Wednesday, 12th December 2018  

Vijayavani

ಮಧ್ಯಪ್ರದೇಶದಲ್ಲಿ ಸರ್ಕಾರ ರಚನೆ ಕಸರತ್ತು -ಕೈಗೆ ಬೆಂಬಲ ಘೋಷಿಸಿದ ಮಾಯಾವತಿ -ಶಾಸಕಾಂಗ ಪಕ್ಷದ ಸಭೆ ಕರೆದ ಕಾಂಗ್ರೆಸ್        ಪಾನ್ ಬ್ರೋಕರ್ ಡೀಲ್ ಪ್ರಕರಣದ ತನಿಖೆ ಚುರುಕು -ಸಹಕಾರ ಇಲಾಖೆಯಿಂದ ನೋಟಿಸ್ -ಇದು ದಿಗ್ವಿಜಯ ನ್ಯೂಸ್ ವರದಿ ಫಲಶ್ರುತಿ        ಋಣ ಸಂದಾಯಕ್ಕೆ ಮುಂದಾದ ರಾಮಲಿಂಗಾರೆಡ್ಡಿ -ಬಿಜೆಪಿ ಕಾರ್ಪೋರೇಟರ್ ಗೆ ಸ್ಥಾಯಿ ಸಮಿತಿ ಅಧ್ಯಕ್ಷ ಪಟ್ಟ -ಪುತ್ರಿ ಗೆಲುವಿಗೆ ಸಹಕರಿಸಿದ್ದಕ್ಕೆ ಗಿಫ್ಟ್        ಸರ್ಕಾರದ ವಿರುದ್ಧ ಇಂದು ಬರಾಸ್ತ್ರ -ಸಿಎಂಗೆ ಬಿಸಿ ಮುಟ್ಟಿಸಲು ಬಿಎಸ್‌ವೈ ರಣತಂತ್ರ -ಅತ್ತ ಭದ್ರತೆಗೆ ಬಂದ ಎಸ್ಪಿಗೆ ಕೈಕೊಟ್ಟ ಕಾರು        ಕಿಡ್ನಾಪರ್ಸ್ ಹಿಡಿಯಲು ಪ್ರೇಮಿಗಳ ವೇಷ -ಆಂಧ್ರಕ್ಕೆ ಆಗಿ ಹೋದ ಪೊಲೀಸರು -ಶಿವಾಜಿನಗರ ಠಾಣೆ ಪೊಲೀಸರಿಂದ ಕಿರಾತಕರಿಗೆ ಕೋಳ        ಮುಂಬೈನಲ್ಲಿಂದು ಅಂಬಾನಿ ಮಗಳ ಅದ್ಧೂರಿ ವಿವಾಹ -ಹಿಲರಿ ಕ್ಲಿಂಟನ್ ಸೇರಿ ಗಣ್ಯಾತಿಗಣ್ಯರು ಭಾಗಿ - ಸ್ಯಾಂಡಲ್‌ವುಡ್‌ನಲ್ಲಿ ದಿಗಂತ್, ಐಂದ್ರಿತಾ ಮದುವೆ ಸಂಭ್ರಮ       
Breaking News

ಭದ್ರತಾ ನಿಯಮಗಳನ್ನು ಕಡೆಗಣಿಸಿ ಸೀ ಪ್ಲೇನ್ ಏರಿ ಅಂಬಾಜಿ ದರ್ಶನ ಪಡೆದ ಮೋದಿ

Tuesday, 12.12.2017, 6:33 PM       No Comments

<< ಗುಜರಾತ್​ ಚುನಾವಣಾ ಪ್ರಚಾರದ ಕೊನೆಯ ದಿನ ಪ್ರಧಾನಿಯಿಂದ ಅಚ್ಚರಿಯ ನಡೆ >>

ಅಹಮದಾಬಾದ್​: ಗುಜರಾತ್​​ ವಿಧಾನಸಭೆ ಚುನಾವಣೆಯ 2ನೇ ಹಂತದ ಬಹಿರಂಗ ಚುನಾವಣಾ ಪ್ರಚಾರಕ್ಕೆ ಮಂಗಳವಾರ ತೆರೆ ಬಿದ್ದಿದೆ. ಇದೇ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ಸೀಪ್ಲೇನ್ ಬಳಸಿ ಹಾರಾಡಿದ್ದು, ಭದ್ರತಾ ಲೋಪದ ಚರ್ಚೆಗೆ ಕಾರಣವಾಗಿದೆ.

ಅಹಮದಾಬಾದ್​ನಲ್ಲಿ ಪ್ರಧಾನಿ ಮೋದಿ ಮತ್ತು ರಾಹುಲ್​​ ಗಾಂಧಿ ರೋಡ್​ಶೋಗೆ ಅನುಮತಿ ದೊರೆತಿರಲಿಲ್ಲ. ಆದಾಗ್ಯೂ ಅಹಮದಾಬಾದ್​ನ ಸಾಬರಮತಿ ನದಿಯಿಂದ 180 ಕಿ.ಮೀ. ದೂರದಲ್ಲಿರುವ ಮೆಹಸಾನಾ ಜಿಲ್ಲೆಯ ಧರೋಯಿ ಡ್ಯಾಮ್ಗೆ ಸೀಪ್ಲೇನ್ ಮೂಲಕ ಪ್ರಧಾನಿ ತೆರಳಿದರು. ಚುನಾವಣೆ ಹಿನ್ನೆಲೆಯಲ್ಲಿ ಅಂಬಾಜಿ ದೇವಾಲಯಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿ ಅಲ್ಲಿಂದ ಪುನಃ ಸೀಪ್ಲೇನ್ ಏರಿ ಸಾಬರಮತಿ ಕಡೆ ತೆರಳಿದರು.

ಭದ್ರತಾ ನಿಯಮದ ಅನ್ವಯ ಪ್ರಧಾನಿಯಾದವರು ಡಬಲ್​ ಅಥವಾ ಬಹು ಇಂಜಿನ್​ ವಿಮಾನವನ್ನು ಬಳಸಬೇಕು. ಆದರೆ, ಅವರು ಸಿಂಗಲ್​ ಇಂಜಿನ್​ ವಿಮಾನ ಬಳಸಿರುವುದು ಭದ್ರತಾ ಲೋಪಕ್ಕೆ ಕಾರಣವಾಗಿದೆ.

ಸೀಪ್ಲೇನ್ ಪೈಲಟ್​ ಜಾನ್​ ಗುಲೆಟ್​ ಮಾತನಾಡಿ, ಇದೊಂದು ಸಂತೋಷದಾಯಕ ಅನುಭವ ಹಾಗೂ ಪ್ರಧಾನಿ ಮೋದಿ ಅವರು ಒಳ್ಳೆಯ ಪ್ರಯಾಣಿಕ ಕೂಡ ಎಂದರು. ಕಡಲ ವಿಮಾನ ಈಗಾಗಲೇ ಹಲವು ದೇಶಗಳಲ್ಲಿ ಸಾಮಾನ್ಯವಾಗಿದೆ. ಭಾರತವು ನದಿ, ಸಮುದ್ರ ಹಾಗೂ ಕರಾವಳಿ ತೀರಗಳನ್ನು ಹೊಂದಿರುವುದರಿಂದ ಇದು ಜನಪ್ರಿಯವಾಗಲಿದೆ ಎಂದು ಹೇಳಿದರು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top