ಜಾಹೀರಾತು ಕ್ಷೇತ್ರದಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರದ್ದು ದೊಡ್ಡ ಹೆಸರು. ದೊಡ್ಡ ದೊಡ್ಡ ಬ್ರ್ಯಾಂಡ್ಗಳಿಗೆ, ಉತ್ಪನ್ನಗಳಿಗೆ ದೀಪಿಕಾನೇ ಬೇಕು. ಎಷ್ಟೇ ಕೋಟಿ ಆದರೂ ಪರವಾಗಿಲ ್ಲ ಅಂತ ಅವರನ್ನು ರಾಯಭಾರಿಯನ್ನಾಗಿಸಿಕೊಳ್ಳುವ ಹಲವು ಬ್ರ್ಯಾಂಡ್ಗಳಿವೆ. ಆದರೆ, ಕಳೆದ ಆರು ತಿಂಗಳಿಂದ ಲಾಕ್ಡೌನ್ ಹಿನ್ನೆಲೆಯಲ್ಲಿ ಬ್ರ್ಯಾಂಡ್ಗಳಿಗೆ ದೀಪಿಕಾ ಸಹಿ ಹಾಕಿರಲಿಲ್ಲ. ಅವುಗಳ ಜಾಹೀರಾತು ಶೂಟಿಂಗ್ನಲ್ಲಿಯೂ ಪಾಲ್ಗೊಂಡಿರಲಿಲ್ಲ. ಇದೀಗ ಮೂರೇ ದಿನಗಳ ಅವಧಿಯಲ್ಲಿ ಬರೋಬ್ಬರಿ 10ಕ್ಕೂ ಅಧಿಕ ಜಾಹೀರಾತುಗಳಲ್ಲಿ ದೀಪಿಕಾ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ ಎಂಬ ಸುದ್ದಿಯೊಂದು ಹೊರಬಿದ್ದಿದೆ.
ಇನ್ನೇನು ಶಕುನ್ ಬಾತ್ರಾ ನಿರ್ದೇಶನದ ಸಿನಿಮಾದಲ್ಲಿ ದೀಪಿಕಾ ತೊಡಗಿಸಿಕೊಳ್ಳಲಿದ್ದಾರೆ. ಆ ಚಿತ್ರದ ಶೂಟಿಂಗ್ ಸಲುವಾಗಿ ಗೋವಾಕ್ಕೆ ಪ್ರಯಾಣ ಬೆಳೆಸಲಿದ್ದಾರೆ. ಹಾಗಾಗಿ ಆ ಚಿತ್ರದ ಶೂಟಿಂಗ್ಗೂ ಮುನ್ನ ಈ ಎಲ್ಲ ಜಾಹೀರಾತು ಕೆಲಸಗಳನ್ನು ದೀಪಿಕಾ ಮುಗಿಸಿಕೊಳ್ಳಲಿದ್ದಾರೆ. ಇಲ್ಲಿಯವರೆಗೂ ದೀಪಿಕಾ ಅವರ ಹಳೆಯ ಜಾಹೀರಾತುಗಳನ್ನು ನೋಡಿ, ಹೊಸ ಜಾಹೀರಾತುಗಳಿಗಾಗಿ ಹಾತೊರೆ ಯುತ್ತಿದ್ದವರಿಗೆ ಸದ್ಯದಲ್ಲೇ ದೀಪಿಕಾ ಬ್ಯಾಕ್ ಟು ಬ್ಯಾಕ್ ಎಂಟ್ರಿ ಕೊಡಲಿದ್ದಾರೆ. -ಏಜೆನ್ಸೀಸ್