿ 5ಸಾವಿರ ಕೆಜಿ ಕೇಕ್ ಹಾಗೂ 216 ಅಡಿ ಕಟೌಟ್ ಸಿದ್ಧತೆ ಭರದಿಂದ ಸಾಗುತ್ತಿದ್ದು, ಇಂದು ರಾತ್ರಿ 12ಗಂಟೆಗೆ ಯಶ್ ಕತ್ತರಿಸಲಿರುವ ಕೇಕ್ ದಾಖಲೆಯ ಕೇಕ್ ಆಗಿರಲಿದೆ.
ವೇಣು ಗೌಡ ಎಂಬುವರ ನೇತೃತ್ವದಲ್ಲಿ ಐದು ಸಾವಿರ ಕೆ.ಜಿ ಕೇಕ್ ತಯಾರಿಯಾಗಿದೆ. ನಾಳೆ ನಂದಿ ಲಿಂಕ್ ಗ್ರೌಂಡ್ನಲ್ಲಿ ಯಶ್ ಹುಟ್ಟು ಹಬ್ಬ ವಿಜೃಂಭಣೆಯಿಂದ ನಡೆಯಲಿದೆ. ಈಗಾಗಲೇ ವೇಣು ಗೌಡ, ಯಶ್ ಹೆಸರಿನಲ್ಲಿ ಬಡವರಿಗೆ ಬೆಡ್ ಶೀಟ್ ಹಾಗೂ ಹಣ್ಣುಗಳನ್ನು ದಾನ ಮಾಡಿದ್ದಾರೆ.
ದಾಖಲೆಯ ಕೇಕ್ನಲ್ಲಿ ಏನೇನಿದೆ?
ಸ್ಯಾಂಡಲ್ವುಡ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ನಟನೊಬ್ಬನ ಹುಟ್ಟುಹಬ್ಬಕ್ಕಾಗಿ ಬರೋಬ್ಬರಿ 5 ಸಾವಿರ ಕೆ.ಜಿ ಕೇಕ್ ತಯಾರಿಸಲಾಗಿದೆ. ಈ ಬೃಹದಾಕಾರದ ಕೇಕ್ಗೆ ಏನೆಲ್ಲಾ ಪದಾರ್ಥಗಳನ್ನು ಹಾಕಿರಬಹುದು ಎಂಬ ಕುತೂಹಲ ಸಹಜವಾಗಿಯೇ ಜನರಲ್ಲಿ ಮೂಡಿದೆ. ಹೀಗಾಗಿ ನಿಮ್ಮ ಕುತೂಹಲ ತಣಿಸುವ ಪ್ರಯತ್ನವನ್ನು ನಾವು ಮಾಡುತ್ತಿದ್ದೇವೆ.
1. ಮೊಟ್ಟೆ- 2000 ಕೆ.ಜಿ.
2. ಸಕ್ಕರೆ- 500 ಕೆ.ಜಿ.
3. ಐಸಿಂಗ್ ಸುಗರ್- 600 ಕೆ.ಜಿ.
4. ತುಪ್ಪ- 50 ಕೆ.ಜಿ.
5. ಬೆಣ್ಣೆ- 10 ಕೆ.ಜಿ.
6. ವೆನಿಲ್ಲಾ ಎಸೆನ್ಸ್- 20 ಲೀಟರ್
7. ಪೈನಾಪಲ್ ಎಸೆನ್ಸ್- 20 ಲೀಟರ್
8. ಕೇಕ್ ಜೆಲ್- 200 ಕೆ.ಜಿ.
9. ಹಾಲಿನ ಪೌಡರ್- 40 ಕೆ.ಜಿ.
10. ರೀಫೈನ್ಡ್ ಎಣ್ಣೆ- 500 ಕೆ.ಜಿ.
11, ವೆಜಿಟೇಬಲ್ ಫ್ಯಾಟ್- 540 ಕೆ.ಜಿ.
12. ಮೈದಾ- 500 ಕೆ.ಜಿ.
13. ಜಾಮ್- 10 ಕೆ.ಜಿ.
14. ಬಟರ್ಸ್ಕಾಚ್ ನಟ್- 20 ಕೆ.ಜಿ.
15. ಉಪ್ಪು- 2 ಕೆ.ಜಿ.
ಒಟ್ಟಾರೆ ಕೇಕ್ 5012 ಕೆ.ಜಿ. ತೂಕವಿದೆ. ಈ ಮೇಲಿನ ಪದಾರ್ಥಗಳು ಮಾತ್ರವಲ್ಲದೆ ಒಣಹಣ್ಣುಗಳು ಸೇರಿದಂತೆ ಬಗೆ ಬಗೆಯ ಹಣ್ಣುಗಳನ್ನು ಸಹ ಕೇಕ್ಗೆ ಬಳಸಲಾಗಿದೆ. (ದಿಗ್ವಿಜಯ ನ್ಯೂಸ್)