Monday, 10th December 2018  

Vijayavani

ಆರ್​ಬಿಐ ಗವರ್ನರ್​ ಸ್ಥಾನಕ್ಕೆ ಊರ್ಜಿತ್​ ಪಟೇಲ್​ ರಾಜೀನಾಮೆ- ವಿಜಯ ಮಲ್ಯ ಗಡಿಪಾರಿಗೆ ಯುಕೆ ನ್ಯಾಯಾಲಯ ಆದೇಶ        ಬೆಳಗಾವಿಯಲ್ಲಿ ಚಳಿಗಾಲದ ಅಧಿವೇಶನ -ಮೊದಲ ದಿನ ಕಲಾಪದಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ -ಮೈತ್ರಿ ಸರ್ಕಾರ ವಿರುದ್ಧ ಬಿಜೆಪಿ ಗುಡುಗು        ಸರ್ಕಾರದ ವಿರುದ್ದ ರೈತರ ಹೋರಾಟ -ದೀಡ್ ದಂಡ ನಮಸ್ಕಾರ, ಬಾರುಕೋಲು ಚಳುವಳಿ -ಪೀಪಿ ಊದಿ ನಾಯಕರನ್ನು ಎಚ್ಚರಿಸಿದ ರೈತರು        ಚಿಕ್ಕಬಳ್ಳಾಪುರದಲ್ಲಿ ಒತ್ತುವರಿ ಅರಣ್ಯ ಭೂಮಿ ತೆರವು -ಜೆಸಿಬಿ ಮುಂದೆ ಬಿದ್ದು ಗೋಳಾಡಿದ ರೈತರು -ಬಿಗಿ ಪೊಲೀಸ್ ಭದ್ರತೆಯಲ್ಲಿ ಕಾರ್ಯಾಚರಣೆ        940 ದಿನಗಳ ನಿರಂತರ ವಿದ್ಯುತ್ ಉತ್ಪಾದನೆ -ಕೈಗಾ ಅಣುಸ್ಥಾವರದಿಂದ ವಿಶ್ವ ದಾಖಲೆ -ಸ್ಥಳೀಯರ ವಿರೋಧದ ನಡುವೆಯೂ ಸಾಧನೆ        ಸಿದ್ಧಗಂಗಾ ಶ್ರೀಗಳ ಆರೋಗ್ಯದಲ್ಲಿ ಚೇತರಿಕೆ -ನಾಳೆ ವಾರ್ಡ್ ಗೆ ಶಿಫ್ಟ್ ಸಾಧ್ಯತೆ -ಅಲ್ಪಸಂಖ್ಯಾತ ವೈದ್ಯರ ಚಿಕಿತ್ಸೆ ಅಂತ ಪ್ರಸ್ತಾಪಿಸಿದ್ದ ಡಿಕೆಶಿ ಕ್ಷಮೆ        ಮಂಡ್ಯದ ನವದಂಪತಿಗೆ ವಿಶೇಷ ಗಿಫ್ಟ್ -ದೇಸೀ ಹಸು ಉಡುಗೊರೆ ನೀಡಿದ ಗೆಳೆಯರು -ಕಾಮಧೇನು ನೋಡಿ ಮದುಮಕ್ಕಳ ಸಂತಸ       
Breaking News

ಒಂದೇ ದಿನದಲ್ಲಿ 2.85 ಲಕ್ಷ ಟ್ವಿಟರ್​ ಫಾಲೋಯರ್​ಗಳನ್ನು ಕಳೆದುಕೊಂಡ ಮೋದಿ

Friday, 13.07.2018, 8:13 PM       No Comments

ನವದೆಹಲಿ: ಸಾಮಾಜಿಕ ಜಾಲ ತಾಣ ಟ್ವಿಟರ್​ ನಕಲಿ ಖಾತೆಗಳನ್ನು ತೊಡೆದು ಹಾಕುವ ಪ್ರಕ್ರಿಯೆಗೆ ಚಾಲನೆ ನೀಡಿದ್ದು, ದೇಶದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಒಂದೇ ದಿನದಲ್ಲಿ 3 ಲಕ್ಷ ಫಾಲೋಯರ್​ಗಳನ್ನು ಕಳೆದುಕೊಂಡಿದ್ದಾರೆ. ಇದೇ ವೇಳೆ ಎಐಸಿಸಿ ಅಧ್ಯಕ್ಷ ರಾಹುಲ್​ ಗಾಂಧಿ ಅವರು 17 ಸಾವಿರ ಫಾಲೋಯರ್​ಗಳನ್ನು ಕಳೆದುಕೊಂಡಿದ್ದಾರೆ.

ಟ್ವಿಟರ್​ ಆರಂಭಿಸಿರುವ ನಕಲಿ ಖಾತೆ ಯಜ್ಱಕ್ಕೂ ಮೊದಲು ನರೇಂದ್ರ ಮೋದಿ ಅವರು 43.4 ಮಿಲಿಯನ್​ ಫಾಲೋಯರ್​ಗಳನ್ನು ಹೊಂದಿದ್ದರು. ಆದರೀಗ 43.1 ಫಾಲೋಯರ್​ಗಳನ್ನು ಹೊಂದಿದ್ದಾರೆ.

ವಿಶ್ವದ ಪ್ರಮುಖರ, ಪ್ರಮುಖ ಸಂಘ ಸಂಸ್ಥೆಗಳ ಟ್ವಿಟರ್​ ಅಕೌಂಟ್​ಗಳ ಮೇಲೆ 24 ಗಂಟೆಗಳ ನಿಗಾ ವಹಿಸುವ SocialBlade.com ಎಂಬ ವೆಬ್​​ಸೈಟ್​ ಈ ಮಾಹಿತಿಯನ್ನು ಬಹಿರಂಗಗೊಳಿಸಿದೆ. ಅದರಂತೆ ಮೋದಿ ಅವರ @narendramodi ಟ್ವಿಟರ್​ ಖಾತೆಯು 2,84,746 ಫಾಲೋಯರ್​ಗಳನ್ನು ಕಳೆದುಕೊಂಡಿದೆ. ಇದೇ ವೇಳೆ ಪ್ರಧಾನಮಂತ್ರಿ ಕಚೇರಿ ಖಾತೆ @PMOIndia ಕೂಡ 140,635 ಫಾಲೋಯರ್​ಗಳನ್ನು ಕಳೆದುಕೊಂಡಿದೆ.

ಇನ್ನು ರಾಹುಲ್​ ಗಾಂಧಿ ಅವರ @RahulGandhi ಅವರ ಖಾತೆ 17,503 ಫಾಲೋಯರ್​ಗಳನ್ನು ಕಳೆದುಕೊಂಡಿದ್ದಾರೆ. ಕುತೂಹಲಕಾರಿ ಅಂಶವೆಂದರೆ ಅವರದೇ ಪಕ್ಷದ ಮುಖಂಡ ಶಶಿ ತರೂರ್​ ಅವರು ಒಂದೂವರೆ ಲಕ್ಷ ಫಾಲೋಯರ್​ಗಳನ್ನು ಕಳೆದುಕೊಂಡಿದ್ದಾರೆ.

ನಕಲಿ ಖಾತೆಗಳು, ನಿರ್ಬಂಧಿತ ಖಾತೆಗಳನ್ನು ತನ್ನ ವೇದಿಕೆಯಿಂದ ನಿರ್ಮೂಲನೆ ಮಾಡುವುದಾಗಿ ಟ್ವಟಿರ್​ ಇತ್ತೀಚೆಗಷ್ಟೇ ಘೋಷಿಸಿತ್ತು. ಅದರಂತೆ ಶುಚಿ ಕಾರ್ಯಕ್ಕೆ ಟ್ವಿಟರ್​ ಚಾಲನೆ ನೀಡಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಫಾಲೋಯರ್​ಗಳನ್ನು ಹೊಂದಿರುವವರ ಅಕೌಂಟ್​ಗಳಲ್ಲಿ ಭಾರಿ ಪ್ರಮಾಣದಲ್ಲಿ ಫಾಲೋಯರ್​ಗಳು ಕ್ಷಿಣಿಸುತ್ತಿದ್ದಾರೆ.

ಇನ್ನು ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಟ್ವಿಟರ್​ನ ಕಾನೂನು, ನೀತಿ ನಿರೂಪಣಾ ವಿಭಾಗದ ಮುಖ್ಯಸ್ಥ ವಿಜಯ್​ ಗದ್ದೆ, ” ಫಾಲೋಯರ್​ಗಳ ಸಂಖ್ಯೆ ಭಾರಿ ಪ್ರಮಾಣದಲ್ಲಿ ಕುಸಿಯುತ್ತಿರುವುದರಿಂದ ಹಲವರಿಗೆ ಬೇಸರವಾಗಿರಬಹುದು. ಆದರೆ, ನಾವು ವಿಶ್ವಾಸಾರ್ಹತೆ, ಪಾರದರ್ಶಕತೆ ಮೂಲಕ ಟ್ವಿಟರ್​ಅನ್ನು ವಿಶ್ವಸನೀಯ ಮಾಧ್ಯಮವನ್ನಾಗಿಸಬೇಕಿದೆ,” ಎಂದಿದ್ದಾರೆ.

ಇನ್ನೂ ಯಾರ್ಯಾರು ಎಷ್ಟೆಷ್ಟು ಕಳೆದುಕೊಂಡರು?

  1. ಸುಷ್ಮಾ ಸ್ವರಾಜ್​ -74,132
  2. ಅಮಿತ್​ ಷಾ – 33,363
  3. ಅರವಿಂದ ಕೇಜ್ರಿವಾಲ್ ​- 91,555
  4. ಡೊನಾಲ್ಡ್​ ಟ್ರಂಪ್​ – 100,000
  5. ಬರಾಕ್​ ಒಬಾಮ- 400,000

Leave a Reply

Your email address will not be published. Required fields are marked *

Back To Top