Tuesday, 20th November 2018  

Vijayavani

ಕಬ್ಬು ಬೆಳಗಾರರ ಜತೆ ಸಿಎಂ ಸಭೆ - ವಿಧಾನಸೌಧಕ್ಕೆ ಆಗಮಿಸಿದ ರೈತ ಮುಖಂಡರು - ಕಬ್ಬಿನ ಬಾಕಿ ಹಣ ಕೊಡಿಸ್ತಾರಾ ಎಚ್‌ಡಿಕೆ?        ಉ-ಕ ರೈತರ ಹೋರಾಟಕ್ಕೆ ಜಾತಿ ಲೇಪನ - ನಾಲಾಯಕ್ ಅನ್ನೋದು ಕೆಟ್ಟ ಪದ ಅಲ್ಲ - ಸಿಎಂ ವಿರುದ್ಧ ಮತ್ತೆ ಗುಡುಗಿದ ಯಡಿಯೂರಪ್ಪ        ಸಿಂಪಲ್ ಮ್ಯಾರೇಜ್ ಆಗೋರಿಗೆ ಶಾಕ್‌- ಮುಜರಾಯಿ ದೇವಸ್ಥಾನದಲ್ಲಿ ಮದುವೆಗೆ ಬ್ರೇಕ್‌ - ಅರ್ಚಕರ ಮನವಿಗೆ ಇಲಾಖೆ ನಿರ್ಧಾರ        ದಿಗ್ಗಜರಿಂದಲೇ ಬಿಬಿಎಂಪಿಗೆ ಬಾಕಿ - ಜಾರ್ಜ್‌, ಹ್ಯಾರೀಸ್‌, ಕುಪೇಂದ್ರರೆಡ್ಡಿ ಕಟ್ಟಿಲ್ಲ ಟ್ಯಾಕ್ಸ್‌ - ಪಾಲಿಕೆ ದಿವಾಳಿಗೆ ಕಾರಣರಾದ್ರಾ ನಾಯಕರು        ಛತ್ತಿಸ್‌ಗಡದಲ್ಲಿ ಎರಡನೇ ಹಂತದ ಮತದಾನ -72 ವಿಧಾನಸಭಾ ಕ್ಷೇತ್ರಗಳಲ್ಲಿ ವೋಟಿಂಗ್‌ - ಮಧ್ಯ ಪ್ರದೇಶದಲ್ಲಿ ಪ್ರಧಾನಿ ರ‍್ಯಾಲಿ        ಬೆಂಗಳೂರಿಗೆ ಬಂದಿಳಿದ ನವಜೋಡಿ - ಮುಂಬೈನಿಂದ ಸಿಲಿಕಾನ್‌ ಸಿಟಿಗೆ ರಣವೀರ್‌, ದೀಪಿಕಾ - ನಾಳೆ ಲೀಲಾ ಪ್ಯಾಲೇಸ್‌ನಲ್ಲಿ ರಿಸೆಪ್ಷನ್       
Breaking News

ಫ್ಲ್ಯಾಟ್ ಖರೀದಿಗೆ ಬಿಡಿಎ ಭರ್ಜರಿ ಕೊಡುಗೆ

Saturday, 29.09.2018, 3:02 AM       No Comments

| ವರುಣ ಹೆಗಡೆ

ಸ್ವಂತ ಸೂರು ಹೊಂದಬೇಕೆಂಬ ಕನಸು ಹೊತ್ತು ಕುಳಿತವರಿಗೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಭರ್ಜರಿ ಕೊಡುಗೆ ನೀಡಿದೆ. ರಿಯಾಯಿತಿ ದರದ ಮೂಲಕ ಕನಸಿನ ಮನೆಯನ್ನು ತಮ್ಮದಾಗಿಸಿಕೊಳ್ಳುವ ಅವಕಾಶ ನಗರದ ಜನತೆಗೆ ಒದಗಿ ಬಂದಿದೆ.

ನಗರದ ವಿವಿಧ ಪ್ರದೇಶಗಳಲ್ಲಿ ನಿರ್ವಿುಸಿರುವ 1,800 ಫ್ಲ್ಯಾಟ್​ಗಳಿಗೆ ಬಿಡಿಎ ಶೇ.10ರವರೆಗೂ ರಿಯಾಯಿತಿ ಘೋಷಿಸಿದೆ. ಇದರಿಂದ ಮನೆ ಖರೀದಿಯಿಂದ ಆಗುವ ಹೊರೆಯಿಂದ ಸಹ ತಕ್ಕ ಮಟ್ಟಿಗೆ ಪಾರಾಗಲು ಸಾಧ್ಯವಾಗುತ್ತದೆ. ಮೈಸೂರು ರಸ್ತೆಯ ಕಣಮಿಣಿಕೆಯಲ್ಲಿ 1,000, ಉಲ್ಲಾಳ ಬಳಿಯ ಕೊಮ್ಮಘಟ್ಟದಲ್ಲಿ 500 ಹಾಗೂ ಕೆ.ಆರ್.ಪುರ ಬಳಿ ಇರುವ ದೊಡ್ಡಬನಹಳ್ಳಿಯಲ್ಲಿ 300 ಮನೆಗಳು ಖರೀದಿಗೆ ಯೋಗ್ಯವಾಗಿವೆ. ಆಯಾ ಪ್ರದೇಶ ಹಾಗೂ ಫ್ಲ್ಯಾಟ್ ಅಳತೆಗೆ ಅನುಗುಣವಾಗಿ ಎರಡು ಕೊಠಡಿಗಳ ಫ್ಲ್ಯಾಟ್​ಗೆ 25ರಿಂದ 32 ಲಕ್ಷ ರೂ.ವರೆಗೆ ಬಿಡಿಎ ಬೆಲೆ ನಿಗದಿ ಪಡಿಸಿದೆ.

ಶೇ.10ರವರೆಗೆ ರಿಯಾಯಿತಿ: ಕಣಮಿಣಿಕೆ, ಕೊಮ್ಮಘಟ್ಟ ಹಾಗೂ ದೊಡ್ಡಬನಹಳ್ಳಿಯಲ್ಲಿ ಉಳಿದಿರುವ 2 ಕೊಠಡಿಗಳ ಮನೆ ಮಾರಾಟಕ್ಕೆ ಬಿಡಿಎ ಶೇ.5ರಿಂದ 10 ರಿಯಾಯಿತಿ ಘೋಷಿಸಿದೆ. ಒಂದು ಮನೆ ಕೊಂಡರೆ ಶೇ.5 ಹಾಗೂ 10ಕ್ಕೂ ಹೆಚ್ಚು ಮನೆಗಳನ್ನು ಗುಂಪಾಗಿ ಕೊಂಡರೆ ಶೇ.10 ರಿಯಾಯಿತಿ ನೀಡಲಿದೆ. ಒಂದು ಹಾಗೂ 3 ಕೊಠಡಿಗಳ ಮನೆಗೆ ಯಾವುದೇ ರಿಯಾಯಿತಿ ಇರುವುದಿಲ್ಲ.

ಎರಡು ಕೊಠಡಿಗಳ ಮನೆಗಳು ಅಧಿಕ

ತುಮಕೂರು ರಸ್ತೆ ದಾಸನಪುರ ಹೋಬಳಿಯಲ್ಲಿ ಬಿಡಿಎ ಈ ಹಿಂದೆ ನಿರ್ವಿುಸಿದ 452 ವಿಲ್ಲಾಗಳು ಮಾರಾಟವಾಗಿವೆ. ಇದೇ ಹೋಬಳಿಯ ಹೊನ್ನಿಗೆರಿಯಲ್ಲಿ ಮತ್ತೆ 323 ವಿಲ್ಲಾ ಹಾಗೂ ಅಪಾರ್ಟ್ ಮೆಂಟ್ ಸಮುಚ್ಚಯವನ್ನು ಬಿಡಿಎ ನಿರ್ವಿುಸಿದೆ. ವಿಲ್ಲಾಗಳಿಗೆ ಜನರಿಂದ ಹೆಚ್ಚು ಬೇಡಿಕೆ ಬರುತ್ತಿದೆ. ಹೀಗಾಗಿ ಇನ್ನಷ್ಟು ವಿಲ್ಲಾಗಳನ್ನು ನಿರ್ವಿುಸಲು ಬಿಡಿಎ ಮುಂದಾಗಿದೆ. ಬಿಡಿಎ ರಿಯಾಯಿತಿ ನೀಡಲು ಮುಖ್ಯ ಕಾರಣ 2 ಕೊಠಡಿಗಳ ಮನೆ ಮಾರಾಟ ಹೆಚ್ಚಿಸುವುದು. ಅಷ್ಟಕ್ಕೂ ಕಣಮಿಣಿಕೆ, ಕೊಮ್ಮಘಟ್ಟ ಹಾಗೂ ದೊಡ್ಡಬನಹಳ್ಳಿಯಲ್ಲಿ ಹೆಚ್ಚಾಗಿ ಎರಡು ಕೊಠಡಿಗಳ ಮನೆಗಳಿವೆ.

2 ಕೊಠಡಿಗಳ ಮನೆಗಳ ಮಾರಾಟದ ಮೇಲೆ ಬಿಡಿಎ ಶೇ.5ರಿಂದ 10ರವರೆಗೆ ರಿಯಾಯಿತಿ ಘೋಷಿಸಿದೆ. ಈ ಹಿನ್ನೆಲೆಯಲ್ಲಿ ಖರೀದಿಗೆ ಗ್ರಾಹಕರು ಮುಂದಾಗುವ ನಿರೀಕ್ಷೆ ಹೊಂದಲಾಗಿದೆ.

| ಎನ್.ಜಿ. ಗೌಡಯ್ಯ ಬಿಡಿಎ ಇಂಜಿನಿಯರ್

Leave a Reply

Your email address will not be published. Required fields are marked *

Back To Top