ಭೀಕರ ಬರದ ದವಡೆಗೆ ಸಿಲುಕಿ ಜಾನುವಾರು ಮಾರಾಟ

Latest News

ವ್ಯಾಯಾಮದಿಂದ ರೋಗ ನಿಯಂತ್ರಣ

ಹುಬ್ಬಳ್ಳಿ: ತಾಲೂಕಿನ ಭೈರಿದೇವರಕೊಪ್ಪದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಜಾಗತಿಕ ಮಧುಮೇಹ ದಿನಾಚರಣೆ ಅಂಗವಾಗಿ ಆಶಾ ಹಾರ್ಟ್ ಮತ್ತು ಡಯಾಬಿಟಿಸ್ ಫೌಂಡೇಶನ್,...

ಕೆ.ಗೌತಮ್ ಗಾಯಾಳು, ಅನಿರುದ್ಧ ಜೋಶಿಗೆ ಸ್ಥಾನ

ಬೆಂಗಳೂರು: ಲೀಗ್ ಹಂತದ ಕೊನೇ ಪಂದ್ಯದಲ್ಲಿ ಗಾಯ ಗೊಂಡಿರುವ ಆಲ್ರೌಂಡರ್ ಕೆ.ಗೌತಮ್ ಸೂಪರ್ ಲೀಗ್ ಹಂತದ ಆರಂಭಿಕ ಎರಡು ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ಸೋಮವಾರ ಪ್ರಕಟಿಸಿದ ತಂಡದಲ್ಲಿ...

ಸಂಸತ್ತಿನ ಚಳಿಗಾಲದ ಅಧಿವೇಶನ ಆರಂಭ

ನವದೆಹಲಿ: ಸಂಸತ್ತಿನ ಚಳಿಗಾಲದ ಅಧಿವೇಶನದ ಮೊದಲ ದಿನವೇ ಪ್ರತಿಪಕ್ಷಗಳು ಭಾರಿ ಪ್ರತಿಭಟನೆ ನಡೆಸಿವೆ. ಸೋಮವಾರ ಬೆಳಗ್ಗೆ ಕಲಾಪ ಆರಂಭವಾಗುತ್ತಿದ್ದಂತೆ ಕಾಂಗ್ರೆಸ್​ನ 30 ಸದಸ್ಯರು...

ಮಾಲ್​ನ ಮೊಬೈಲ್ ಬಳಸಿ ಹೋಮ್ ವರ್ಕ್​

ಈ ಆಧುನಿಕ ಕಾಲದಲ್ಲಿ ಶಾಲೆಗಳಲ್ಲೂ ತಂತ್ರಜ್ಞಾನದ್ದೇ ಮೇಲುಗೈ. ಆದರೆ ಎಲ್ಲರಿಗೂ ಆ ಸೌಲಭ್ಯ ಸಿಗುವುದಿಲ್ಲ. ಆದರೆ ಈ ನಿದರ್ಶನ ನೋಡಿ. ಬ್ರೆಜಿಲ್​ನ ಗುಲ್​ಥರ್ವೆ...

ಸಜ್ಜನರ ಸಂಘ ಹೆಜ್ಜೇನು ಸವಿದಂತೆ; ಮಕ್ಕಳಿಗಾಗಿ ಒದಗಿಸಿಕೊಡಿ ಸಕಾರಾತ್ಮಕ ವಾತಾವರಣ

ನಾವು ಯಾವ ವಾತಾವರಣದಿಂದ ಪ್ರಚೋದಿತರಾಗುತ್ತೇವೆ ಎನ್ನುವುದು ನಮ್ಮ ಬದುಕನ್ನು ನಿರ್ಧರಿಸುತ್ತದೆ .ಹಾಗಾಗಿ ಬಾಲ್ಯದಿಂದಲೇ ಮಕ್ಕಳಿಗೆ ಸಕಾರಾತ್ಮಕ ವಾತಾವರಣ ನಿರ್ವಿುಸಿ ಕೊಡಬೇಕು. ಮನೆತುಂಬಾ ಮಕ್ಕಳಿದ್ದಾಗ ಒಬ್ಬರಿಂದ ಅನೇಕ...

ಚಿಕ್ಕಮಗಳೂರು: ನೀರಿಗಾಗಿ ಭೂಮಿಯೇ ಬಾಯಿ ತೆರೆಯುವಷ್ಟರ ಮಟ್ಟಿಗೆ ಬಿಸಿಲು ಸುಡುತ್ತಿದೆ. ಜಿಲ್ಲೆಯಲ್ಲಿ ಬರದ ದವಡೆಗೆ ಮನುಷ್ಯರಷ್ಟೇ ಸಿಕ್ಕಿಲ್ಲ, ಜಾನುವಾರುಗಳೂ ನೀರು, ಮೇವಿಲ್ಲದೆ ತತ್ತರಿಸಿವೆ.

ಹಳ್ಳ-ಕೊಳ್ಳ, ನದಿಗಳು ಬರಿದಾಗತೊಡಗಿವೆ. ಹಿಂಗಾರು ಮಳೆ ಬಾರದೆ ಗೋಮಾಳ, ಅಡವಿಗಳಲ್ಲಿ ಹಸಿ ಮೇವು ಚಿಗುರೊಡೆದಿಲ್ಲ. ಇದ್ದ ಒಣ ಮೇವೂ ಖಾಲಿಯಾಗುತ್ತಿದೆ. ಪ್ರೀತಿಯಿಂದ ಸಾಕಿ ಸಲಹಿದ ಜಾನುವಾರುಗಳೊಂದಿಗೆ ಭಾವನಾತ್ಮಕ ಸಂಬಂಧ ಹೊಂದಿರುವ ರೈತರು ಅವುಗಳನ್ನು ಇಟ್ಟುಕೊಳ್ಳಲಾಗದೆ, ಮಾರಾಟ ಮಾಡಲೂ ಆಗದೆ ಯಾತನೆ ಅನುಭವಿಸುತ್ತಿದ್ದಾರೆ. ಕೆಲ ರೈತರು ಬರದ ದವಡೆ ತಪ್ಪಿಸಿಕೊಳ್ಳಲು ಸಂಕಟದಿಂದಲೇ ಮಾರಾಟ ಮಾಡುತ್ತಿದ್ದಾರೆ.

ಚಿಕ್ಕಮಗಳೂರು ತಾಲೂಕಿನ ಲಕ್ಯಾ, ಸಾದರಹಳ್ಳಿ ಸೇರಿ ಜಿಲ್ಲೆಯ ಅರ್ಧಭಾಗದ ಹಳ್ಳಿಗಳಲ್ಲಿ ಭೀಕರ ಬರದ ಛಾಯೆ ರೈತರನ್ನು ಹೈರಾಣಾಗಿಸಿದೆ. ಕುಡಿಯುವ ನೀರಿಗೂ ಪರಿತಪಿಸುತ್ತಿರುವ ಇಲ್ಲಿನ ಕೃಷಿಕರಿಗೆ ಜಾನುವಾರುಗಳದ್ದೇ ದೊಡ್ಡ ಚಿಂತೆಯಾಗಿದೆ.

ಮುಂಗಾರು ಪೂರ್ವ ರೇವತಿ ಮಳೆ ಬರಲಿಲ್ಲ. ನಂತರ ಹೊಸ ಮಳೆಗಳಾದ ಅಶ್ವಿನಿ, ಭರಣಿಯೂ ಕೈಕೊಟ್ಟಿವೆ. ಕೃತಿಕಾ ಮಳೆಯ ಅರ್ಧ ಅವಧಿ ಮುಗಿಯುತ್ತಿದೆ. ಇನ್ನೇನಿದ್ದರೂ ಭರಣಿ ಮಳೆ ಕಡೆ ನೋಡಬೇಕಿದೆ. ಭರಣಿ ಮಳೆ ಬರುವಷ್ಟರಲ್ಲಿ ಬರದ ದವಡೆಗೆ ಸಿಲುಕಿರುವ ಹಳ್ಳಿಗರ ಪರಿಸ್ಥಿತಿ ಶೋಚನೀಯವಾಗಲಿದೆ. ನೀರಿನ ಬರದಿಂದ ನಿತ್ಯಬಳಕೆ, ಅಡುಗೆ, ಸ್ನಾನ, ಶೌಚಕ್ಕೂ ನೀರಿನ ಕೊರತೆ ಉಂಟಾಗಿದೆ.

ನಾಲ್ಕು ಲಕ್ಷ ಜಾನುವಾರು: ಜಿಲ್ಲೆಯಲ್ಲಿ 4.8 ಲಕ್ಷ ಜಾನುವಾರುಗಳಿವೆ. ಇಷ್ಟೊಂದು ಪ್ರಮಾಣದ ಜಾನುವಾರುಗಳಿಗೆ ಪ್ರತಿದಿನ ಮೇವು, ನೀರು ಪೂರೈಕೆ ಮಾಡುವುದು ಕಷ್ಟವಾಗುತ್ತಿದೆ. ಮಲೆನಾಡಲ್ಲಿ ಅಲ್ಪಸ್ವಲ್ಪ ಮೇವು ಸಿಗುತ್ತಿದೆ. ಇಲ್ಲಿಯೂ ಕೆಲವೆಡೆ ಮೇವು, ನೀರಿನ ಸಮಸ್ಯೆ ಇದೆ. ಆದರೆ ಬಯಲುಸೀಮೆಯ ಲಕ್ಯಾ, ಕಳಸಾಪುರ, ಸಖರಾಯಪಟ್ಟಣ, ಕಡೂರು, ಪಂಚನಹಳ್ಳಿ, ಯಗಟಿ, ಹೀರೇನಲ್ಲೂರು ಹಾಗೂ ತರೀಕೆರೆ, ಅಜ್ಜಂಪುರ ತಾಲೂಕುಗಳ ಭಾಗಶಃ ಪ್ರದೇಶದಲ್ಲಿ ಜಾನುವಾರು ಸಾಕಲು ರೈತರು ಹೆಣಗಾಡುತ್ತಿದ್ದಾರೆ.

ಹಾಲು ಉತ್ಪಾದನೆ ಕ್ಷೀಣ: ಮುಂಗಾರು ಪೂರ್ವ ಮಳೆ ಕೈಕೊಟ್ಟಿದ್ದರಿಂದ ಕಾಡು, ಗೋಮಾಳಗಳಲ್ಲಿ ಮೇವಿಲ್ಲ. ಕಳೆದ ವರ್ಷವೂ ಮಳೆ ಸರಿಯಾಗಿ ಆಗದ ಕಾರಣ ಒಣ ಮೇವು ಸಾಕಷ್ಟಿಲ್ಲ. ಹೀಗಾಗಿ ಮುಂಗಾರು ಮಳೆಯನ್ನೇ ನಂಬಿದ್ದ ಹೈನೋದ್ಯಮಕ್ಕೂ ಹಿನ್ನಡೆಯಾಗಿದೆ. ಮೇವು, ನೀರಿನ ಕೊರತೆಯಿಂದ ಹಸುಗಳು ಬಡಕಲಾಗುತ್ತಿವೆ. ಹಾಗಾಗಿ ಹಾಲು ಉತ್ಪಾದನೆಯೂ ಗಣನೀಯವಾಗಿ ಕಡಿಮೆಯಾಗುತ್ತಿದೆ. ಸಾಲ ಮಾಡಿ ಹಸು ತಂದವರು ಸಾಲ ಮರುಪಾವತಿ ಬಗ್ಗೆ ಚಿಂತಿತರಾಗಿದ್ದಾರೆ. ಸರಿಯಾದ ಮೇವು, ಶುದ್ಧ ನೀರು ದೊರೆಯದಿರುವುದರಿಂದ ಹಸುಗಳಿಗೆ ಚಪ್ಪೆರೋಗ ಕಾಣಸಿಕೊಳ್ಳತೊಡಗಿದೆ. ಅನಾರೋಗ್ಯಕ್ಕೆ ತುತ್ತಾಗುತ್ತಿರುವ ಜಾನುವಾರುಗಳು ಬಡಕಲಾಗುತ್ತಿವೆ. ಸಣ್ಣ ಕರುಗಳೂ ಮಂಕಾಗಿವೆ.

ಸಂಕಟದಿಂದ ಮಾರಾಟ ಮಾಡಿದೆ: ಎರಡು ವರ್ಷದ ಹಿಂದೆ ಬ್ಯಾಂಕಲ್ಲಿ ಸಾಲ ಮಾಡಿ ತಂದಿದ್ದ ಎರಡು ಹಸುಗಳನ್ನು ಅವುಗಳ ಗೋಳು ನೋಡಲಾರದೆ ಸಂಕಟದಿಂದ ಮಾರಾಟ ಮಾಡಿದೆ. ಹಾಲಿನ ದರ ಅಷ್ಟಕ್ಕಷ್ಟೇ ಇದೆ. ಬರದಿಂದ ಹಾಲಿನ ದರವೇನೂ ಹೆಚ್ಚಾಗಿಲ್ಲ. ಹಸುಗಳು ನೀರು, ಮೇವಿಲ್ಲದೆ ಸೊರಗುತ್ತಿದ್ದವು. ಅವುಗಳು ನನ್ನ ಕಣ್ಮುಂದೆ ಸಾಯುವುದು ಬೇಡವೆಂದು ಮಾರಾಟ ಮಾಡಿ ಬ್ಯಾಂಕ್ ಸಾಲ ಕಟ್ಟಿದ್ದೇನೆ. ಇಂಥ ಪರಿಸ್ಥಿತಿಯಲ್ಲಿ ರೈತರು ಬದುಕುವುದು ತುಂಬ ಕಷ್ಟವಾಗಿದೆ ಎಂದು ಸಾದರಹಳ್ಳಿಯ ಗೌರಮ್ಮ ನಿಟ್ಟುಸಿರು ಬಿಟ್ಟರು.

ಹಳ್ಳಿ ಸಹವಾಸ ಬೇಡ ಎನಿಸಿದೆ: ಪದವಿ ಶಿಕ್ಷಣ ಮುಗಿದ ನಂತರ ಹೈನೋದ್ಯಮ ಮಾಡಿ ಜೀವನ ಮಾಡಬಹುದೆಂದು ಮೂರು ಜಾನುವಾರು ಖರೀದಿಸಿ ಸಾಕಣೆ ಮಾಡುತ್ತಿದ್ದೆ. ಇಂಥ ಬರದ ಪರಿಸ್ಥಿತಿಯಲ್ಲಿ ಹಸು ಸಾಕುವುದು ಕಷ್ಟವಾಗಿದೆ. ಎಲ್ಲ ಬಿಟ್ಟು ನಗರಕ್ಕೆ ವಲಸೆ ಹೋಗಲು ನಿರ್ಧರಿಸಿದ್ದೇನೆ ಎಂದು ಬೇಸರದಿಂದ ಹೇಳುತ್ತಾರೆ ಯುವಕ ಸಾದರಹಳ್ಳಿ ದಿನೇಶ್. ಒಂದು ಪೆಂಡಿ ಮೇವು ಖರೀದಿಸಲು 500 ರೂ. ಬೇಕು. ಮೇವು ಖರೀದಿಸಿ ಹಸು ಸಾಕಣೆ ಮಾಡುವುದು ಕಷ್ಟ. ನಗರದಲ್ಲಿ ಯಾವುದೆ ಕೆಲಸ ಮಾಡಿದರೂ ಪ್ರತಿದಿನ 300ರಿಂದ 500 ರೂ. ದುಡಿಯಬಹುದು. ಇಲ್ಲಿ ಹಸು ಸಾಕಣೆ ಮಾಡಿ ಸಾಲವನ್ನು ಮೈಮೇಲೆ ಎಳೆದುಕೊಳ್ಳಬೇಕಾಗುತ್ತದೆ ಎನ್ನುತ್ತಾರೆ ಇವರು.

ಗೀರ್ ತಳಿ ಹಸುಗಳು ಕಂಗಾಲು: ಸಾದರಹಳ್ಳಿಯಲ್ಲಿ ನಬಾರ್ಡ್ ಯೋಜನೆಯಡಿ 46 ರೈತರು ಖರೀದಿಸಿದ ಗುಜರಾತಿನ ಗೀರ್ ತಳಿ ಹಸುಗಳು ಮೇವು-ನೀರಿನ ಸಮಸ್ಯೆಯಿಂದ ಕಂಗಾಲಾಗಿವೆ. ಒಂದೇ ಗ್ರಾಮದಲ್ಲಿ 100 ಗೀರ್ ತಳಿ ಹಸುಗಳಿವೆ. ಉತ್ಕೃಷ್ಟ ಪೋಷಕಾಂಶ ಹೊಂದಿರುವ ಗೀರ್ ತಳಿ ಹಸುವಿನ ಹಾಲಿಗೆ ಉತ್ತಮ ಬೇಡಿಕೆ ಇದೆ. ಖಾಸಗಿ ಡೇರಿಯೊಂದು ಎರಡು ವರ್ಷದಿಂದ ಹಾಲು ಖರೀದಿಸುತ್ತಿದೆ. ಆದರೆ ಸರಿಯಾಗಿ ಹಣ ಬಟವಾಡೆ ಮಾಡುತ್ತಿಲ್ಲವೆಂದು ದೂರುತ್ತಾರೆ ರೈತ ಯೋಗೀಶ್. ಜಾನುವಾರು ನಿರ್ವಹಣೆಗೆ ಖರ್ಚು ಮಾಡಿದ ಹಣವೂ ಮರಳಿ ಬರುತ್ತಿಲ್ಲ. ಹೀಗಾಗಿ ಹಲವು ರೈತರು ಗೀರ್ ತಳಿ ಹಸು ಮಾರಾಟ ಮಾಡಲು ಸಿದ್ಧರಾಗಿದ್ದಾರೆ ಎಂದು ನೋವಿನಿಂದ ಹೇಳಿದರು.

ರೋಹಿಣಿ ಬಂದ್ರೆ ಜೋಳ ಬಿತ್ತನೆ: ಅಶ್ವಿನಿ, ಭರಣಿ ಕೈಕೊಟ್ಟಿದ್ದು, ಕೃತಿಕಾ ಮಳೆ ಬರುವುದೂ ಹುಸಿಯಾಗುತ್ತಿದೆ. ಭರಣಿ ಬಂದರೆ ಮಾತ್ರ ಜೋಳ ಬಿತ್ತನೆ ಮಾಡಬಹುದು ಎನ್ನುತ್ತಾರೆ ಸಾದರಹಳ್ಳಿ ಹಿರಿಯ ರೈತ ನಿಂಗೇಗೌಡ. ಹಿಂಗಾರು ಮಳೆ ಉತ್ತಮವಾಗಿದ್ದರೆ ಇಷ್ಟೊತ್ತಿಗೆ ಭೂಮಿ ತಂಪಾಗಿ ಹಸನು ಮಾಡಿಕೊಳ್ಳಲು ಅನುಕೂಲವಾಗುತ್ತಿತ್ತು. ಪ್ರತಿವರ್ಷ ಈ ವೇಳೆಗೆ ಮುಂಗಾರು ಹತ್ತಿ ಸೇರಿ ವಿವಿಧ ಬೆಳೆ ಬಿತ್ತನೆ ಮಾಡುತ್ತಿದ್ದೆವು. ಈ ಬಾರಿ ಮುಂಗಾರು ಮುನಿಸಿಕೊಂಡಿದೆ. ಅಡವಿ, ಗೋಮಾಳದಲ್ಲಿ ಹಸಿ ಮೇವು ಬೆಳೆಯದೆ ಹಸುಗಳು ಕಂಗಾಲಾಗಿವೆ ಎಂದು ನೋವು ತೋಡಿಕೊಂಡರು.

ಶೌಚಕ್ಕೆ ಅರ್ಧ ಲೀ. ನೀರು!: ಸಾದರಹಳ್ಳಿ ಸೇರಿ ಹಲವು ಹಳ್ಳಿಗಳಲ್ಲಿ ನೀರಿನ ಕೊರತೆಯಿಂದ ಶೌಚಗೃಹ ಬಳಕೆ ಬಿಟ್ಟು ಬಯಲಿಗೆ ಹೋಗುವುದು ಜನರಿಗೆ ಅನಿವಾರ್ಯವಾಗಿದೆ. ಅಲ್ಲಿಗಾದರೂ ಅರ್ಧ ಲೀ.ಗಿಂತ ಹೆಚ್ಚಿನ ನೀರು ಕೊಂಡೊಯ್ಯುವಂತಿಲ್ಲ. ಹೀಗಾಗಿ ಬಹುತೇಕರು ಅರ್ಧ ಲೀ. ಬಾಟಲಿಯನ್ನು ಇಟ್ಟುಕೊಂಡಿದ್ದಾರೆ. ಇಂಥ ಪರಿಸ್ಥಿತಿಯಲ್ಲಿ ಅಡುಗೆ, ನಿತ್ಯಬಳಕೆ, ಸ್ನಾನದ ನೀರಿಗೆ ಎಂಥ ಕಷ್ಟ ಅನುಭವಿಸುತ್ತಾರೆಂಬುದನ್ನು ಸುಲಭವಾಗಿ ಊಹಿಸಬಹುದು.

- Advertisement -

Stay connected

278,596FansLike
570FollowersFollow
609,000SubscribersSubscribe

ವಿಡಿಯೋ ನ್ಯೂಸ್

VIDEO: ಗೋಕಾಕ್​ ಕ್ಷೇತ್ರದಲ್ಲಿ...

ಗೋಕಾಕ್​: ಡಿಸೆಂಬರ್​ 5ಕ್ಕೆ ಉಪಚುನಾವಣೆ ನಡೆಯಲಿದ್ದು ಮೂರು ಪಕ್ಷಗಳ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸುತ್ತಿದ್ದಾರೆ. ಬಹುತೇಕ ಅನರ್ಹರೆಲ್ಲ ತಮ್ಮ ಕ್ಷೇತ್ರಗಳಲ್ಲಿ ಬಿಜೆಪಿಯಿಂದ ಸ್ಪರ್ಧಿಸುತ್ತಿದ್ದಾರೆ. ಆದರೆ ಇವತ್ತು ಕುತೂಹಲ ಮೂಡಿಸಿದ್ದು ಗೋಕಾಕ್​ ಕ್ಷೇತ್ರ. ಇಲ್ಲಿ ಬಿಜೆಪಿಯಿಂದ ರಮೇಶ್​...

ಕೇಂದ್ರ ಪರಿಸರ ಸಚಿವ...

ಬೆಂಗಳೂರು: ದೆಹಲಿಯಲ್ಲಿ ಮಿತಿಮೀರಿದ ವಾಯುಮಾಲಿನ್ಯ ನಿಯಂತ್ರಣಕ್ಕೆ ನಾನಾ ಕ್ರಮಗಳನ್ನು ಸರ್ಕಾರ ತೆಗೆದುಕೊಂಡಿದೆ. ಆದರೂ, ವೈಯಕ್ತಿಕವಾಗಿ ಏನು ಮಾಡಬಹುದು ಎಂಬುದನ್ನು ಕೇಂದ್ರ ಪರಿಸರ ಖಾತೆ ಸಚಿವ ಪ್ರಕಾಶ ಜಾವಡೇಕರ್ ತೋರಿಸಿದ್ದಾರೆ. ಅವರು...

ಜಗತ್ತಿನ ಮೊದಲ ಫೋಲ್ಡೆಬಲ್​...

ಬೀಜಿಂಗ್​: ಕಂಪ್ಯೂಟರ್ ಜಗತ್ತಿನಲ್ಲಿ ನಿತ್ಯವೂ ಹೊಸ ಹೊಸ ಉತ್ಪನ್ನಗಳು ಗ್ರಾಹಕರಿಗೆ ಪರಿಚಯಿಸಲ್ಪಡುತ್ತಲೇ ಇವೆ. ವರ್ಷದ ಹಿಂದೆ ಖರೀದಿಸಿದ ಉತ್ಪನ್ನ ಇಂದಿಗೆ ಔಟ್​ಡೇಟೆಡ್​ ಎನ್ನುವ ಮಟ್ಟಿಗೆ ಇದೆ ಈ ಬದಲಾವಣೆಯ ವೇಗ....

VIDEO| ಲೋಕಸಭಾಧ್ಯಕ್ಷ ಓಂ...

ಜೈಪುರ: ಬಾಲಿವುಡ್​ ನಟಿ ರಾಣಿ ಮುಖರ್ಜಿ ಅವರ ಮುಂದಿನ ಚಿತ್ರ ಮರ್ದಾನಿ-2ಗೆ ಬಿಡುಗಡೆ ಮುನ್ನವೇ ವಿರೋಧದ ಕೂಗು ಕೇಳಿಬಂದಿದೆ. ಚಿತ್ರದ ವಿರುದ್ಧ ರಾಜಸ್ಥಾನದ ಕೋಟಾ ನಗರದ ನಿವಾಸಿಗಳು ಲೋಕಸಭಾ ಸ್ಪೀಕರ್​...

VIDEO| ಭಾರಿ ಭದ್ರತೆಯೊಂದಿಗೆ...

ಶಬರಿಮಲೆ: ವಿವಾದದ ನಡುವೆಯೇ ಭಾರಿ ಭದ್ರತೆಯೊಂದಿಗೆ ಅಯ್ಯಪ್ಪ ದೇವಸ್ಥಾನದ ಮುಖ್ಯ ದ್ವಾರವನ್ನು ಶನಿವಾರ ಸಂಜೆ ತೆರೆಯಲಾಯಿತು. ಸುದೀರ್ಘ ಎರಡು ತಿಂಗಳ ಮಂಡಲ-ಮಕರವಿಳಕ್ಕು ಪೂಜೆಗಾಗಿ ದೇವಸ್ಥಾನ ಬಾಗಿಲನ್ನು ಇಂದು ತೆರೆಯಲಾಗಿದೆ. ದೇವಸ್ಥಾನದ ಪ್ರಧಾನ...

VIDEO| ಹಿರಿಯ ಗಾಯಕಿ...

ಬೆಂಗಳೂರು: ಹಿರಿಯ ಗಾಯಕಿ ಲತಾ ಮಂಗೇಶ್ಕರ್ (90) ಅನಾರೋಗ್ಯದಿಂದ ಬಳಲುತ್ತಿದ್ದು ಕಳೆದ ಆರು ದಿನಗಳಿಂದ ಮುಂಬೈನಲ್ಲಿರುವ ಬ್ರೀಚ್​ ಕ್ಯಾಂಡಿ ಆಸ್ಪತ್ರೆಯ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದರ ನಡುವೆ ಕಳೆದೆರಡು ದಿನಗಳಿಂದ...

VIDEO: ನೆಟ್ಟಿಗರ ಪ್ರೀತಿಯನ್ನು...

ನವದೆಹಲಿ: ಈ ನಾಲ್ಕು ತಿಂಗಳ ಪುಟಾಣಿ ಕಪ್ಪುಬೆಕ್ಕಿಗೆ ಎರಡು ಮುಖ ! ಅದರ ವಿಲಕ್ಷಣ ರೂಪಕ್ಕೆ ನೆಟ್ಟಿಗರು ಮನಸೋತಿದ್ದಾರೆ. ಎರಡು ಮುಖದ ಬೆಕ್ಕಿನ ಮರಿ ತುಂಬ ಆರೋಗ್ಯಕರವಾಗಿ ಬೆಳೆಯುತ್ತಿದ್ದು ಅದನ್ನು...

VIDEO: ಸುಮ್ಮಸುಮ್ಮನೆ ಟ್ರಾನ್ಸ್​ಫರ್​...

ನವದೆಹಲಿ: ಸರ್ಕಾರಿ ಕೆಲಸದಲ್ಲಿ ಇರುವವರಿಗೆ ವರ್ಗಾವಣೆ ಸಾಮಾನ್ಯ. ಆದರೆ ಕೆಲವು ಸಲ ಮೇಲಧಿಕಾರಿಗಳ ಸರ್ವಾಧಿಕಾರಿ ಧೋರಣೆಯಿಂದ ಅಧೀನ ಅಧಿಕಾರಿಗಳು ಸುಮ್ಮನೆ ವರ್ಗಾವಣೆಯಾಗುತ್ತಾರೆ. ಸಣ್ಣ ತಪ್ಪಿಗೂ ಬೇರೆ ಕಡೆ ವರ್ಗಗೊಳ್ಳಬೇಕಾದ ಪರಿಸ್ಥಿತಿ ಬರುತ್ತದೆ. ಹಾಗೆ ವರ್ಗಾವಣೆಗೊಂಡ...

VIDEO: ಪುನೀತ್ ರಾಜ್​ಕುಮಾರ್​​...

ಬೆಂಗಳೂರು: ಪುನೀತ್​ ರಾಜ್​ಕುಮಾರ್ ಅವರ ಪಿಆರ್​ಕೆ ಸಂಸ್ಥೆಯಲ್ಲಿ ನಿರ್ಮಾಣವಾಗಿರುವ ಮಾಯಾ ಬಜಾರ್​-2016 ಸಿನಿಮಾದ ಟೀಸರ್​ ನಿನ್ನೆ (ನ.15)ರಂದು ಸಂಜೆ 7.30ಕ್ಕೆ ಬಿಡುಗಡೆಯಾಗಿದೆ. 56 ಸೆಕೆಂಡ್​​ಗಳ ಟೀಸರ್​ ಬಿಡುಗಡೆಯಾಗಿದೆ. ನವೆಂಬರ್​ 8, 2016ರಂದು 500 ರೂ.ಹಾಗೂ...

VIDEO| ಆಯುಷ್ಮಾನ್​ ಭವ...

ಬೆಂಗಳೂರು: ಹ್ಯಾಟ್ರಿಕ್​ ಹಿರೋ ಶಿವರಾಜ್​ಕುಮಾರ್​ ಹಾಗೂ ಡಿಂಪಲ್​ ಕ್ವೀನ್​ ರಚಿತಾ ರಾಮ್ ನಟನೆಯ "ಆಯುಷ್ಮಾನ್​ ಭವ" ಚಿತ್ರ ಇಂದು ತೆರೆಕಂಡಿದೆ. ವಿಶೇಷವೆಂದರೆ ಈ ಚಿತ್ರದ ಮೂಲಕ ಸಂಗೀತ ನಿರ್ದೇಶಕ ಗುರುಕಿರಣ್​...