ಓದಿದ್ದು ತಲೆಗೆ ಹತ್ತುತ್ತಿಲ್ಲ ಎಂದು ಮಾತ್ರೆ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ವಿದ್ಯಾರ್ಥಿನಿ

ಮೈಸೂರು: ಓದಿದ್ದು ತಲೆಗೆ ಹತ್ತುತ್ತಿಲ್ಲ, ಜೀವನದಲ್ಲಿ ಏನೂ ಸಾಧಿಸಲಾಗಲಿಲ್ಲ ಎಂದು ಮನನೊಂದ ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿಯೊಬ್ಬಳು ಮಾತ್ರೆ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ಮೈಸೂರಿನ ಬನ್ನಿಮಂಟಪದ ಕಾವೇರಿ ನಗರದಲ್ಲಿ ಘಟನೆ ನಡೆದಿದ್ದು, ಜೆ.ಎಸ್​.ಎಸ್​. ಕಾಲೇಜಿನ ಕಾಮರ್ಸ್​ ಕಾಲೇಜಿನ ವಿದ್ಯಾರ್ಥಿನಿ ಯಾಸ್ಮಿನ್​ ತಾಜ್​ (18) ಮೃತ ಯುವತಿ.

ಆತ್ಮಹತ್ಯೆ ಮಾಡಿಕೊಳ್ಳುವ ಮುನ್ನ ಈಕೆ ವಿಡಿಯೋ ಮಾಡಿದ್ದು, ನಾನೊಬ್ಬಳು ಡಲ್​ ಸ್ಟೂಡೆಂಟ್​, ಸಿಂಗರ್​ ಅಥವಾ ಲಾಯರ್​ ಆಗುವ ಆಸೆ ಇತ್ತು. ಆದರೆ ದೇವರು ಆ ಆಸೆಯನ್ನು ಪೂರೈಲಿಲ್ಲ. ನನಗೆ ಆರೋಗ್ಯದ ಸಮಸ್ಯೆ ಇತ್ತು. ಆದ್ದರಿಂದ ಕಾಲೇಜಿಗೆ ಸರಿಯಾಗಿ ಹೋಗಿರಲಿಲ್ಲ. ಪ್ರಿಪರೇಟರಿ ಪರೀಕ್ಷೆಗೆ ಹಾಲ್​ ಟಿಕೆಟ್​ ಕೊಡಲಿಲ್ಲ. ಜೀವನದಲ್ಲಿ ಏನೂ ಸಾಧಿಸಲಿಲ್ಲ ಎಂದು ತಿಳಿಸಿ ನೀರಿನೊಂದಿಗೆ ಮಾತ್ರ ಬೆರೆಸಿ ಸೇವಿಸಿದ್ದಾಳೆ.

ಜತೆಗೆ ಬದುಕಿದ್ದಾಗ ನನ್ನನ್ನು ಯಾರೂ ಲೈಕ್​ ಮಾಡಿಲ್ಲ. ಸಾಯುವ ವಿಡಿಯೋನಾದ್ರೂ ಲೈಕ್​ ಮಾಡಿ, ಶೇರ್​ ಮಾಡಿ. ಯಾಸ್ಮಿನ್​ ಆತ್ಯಹತ್ಯೆ ಮಾಡಿಕೊಂಡಳು ಎಂದು ಪ್ರಪಂಚಕ್ಕೆ ತಿಳಿಸಿ ಎಂದು ಆಕೆ ವಿಡಿಯೋದಲ್ಲಿ ಮನವಿ ಮಾಡಿಕೊಂಡಿದ್ದಾಳೆ. ಮೇಟಗಳ್ಳಿ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

One Reply to “ಓದಿದ್ದು ತಲೆಗೆ ಹತ್ತುತ್ತಿಲ್ಲ ಎಂದು ಮಾತ್ರೆ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ವಿದ್ಯಾರ್ಥಿನಿ”

  1. ಪ್ರಕೃತಿಯ ವಿಕೋಪದ ಮುಂದೆ ಯಾರೇನೂ ಮಾಡಲು ಸಾಧ್ಯವಿಲ್ಲ. ಹೇಗೆ ಸತ್ತರೂ ಒಂದು ದಿನ ಎಲ್ಲರೂ ಸಾಯಲೇಬೇಕಲ್ಲವೆ?

Leave a Reply

Your email address will not be published. Required fields are marked *