16 C
Bengaluru
Wednesday, January 22, 2020

ಇಳೆಗೆ ಮಳೆಯ ತೇರು

Latest News

ಮಾರಿಗೋಲ್ಡ್ ಆದ ದೂದ್​ಪೇಡ

ಬೆಂಗಳೂರು: ಸ್ಯಾಂಡಲ್​ವುಡ್​ನಲ್ಲಿ ‘ದೂದ್​ಪೇಡಾ’ ಎಂದೇ ಕರೆಯಲಾಗುತ್ತಿರುವ ನಟ ದಿಗಂತ್ ಈಗ ಮಾರಿಗೋಲ್ಡ್ ಆಗಿದ್ದಾರೆ. ಹಾಗಂತ ಬಿಸ್ಕತ್ ಕಂಪನಿಗೂ ಅವರಿಗೂ ಸಂಬಂಧ ಕಲ್ಪಿಸುವಂತಿಲ್ಲ. ಏಕೆಂದರೆ...

ಉಗ್ರಾತಂಕದ ಕರಿನೆರಳು

ರಾಜ್ಯದಲ್ಲಿ ಭಯೋತ್ಪಾದಕ ಜಾಲಗಳು ತುಂಬ ಸಕ್ರಿಯವಾಗಿ ಕಾರ್ಯ ನಿರ್ವಹಿಸುತ್ತಿವೆ ಎಂಬುದನ್ನು ಗುಪ್ತಚರ ಇಲಾಖೆಯೇ ದೃಢಪಡಿಸಿತ್ತು. ಅದರ ಬೆನ್ನಲ್ಲೇ, ಹಿಂದೂ ನಾಯಕರ ಹತ್ಯೆಗೆ ಸಂಚು...

ಕಲಿಕೆಗೆ ಬೇಕು ವಿನಮ್ರತೆ

ಶೂರಸೇನನೆಂಬ ರಾಜ. ಬಹಳ ಚಾಣಾಕ್ಷ ಹಾಗೂ ಪರಾಕ್ರಮಿ. ತನ್ನ ರಾಜ್ಯ, ಕೋಶ, ನ್ಯಾಯನಿಷ್ಠುರತೆ ಬಗ್ಗೆ ಅವನಿಗೇ ಹೆಮ್ಮೆಯಿತ್ತು, ಅಭಿಮಾನವಿತ್ತು. ಒಮ್ಮೆ ಅಧ್ಯಾತ್ಮದ ಬಗ್ಗೆ...

ಇನ್ನು ಫಾಸ್ಟಾೃಗ್ ಅಳವಡಿಸಿದ ಸ್ಥಳೀಯ ವಾಹನಗಳಿಗೆ ಮಾತ್ರ ರಿಯಾಯಿತಿ

ವಿಜಯವಾಣಿ ಸುದ್ದಿಜಾಲ ಮಂಗಳೂರುರಾಷ್ಟ್ರೀಯ ಹೆದ್ದಾರಿಗಳಲ್ಲಿರುವ ಟೋಲ್‌ಗೇಟ್‌ಗಳಲ್ಲಿ ರಿಯಾಯಿತಿ ಪಡೆಯಲು ಸ್ಥಳೀಯ ವಾಹನಗಳು ಫಾಸ್ಟಾೃಗ್ ಅಳವಡಿಸುವುದನ್ನು ಕಡ್ಡಾಯಗೊಳಿಸಿ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಆದೇಶ ಹೊರಡಿಸಿದೆ.ರಾಷ್ಟ್ರೀಯ...

ಜಲಸ್ಫೋಟಕ್ಕೆ ಮಾನವನೇ ಕಾರಣ

ಶ್ರವಣ್‌ಕುಮಾರ್ ನಾಳ, ಪುತ್ತೂರುಕಳೆದ ಮಳೆಗಾಲದಲ್ಲಿ ಪಶ್ಚಿಮಘಟ್ಟದ ಸುತ್ತಮುತ್ತ ಜಲಸ್ಫೋಟ, ಗುಡ್ಡಕುಸಿತ ಸಹಿತ ಪ್ರಾಕೃತಿಕ ವಿಕೋಪ ಸಂಭವಿಸಲು ಪಶ್ಚಿಮಘಟ್ಟದ ಭೌಗೋಳಿಕ ವಿನ್ಯಾಸಕ್ಕೆ ಹಾನಿಯಾಗಿರುವುದೇ ಮೂಲ...

‘ಕವಿ ಸಮಯ’ ಎಂಬುವುದರಲ್ಲಿ ‘ವಸಂತ ಋತು’ ಮತ್ತು ‘ವರ್ಷ ಕಾಲ’ ಇವುಗಳಿಗಿರುವ ಪ್ರಾಧಾನ್ಯತೆ ಬೇರಾವುದಕ್ಕೂ ಇಲ್ಲವೆಂದೇ ಹೇಳಬಹುದು. ಪ್ರೇಮಿಗಳ ಸಮಾಗಮಕ್ಕೆ ವಸಂತನ ಪೌರೋಹಿತ್ಯ ಎಷ್ಟು ಅಗತ್ಯವೋ ಒಟ್ಟು ಜಗತ್ತಿನ ಜೀವ ಸೃಷ್ಟಿಗೆ ಮಳೆಗಾಲ ಅಷ್ಟು ಅಗತ್ಯ. ಮಳೆಯನ್ನು ಹಾಗಾಗಿಯೇ ‘ಜೀವಜಲ’ ಎನ್ನುವರು.

| ಸಂಧ್ಯಾ ಹೊನಗುಂಟಿಕರ್

ಬೇಸಿಗೆಯ ರಣಗುಡುವ ಬಿಸಿಲಲ್ಲಿ ಮಳೆಗಾಲವನ್ನು ನೆನಪಿಸಿಕೊಂಡರೆ ಸಾಕು, ಅದು ಒಂದು ದಿವ್ಯ ಅನುಭವ. ಭೂಮಿ ಮತ್ತು ಆಗಸಕ್ಕೆ ನಂಟು ಬೆಸೆದ ಫಲವೇ ಈ ಮಳೆ. ಮೊದಲ ಮಳೆಯ ಆಗಮನವೆಂದರೆ ಸಾಮಾನ್ಯವೇನಲ್ಲ. ದೊರೆಯ ಅರಮನೆಯಲ್ಲಿ ಮೊದಲ ಪುತ್ರನ ಜನನೋತ್ಸವ. ಅದಕ್ಕೆ ಅನೇಕಾನೇಕ ಅದ್ಭುತ ಪೂರ್ವಭಾವಿ ತಯಾರಿ. ಭೂರಮೆಯು ಮಿಲನೋತ್ಸವಕ್ಕೆ ಮೈ ಅರಳಿಸಿ ಕಾದು ನಿಂತ ಗಳಿಗೆಯೂ ಹೌದು. ವಸಂತನು ಬನದ ರೆಂಬೆ ಕೊಂಬೆಗಳಿಗೆಲ್ಲ ಹೊಸ ಚಿಗುರಿನ ಕುಚ್ಚು ಕಟ್ಟಿ ಹಂಸತೂಲಿಕಾ ಮಂಚ ನಿರ್ವಿುಸಿ ಮಧುಚಂದ್ರಕ್ಕೆ ಅಣಿಗೊಳಿಸುತ್ತಾನೆ. ಮದುವಣಗಿತ್ತಿ ಭೂರಮೆ ಇನಿಯನ ಸ್ಪರ್ಶ ನೆನೆಸಿಕೊಂಡಾಗಲೆಲ್ಲ ಉಂಟಾಗುವ ಅವಳೆದೆಯ ಬಡಿತವೇ ಆ ಪ್ರಚಂಡ ಗುಡುಗು. ಉಲ್ಲಸಿತ ಕಣ್ಣಿನ ಪ್ರಕಾಶವೇ ಆಕಾಶವನ್ನು ಸೀಳುವ ಸೆಲೆ ಮಿಂಚು. ಹೀಗೆಲ್ಲ ಶೃಂಗಾರಗೊಂಡ ಶಯ್ಯಾ ಗೃಹಕ್ಕೆ ಆಗಮಿಸುವ ವರುಣನ ಸಂಭ್ರಮ ಪ್ರತಿ ವರ್ಷವೂ ಸಂಭವಿಸುವುದು. ಅದಕ್ಕೆ ಕವಿ ಬೇಂದ್ರೆ,

ವರುಷಕೊಂದು ಹೊಸತು ಜನ್ಮ

ಹರುಷಕೊಂದು ಹೊಸತು ನೆಲೆಯು

ಅಖಿಲ ಜೀವಜಾತಕೆ

ಒಂದೆ ಒಂದು ಜನ್ಮದಲ್ಲಿ

ಒಂದೇ ಬಾಲ್ಯ ಒಂದೇ ಹರೆಯ

ನಮಗಷ್ಟೇ ಏತಕೆ?

ಎಂದು ‘ಯುಗಾದಿ’ ಕವನದಲ್ಲಿ ಪ್ರಶ್ನಿಸುತ್ತಾರೆ. ನಿಸರ್ಗದ ಅನೇಕ ಸದಸ್ಯರಲ್ಲಿ ಒಬ್ಬನಾದ ಸೂರ್ಯನಿಗೆ ವರುಷಪೂರ್ತಿ ಅವಿರತ ಕೆಲಸ. ಒಂದು ದಿನವೂ ರಜೆ ಹಾಕದ ಆತನಿಗೆ ಬೇಸಿಗೆಯಲ್ಲಿ ಒವರ್ ಟೈಮ್ ಡ್ಯೂಟಿ. ಆದ್ದರಿಂದ ಆಕಾಶ ಯಾವತ್ತಿಗಿಂತಲೂ ಹೆಚ್ಚು, ಬೆಳಕಿಗಿಂತ ಬೆಳ್ಳಗೆ ಹೊಳೆಯುತ್ತಲಿರುತ್ತದೆ.

ಹೀಗಿರುವಾಗ ಒಮ್ಮಿಂದೊಮ್ಮೆ ಕರ್ರಗೆ ಕಾರ್ವೇಡಗಳು ಗಂಟು ಮೂಟೆ ಕಟ್ಟಿಕೊಂಡು ನಿನ್ನ ಶಿಫ್ಟ್ ಮುಗೀತು ಮನೆಗೆ ಹೋಗು ಎಂಬಂತೆ ಸೂರ್ಯನನ್ನು ಮರೆ ಮಾಡಿದಾಗ ಭೂಮಿಯ ತುಂಬಾ ಅದೆಂಥದ್ದೋ ಸೊಗಡು. ಇನ್ನೊಂದು ‘ಕವಿ ಸಮಯ’ವೆನಿಸಿದರೂ ಚಾತಕ ಪಕ್ಷಿಯ ಬಗ್ಗೆ ಉಲ್ಲೇಖಿಸುವುದು ಅತ್ಯಂತ ಸೂಕ್ತ. ಮಳೆ ನೀರನ್ನು ಮಾತ್ರ ಕುಡಿದು ಬದುಕುವ ಜೀವಿ ಅದಾಗಿದ್ದು ಮಳೆ ಬರುವ ಸೂಚನೆ ಈ ಪಕ್ಷಿಗೆ ನಿಖರವಾಗಿ ಗೊತ್ತಿರುತ್ತದೆ. ಅದಕ್ಕಾಗಿಯೇ ಚಾತಕ ಪಕ್ಷಿಯನ್ನು ಮಾರುತಗಳ ಮುಂಗಾಮಿ ಎಂದು ಕರೆಯುವರು. ‘ಮಳೆ ಬರುವಾ ಹಾಗಿದೆ…’ ಎಂದು ಗುನುಗುನಿಸುವಂತೆ ಮುನ್ಸೂಚನೆ ಕೊಡುವ ಹಕ್ಕಿ ಇದಾದರೆ ಈ ವಾತಾವರಣದಲ್ಲಿ ಸೋಗೆಯ ಸೊಬಗೇ ಬೇರೆ. ಗಂಡು ನವಿಲು ತನ್ನ ಬಣ್ಣದ ಗರಿಗಳನ್ನು ಹರಡಿಕೊಂಡು ಕುಣಿದು ಕುಪ್ಪಳಿಸಿ ಹೆಣ್ಣು ನವಿಲನ್ನು ಓಲೈಸುವ, ಆಕರ್ಷಿಸುವ ಸಡಗರವು ಪ್ರಕೃತಿಯ ವೈಶಿಷ್ಟ್ಯವೇ ಸರಿ. ಜೀವ ಸೃಷ್ಟಿಗೆ ಇಡೀ ಭೂಮಿಯೇ ಹಸೆಮಣೆಯಾಗಿರುತ್ತದೆ. ಮಳೆ ಎಂಬುದು ಇಳೆಗಷ್ಟೆ ಅಲ್ಲ, ರೈತರಿಗೂ ಸಂಭ್ರಮ. ನೇಗಿಲು, ಗಳೆ, ಬಾರುಕೋಲುಗಳಿಗೆ ಎಣ್ಣೆ ನೀವಿ ಸಜ್ಜುಗೊಳಿಸಿ ಹೊಲವನ್ನು ನೇಗಿಲಿನಿಂದ ಶುದ್ಧಗೊಳಿಸಿ ಬಿತ್ತನೆಗೆ ಅಣಿಯಾಗಿಸುವ ಮುತುವರ್ಜಿ. ಬಿತ್ತಿದ ಬೀಜ ಮೊಳಕೆಯೊಡೆದು, ಸಸಿಯಾಗಿ, ಬೆಳೆಯಾಗಿ, ತೆನೆಯಾಗಿ, ಕಾಳಾಗಿ, ಅನ್ನವಾಗಿ, ಒಡಲು ಸೇರಿ ರಕ್ತವಾಗಿ ಶಕ್ತಿಯಾಗುವುದಕ್ಕೆ ಕಾರಣವೇ ಜೀವ ಚೈತನ್ಯವೆನಿಸಿದ ಈ ಮಳೆ. ಹಳ್ಳಿಗಳಲ್ಲಿ ಮನೆಗಳ ಹೆಂಚುಗಳನ್ನು ಸರಿಪಡಿಸಿ, ಸೋರದಂತೆ ಹುಲ್ಲು ಹಾಸಿ, ಸವಳು ಮಣ್ಣು ಮೆತ್ತಿ ಗಟ್ಟಿಗೊಳಿಸುವ ಸಿದ್ಧತೆ.

ಬೇಸಿಗೆಯಲ್ಲಿ ಮನುಷ್ಯರಿಗೇ ಕಾಟ ಕೊಟ್ಟು ಆಹಾರ ಸಂಗ್ರಹಿಸಿ ಮಳೆ ಬರುವ ಮುಂಚೆಯೇ ಗೂಡು ಸೇರಿಕೊಳ್ಳುವ ಇರುವೆಗಳ ದೂರದೃಷ್ಟಿ ಅತ್ಯಂತ ಜಾಣತನದ್ದು. ಶಾಲೆಗಳು ಆರಂಭವಾಗುವ ಸಮಯದಲ್ಲಿಯೇ ಮಳೆಗಾಲವನ್ನು ಸ್ವಾಗತಿಸುವ ಖುಷಿ. ಅಟ್ಟದಲ್ಲಿ ಕಾಲು ಮಡಚಿಕೊಂಡು ಕುಳಿತ ಕೊಡೆ ಮೈ ಕೊಡವಿ ಕೊಳ್ಳುವುದು ಈಗಷ್ಟೇ. ಮನೆಯ ಕೈತೋಟಕ್ಕೆ ಹೊಸ ಹೊಸ ಬಗೆಯ ಸಸಿ, ಗಿಡಗಳ ಆಗಮನ.

ಪ್ರತಿ ವರ್ಷ ಜೂನ್ ಏಳರಂದು ಮೃಗ ನಕ್ಷತ್ರದಲ್ಲಿ ಮಳೆ ಪ್ರವೇಶವಾಗುತ್ತದೆ ಎಂಬ ಜ್ಯೋತಿಷ್ಯದ ಪ್ರಕಾರ ‘ಮೃಗ ಪ್ರವೇಶ’ದ ಆಚರಣೆ ಸಂಪ್ರದಾಯಸ್ಥ ಮನೆಗಳಲ್ಲಿ ಉಂಟು. ಮಳೆಗಾಲವಿಡೀ ಬರುವ ಮಳೆಯಿಂದ ಆರೋಗ್ಯದಲ್ಲಿ ವ್ಯತ್ಯಾಸವಾಗದಿರಲಿ ಎಂದು ಮನೆಗಳಲ್ಲಿ ಅಜ್ಜಿಯರು ಇಂಗು ಬೆಲ್ಲ ಕುಟ್ಟಿ ಪುಟ್ಟ ಪುಟ್ಟ ಗುಳಿಗೆ ಮಾಡಿ ಎಲ್ಲರಿಗೂ ತಿನ್ನಿಸುವ ಕಾಳಜಿ. ಅಷ್ಟಲ್ಲದೆ ನಾನಾ ಬಗೆಯ ಕಷಾಯ ಪುಡಿಗಳ ತಯಾರಿಕೆ. ಹೀಗೆ ವರ್ಷಾ ಕಾಲವನ್ನು ಸುರಕ್ಷಿತವಾಗಿ ಅನುಭವಿಸುವ ಏರ್ಪಾಡು ಮನೆ ಮನೆಗಳಲ್ಲಿ.

ಮೋಡಗಟ್ಟಿದ ಆಕಾಶ, ಮಳೆಯ ಆಗಮನದ ಸಂದೇಶ ಹರಡುವ ಓಲೆಕಾರನಂತೆ ಸುಯ್ಯನೆ ಸುತ್ತುತ್ತ ಮೂಗಿಗೆ ಅಡರುವ ತಂಗಾಳಿ. ಪಟಪಟನೆ ಬಡಿದುಕೊಳ್ಳುವ ಮನೆಯ ಬಾಗಿಲುಗಳನ್ನು ಭದ್ರಗೊಳಿಸಿ ಕಿಟಕಿಯ ಸರಳುಗಳಿಂದಾಚೆ ಕಣ್ಣು ಹಾಯಿಸಿ ಈ ಮಳೆಯ ಮೆರವಣಿಗೆಯನ್ನು ವೀಕ್ಷಿಸುವುದೆಂದರೆ ಕಣ್ಣಿಗೊಂದು ಕವಿತೆ ಮೆತ್ತಿದಂತೆ. ಹದಿಹರೆಯದ ಪೋರರಲ್ಲಿ ತಕಧಿಮಿತ. ಮಧುರ ಕುದಿತ. ಅಮ್ಮ ತಯಾರಿಸಿದ ಬಿಸಿಬಿಸಿ ಬೋಂಡಾ, ಭಜ್ಜಿ ಸವಿಯುತ್ತಾ ಅಂಗಳದಲ್ಲಿ ಕಣ್ಣಿಟ್ಟು ಮಳೆ ಬಂದು ನಿಂತ ಮೇಲೆ ಮೂಡುವ ಕಾಮನ ಬಿಲ್ಲಿನ ಬೆಡಗಿನಲ್ಲಿ ಪ್ರಿಯತಮ/ ಪ್ರಿಯತಮೆಯನ್ನು ಸಂಧಿಸುವ ಹುನ್ನಾರ ಹರಳು ಕಟ್ಟುವುದು. ಈ ಕ್ಷಣದಲ್ಲಿಯೇ ಕಾಳಿದಾಸ, ಬೇಂದ್ರೆ, ಮೇಘದೂತ, ಯಕ್ಷ -ಯಕ್ಷಿಯರ ನೆನಪುಗಳ ಒತ್ತುವರಿ.

ಪಶು ಪಕ್ಷಿ ಮಾನವಾದಿಗಳ ಒಟ್ಟೂ ಭಾವ, ಸಡಗರ, ಗೊಡವೆ, ಪಡಿಪಾಟಲುಗಳು ಇದಾದರೆ ಮಳೆರಾಯನ ಉದ್ದೇಶ ಘನ ಗಾಂಭೀರ್ಯ ಉಳ್ಳದ್ದು. ಆತನಿಗೋ ಇಡೀ ಭೂಮಂಡಲವನ್ನು ಪೋಷಿಸುವ ಜವಾಬ್ದಾರಿ. ಪ್ರತಿ ಜೀವಿಗಳಿಗೆ ಅನ್ನವಿಕ್ಕುವ ಸಂಕಲ್ಪ. ಒಳ್ಳೆಯ ಕಾರ್ಯ, ಉದ್ದೇಶಕ್ಕೆ ಇರುವ ಸೌಂದರ್ಯ ಅಗಾಧವಾದುದು. ಆದ್ದರಿಂದ ಮಳೆ ಎಂಬುದು ಒಂದು ಸುಂದರ ತೇರು. ಅದನ್ನೆಳೆಯುವ ಪ್ರತಿ ಕ್ಷಣವೂ ಅಮೃತಗಳಿಗೆ. ಗಾಳಿ, ಮಿಂಚು, ಗುಡುಗು ಮುಂತಾದವುಗಳು ಆ ತೇರಿನ ಗಾಲಿಗಳು. ಈ ತೇರನ್ನೆಳೆಯಬೇಕಾದವರು ಮಾತ್ರ ಮನುಷ್ಯರು. ನಿಸರ್ಗ ರಕ್ಷಣೆಯ ಪ್ರಜ್ಞೆಯಲ್ಲಿ ಮಾತ್ರ ಈ ತೇರನ್ನೆಳೆದರೆ ಇದಕ್ಕೆ ಅದ್ಭುತ ವೇಗ, ಸಮೃದ್ಧಿ. ‘ಮಗ ಉಂಡರೆ ಕೆಟ್ಟಲ್ಲ, ಮಳೆ ಬಂದರೆ ಕೆಟ್ಟಲ್ಲ’ ಎಂಬ ನಾಣ್ಣುಡಿಯ ಸಾಕ್ಷಾತ್ಕಾರ.

ವಿಡಿಯೋ ನ್ಯೂಸ್

VIDEO| ಬೇಲಿಯೇ ಎದ್ದು ಹೊಲ ಮೇಯ್ದಂತೆ ಎಂಬ ಗಾದೆ ಮಾತಿಗೆ...

ಲಖನೌ: ಬೇಲಿಯೇ ಎದ್ದು ಹೊಲ ಮೇಯ್ದಂತೆ ಎಂಬ ಗಾದೆ ಮಾತಿಗೆ ಪೂರಕವಾದ ಘಟನೆ ಇದಾಗಿದೆ. ಉತ್ತರ ಪ್ರದೇಶದ ನೋಯ್ಡಾದಲ್ಲಿ ನಡೆದ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ನೋಯ್ಡಾದಲ್ಲಿ ಅಂಗಡಿ ಹೊರಭಾಗದಲ್ಲಿ ಇಟ್ಟಿದ್ದ ಬಾಕ್ಸ್​ನಿಂದ...

VIDEO| ನಟಿಯಾಗಿರೋ ಆಲಿಯಾ ಇದೀಗ ಶೆಫ್​: ಬಾಲಿವುಡ್​ ಬ್ಯೂಟಿಯ ಅಡುಗೆ...

ಮುಂಬೈ: ಬಾಲಿವುಡ್​ ಬ್ಯೂಟಿ ಆಲಿಯಾ ಭಟ್ ನಟನೆ ಜತೆಗೆ ಹೊಸ ಸಾಹಸಕ್ಕೆ ಕೈಹಾಕಿದ್ದಾರೆ. ನಟಿಯಾಗಿರುವ ಆಲಿಯಾ ಇದೀಗ ಶೆಫ್ ಆಗಿದ್ದು, ಹೊಸ ಬಗೆಯ ಅಡುಗೆ ಪರಿಚಯಿಸಲು ಮುಂದಾಗಿದ್ದಾರೆ. ಯೂಟ್ಯೂಬ್​ನಲ್ಲಿ ಆಲಿಯಾ ಭಟ್...

VIDEO| ಅತಿವೇಗದ ಎಸೆತ, ಮಥೀಶಾ ಪಥಿರಣ ವಿಶ್ವದಾಖಲೆ!

ಬ್ಲೂಮ್​ಫಾಂಟೆನ್: ಶ್ರೀಲಂಕಾ ವಿರುದ್ಧ ಭಾನುವಾರ ನಡೆದ 19 ವಯೋಮಿತಿ ಏಕದಿನ ವಿಶ್ವಕಪ್ ಟೂರ್ನಿಯ ಮುಖಾಮುಖಿಯಲ್ಲಿ ಭಾರತ ತಂಡ 90 ರನ್​ಗಳಿಂದ ಗೆಲುವು ಸಾಧಿಸಿತು. ಆದರೆ, ಲಂಕಾ ಕಡೆಯಿಂದಲೂ ಸ್ಮರಣೀಯ ದಾಖಲೆಯೊಂದು...

VIDEO| ತಮಿಳಿನ ಕೌನ್​ ಬನೇಗಾ ಕರೋಡ್​ಪತಿ ಶೋನಲ್ಲಿ 1 ಕೋಟಿ...

ಚೆನ್ನೈ: ತಮಿಳು ಆವೃತ್ತಿಯ ಕೌನ್​ ಬನೇಗಾ ಕರೋಡ್​ಪತಿ(ಕೊಡೀಶ್ವರಿ) ರಿಯಾಲಿಟಿ ಶೋನಲ್ಲಿ ವಿಕಲಾಂಗ ಮಹಿಳೆಯೊಬ್ಬಳು ಬರೋಬ್ಬರಿ 1 ಕೋಟಿ ರೂ. ಬಹುಮಾನ ಮೊತ್ತವನ್ನು ಗೆದ್ದು ಎಲ್ಲರ ಗಮನ ಸೆಳೆದಿದ್ದಾಳೆ.ಮದುರೈ ನಿವಾಸಿಯಾಗಿರುವ ಕೌಶಲ್ಯ...

VIDEO| ಮಂಗಳೂರು ವಿಮಾನ ನಿಲ್ದಾಣ ಬಾಂಬ್​ ಪತ್ತೆ ಪ್ರಕರಣ: ಬಾಂಬ್​...

ಮಂಗಳೂರು: ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಸಜೀವ ಬಾಂಬ್​ ಪತ್ತೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೆಂಜಾರು ಮೈದಾನದಲ್ಲಿ ಬಾಂಬ್​ ನಿಷ್ಕ್ರಿಯೆ ದಳದಿಂದ ನಡೆದ ಬಾಂಬ್​ ಸ್ಫೋಟ ಪ್ರಕ್ರಿಯೆ ಯಶಸ್ವಿಯಾಗಿದೆ. ಇಂದು ಬೆಳಗ್ಗೆ ಮಂಗಳೂರು ವಿಮಾನ...

VIDEO| ಮಂಡ್ಯದಲ್ಲಿ ಮತ್ತೆ ಜೋಡೆತ್ತು ಸದ್ದು: ಚುನಾವಣೆ ಮುಗಿದ ನಂತರ...

ಮಂಡ್ಯ: ಲೋಕಸಭಾ ಚುನಾವಣೆಯಲ್ಲಿ ರಾಜಕೀಯವಾಗಿ ಸದ್ದು ಮಾಡಿದ್ದ ಜೋಡೆತ್ತು ಎಂದು ಕರೆಸಿಕೊಂಡಿದ್ದ ನಟರಾದ ದರ್ಶನ್​ ಮತ್ತು ಯಶ್​ ಅವರು ಮತ್ತೆ ಸುದ್ದಿಯಲ್ಲಿದ್ದಾರೆ. ಮಾನವೀಯತೆ ಮೆರೆದ ಅವರು, ಚೈತ್ರಾ ಗೋಶಾಲೆಗೆ ಬೆಳಕಾಗಿದ್ದಾರೆ. ಗೋಮಾತೆ ಸೇವೆಗೆ ರಾಕಿಂಗ್...