PHOTOS| ಇಂದು ಭಾರತೀಯ ವಾಯುಸೇನೆ ಧ್ವಂಸಗೊಳಿಸಿದ ಉಗ್ರರ ಅಡಗುದಾಣ ಹೇಗಿತ್ತು? ಒಳಗೇನಿತ್ತು?

ನವದೆಹಲಿ: ಜೈಷ್​ ಎ ಉಗ್ರ ಸಂಘಟನೆಯ ಉಗ್ರಗಾಮಿಗಳು ಆಶ್ರಯ ಪಡೆದುಕೊಂಡಿದ್ದ ಪಾಕಿಸ್ತಾನದ ಬಾಳಕೋಟ್​ನ ಅಡಗುದಾಣವನ್ನು ಇಂದು ಭಾರತೀಯ ಸೇನೆ ಧ್ವಂಸಗೊಳಿಸಿದೆ.

ಬಾಳಾಕೋಟ್​ನ ದಟ್ಟ ಕಾನನದಲ್ಲಿ ಅವಿತು ಕುಳಿತಿದ್ದ ಜೈಷ್​ ಎ ಮೊಹಮದ್​ ಸಂಘಟನೆಯ ತೀವ್ರ ಗಾಮಿಗಳು ಅಲ್ಲಿ 6 ಎಕರೆ ಪ್ರದೇಶದಲ್ಲಿ ವ್ಯವಸ್ಥಿತವಾದ ಆಶ್ರಯವನ್ನೇ ಸಿದ್ಧಪಡಿಸಿಕೊಂಡಿದ್ದರು. ಸರಿಸುಮಾರು 600 ಮಂದಿ ಒಂದೆಡೆ ಸೇರಬಹುದಾದ ದೊಡ್ಡ ಸಭಾಂಗಣವನ್ನೂ ನಿರ್ಮಿಸಿಕೊಂಡಿದ್ದರು.

ಅಲ್ಲಿನ ಚಿತ್ರಗಳನ್ನು ಭಾರತ ಸರ್ಕಾರದ ಮೂಲಗಳು ಇಂದು ಕೆಲ ಮಾಧ್ಯಮಗಳಿಗೆ ಬಿಡುಗಡೆ ಮಾಡಿದೆ. ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಿಂದ 80 ಕಿ.ಮೀ ದೂರದಲ್ಲಿದ್ದ ಅಡಗುದಾಣದಲ್ಲಿ ಪ್ರತಿ ದಾಳಿ ನಡೆಸಲು ಅಗತ್ಯವಿರುವ ಆಯುಧಗಳು, ಈಜುಕೊಳ, ಶಸ್ತ್ರಾಸ್ತ್ರ ಸಂಗ್ರಹಾಗಾರ, ಜಿಮ್​ ಕೂಡ ಇತ್ತು ಎನ್ನಲಾಗಿದೆ. ಅಡಗುದಾಣದಲ್ಲಿರುವ ಮೆಟ್ಟಿಲುಗಳ ಮೇಲೆ ಪಾಕಿಸ್ತಾನ, ಇಂಗ್ಲೆಂಡ್​ನ ಧ್ವಜವನ್ನು ಚಿತ್ರಿಸಿ ಅಪಮಾನಿಸಲಾಗಿದೆ. ಎಸ್​ಯುವಿ ಕಾರುಗಳೂ ಅಲ್ಲಿದ್ದವು ಎಂದು ಹೇಳಲಾಗಿದೆ.