ಗೋವಿಂದಾ, ಸೈಫ್ ಅಲಿ ಖಾನ್, ಶತ್ರುಘ್ನ ಸಿನ್ಹಾ, ಮಿಥುನ್ ಚಕ್ರವರ್ತಿ, ಸನ್ನಿ ಡಿಯೋಲ್, ಅನಿಲ್ ಕಪೂರ್, ಅಕ್ಷಯ್ ಕುಮಾರ್ ಸೇರಿ ಹಲವು ಸ್ಟಾರ್ ಚಿತ್ರಗಳನ್ನು ನಿರ್ಮಿಸಿರುವ ಹೆಗ್ಗಳಿಕೆ ಬಾಲಿವುಡ್ ನಿರ್ಮಾಪಕ ಪಹ್ಲಜ್ ನಿಹ್ಲಾನಿಗೆ ಸಲ್ಲುತ್ತದೆ. “ಇಲ್ಜಾಮ್’, “ಆಂಧೀಯಾ’, “ಶೋಲಾ ಔರ್ ಶಬ್ನಂ’, “ಆಂಖೇ’, “ತಲಾಷ್’ ಸೇರಿ ಹಲವು ಹಿಟ್ ಬಾಲಿವುಡ್ ಚಿತ್ರಗಳನ್ನು ನಿರ್ಮಿಸಿರುವ ಅವರು, ಕೆಲ ಕಾಲ ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಅಧ್ಯಕ್ಷರಾಗಿಯೂ ಕೆಲಸ ಮಾಡಿದ್ದಾರೆ.
ಇತ್ತೀಚೆಗಷ್ಟೆ ಚಿತ್ರರಂಗದಲ್ಲಿ ಡ್ರಗ್ಸ್ ಸೇವನೆ ಬಗ್ಗೆ, “ಮಾದಕ ವ್ಯಸನ ಚಿತ್ರರಂಗದಲ್ಲಿ ಅವತ್ತೂ ಇತ್ತು. ಇಂದಿಗೂ ಇದೆ. ಕೆಲವು ಸ್ಟಾರ್ಗಳು ಬೆಳಗ್ಗೆ ಡಯಟ್ ಫುಡ್ ಬೇಕು ಅಂದರೆ, ರಾತ್ರಿಯಾಗುತ್ತಿದ್ದಂತೆಯೇ ಡ್ರಗ್ಸ್ ಬೇಕು ಅಂತ ಬೇಡಿಕೆ ಇಡುತ್ತಾರೆ. ಕೆಲ ಸ್ಟಾರ್ಗಳ ಕಣ್ಣುಗಳನ್ನು ನೋಡಿದರೆ ಸಾಕು ಅವರು ನಶೆಯಲ್ಲಿರುವುದು ಗೊತ್ತಾಗುತ್ತದೆ’ ಎಂದು ಪಹ್ಲಜ್ ಬೇಸರ ವ್ಯಕ್ತಪಡಿಸಿದ್ದಾರೆ.
ಹಾಗೇ ಇವತ್ತು ಸ್ಟಾರ್ಗಳು ದೊಡ್ಡ ಗ್ಯಾಂಗ್ ಕಟ್ಟಿಕೊಂಡು ಓಡಾಡುವುದರ ಬಗ್ಗೆ ವಿರೋಧ ವ್ಯಕ್ತಪಡಿಸಿರುವ ಅವರು, “ಮೊದಲು ಸ್ಟಾರ್ಗಳ ಜತೆ ಒಬ್ಬ ಸಹಾಯಕ ಮಾತ್ರ ಇರುತ್ತಿದ್ದ. ಇವತ್ತು 10 ಜನರಿರುತ್ತಾರೆ. ಮೊದಲು ಒಂದು ಕ್ಯಾರಾವಾನ್ ಬಳಸುತ್ತಿದ್ದರು. ಇವತ್ತು ವಿಶ್ರಾಂತಿ ಪಡೆಯಲು, ಅಡುಗೆಗೆ, ಜಿಮ್ ಮಾಡಲು, ಸಭೆ ನಡೆಸಲು ಅಂತ ಆರು ಕ್ಯಾರಾವಾನ್ಗಳನ್ನು ಕೇಳುತ್ತಾರೆ. ಅಂಥವರಿಗೆ ನಾಚಿಕೆಯಾಗಬೇಕು’ ಎಂದು ಹರಿಹಾಯ್ದಿದ್ದಾರೆ. &ಏಜೆನ್ಸೀಸ್