ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
“ಕವಲುದಾರಿ’, “ಆಪರೇಷನ್ ಅಲಮೇಲಮ್ಮ’ ಖ್ಯಾತಿಯ ರಿಷಿ ನಾಯಕನಾಗಿರುವ ಹೊಸ ಸಿನಿಮಾ “ರುದ್ರ ಗರುಡ ಪುರಾಣ’. ಚಿತ್ರದಲ್ಲಿ ಅವರಿಗೆ “ಬ್ಯಾಡ್ ಮ್ಯಾನರ್ಸ್’ ಹುಡುಗಿ ಪ್ರಿಯಾಂಕಾ ಕುಮಾರ್ ನಾಯಕಿಯಾಗಿದ್ದಾರೆ. “ಗೋಧ್ರಾ’, “ಡಿಯರ್ ವಿಕ್ರಮ್’ ಚಿತ್ರಗಳ ನಿರ್ದೇಶಕ ಕೆ.ಎಸ್. ನಂದೀಶ್ ಈ ಚಿತ್ರಕ್ಕೆ ಆ್ಯಕ್ಷನ್&ಕಟ್ ಹೇಳುತ್ತಿದ್ದು, ಇದೇ ತಿಂಗಳ 27ರಂದು ಸಿನಿಮಾ ರಿಲೀಸ್ ಎಂದು ಘೋಷಿಸಲಾಗಿತ್ತು. ಆದರೆ, ಕಾರಣಾಂತರಗಳಿಂದ ಇದೀಗ ಸಿನಿಮಾ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಮುಂದೂಡಿದ್ದು, ಜ. 24ರಂದು ತೆರೆಗೆ ಬರುವುದಾಗಿ ಅನೌನ್ಸ್ ಮಾಡಿದೆ.
ಇದೊಂದು ಆ್ಯಕ್ಷನ್ ಥ್ರಿಲ್ಲರ್ ಜಾನರ್ ಚಿತ್ರವಾಗಿದ್ದು, ಪೌರಾಣಿಕ ಅಂಶಗಳೂ ಕಥೆಯಲ್ಲಿರುವುದು ವಿಶೇಷ. ಈಗಾಗಲೇ ಚಿತ್ರದ ಸ್ಟ್ ಲುಕ್, ಟೀಸರ್ ಮತ್ತು ಹಾಡುಗಳು ಬಿಡುಗಡೆಯಾಗಿದ್ದು, ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿವೆ. “ಕವಲುದಾರಿ’ ಬಳಿಕ ನಾಯಕ ರಿಷಿ ಮತ್ತೆ “ರುದ್ರ ಗರುಡ ಪುರಾಣ’ದಲ್ಲಿ ಖಾಕಿ ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ರಿಷಿ, ಪ್ರಿಯಾಂಕಾ ಜತೆ ಅಶ್ವಿನಿ ಗೌಡ, ಶಿವರಾಜ್ ಕೆ.ಆರ್. ಪೇಟೆ, ರಾಮ್ ಪವನ್ ಪ್ರಮುಖ ತಾರಾಗಣದಲ್ಲಿದ್ದಾರೆ. ತೆಲುಗಿನ ಖ್ಯಾತ ಸಂಗೀತ ನಿರ್ದೇಶಕ ದೇವಿಶ್ರೀ ಪ್ರಸಾದ್ ಗರಡಿಯಲ್ಲಿ ಪಳಗಿರುವ ಕೃಷ್ಣಪ್ರಸಾದ್ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ.
ಕುತೂಹಲ ಮೂಡಿಸುವ ಕಥೆ
1955ರ ಜು.2ರಂದು ಅಮೆರಿಕದ ನ್ಯೂಯಾರ್ಕ್ನಿಂದ ಮಯಾಮಿಗೆ ಹೊರಟಿದ್ದ 57 ಜನ ಪ್ರಯಾಣಿಕರಿದ್ದ ಪ್ಯಾನ್ ಯಾಮ್ ಫ್ಲೈಟ್ 914 ಎಂಬ ವಿಮಾನ ಕಣ್ಮರೆಯಾಗಿತ್ತು. ಅದಾಗಿ 30 ವರ್ಷಗಳ ನಂತರ 1985ರಲ್ಲಿ ಈ ವಿಮಾನ ಮತ್ತೆ ಕ್ಯಾರಾಕಸ್ನಲ್ಲಿ ಪತ್ತೆಯಾಗಿತ್ತು ಎಂಬ ಸುದ್ದಿ ಕೆಲ ವರ್ಷಗಳ ಹಿಂದೆ ಸದ್ದು ಮಾಡಿತ್ತು. ಆದರೆ, ಈ ಟನೆಗೆ ಯಾವುದೇ ಪುರಾವೆ ಇಲ್ಲದ ಕಾರಣ, ಇದೊಂದು ಸುಳ್ಳು ಸುದ್ದಿ ಎಂದು ಅಲ್ಲಗಳೆಯಲಾಗಿತ್ತು. ಇದೀಗ ಇದೇ ರೀತಿಯ ಟನೆಯ ಸುತ್ತ “ರುದ್ರ ಗರುಡ ಪುರಾಣ’ ಸಾಗುತ್ತದೆ. ಕಣ್ಮರೆಯಾಗಿ ಮತ್ತೆ ವರ್ಷಗಳ ಬಳಿಕ ಪತ್ತೆಯಾಗುವ 17ಎ ಕಾವೇರಿ ಎಕ್ಸ್ಪ್ರೆಸ್ ಎಂಬ ಬಸ್ ಸುತ್ತ ಕಥೆಯನ್ನು ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕ ನಂದೀಶ್.