More

    ಉಕ್ರೇನಿಯನ್​ ವಿಮಾನಕ್ಕೆ ಕ್ಷಿಪಣಿ ಅಪ್ಪಳಿಸಿದ ವಿಡಿಯೋ ಪೋಸ್ಟ್​ ಮಾಡಿದ ವ್ಯಕ್ತಿಯನ್ನು ವಶಕ್ಕೆ ಪಡೆದ ಇರಾನ್​ ಸೇನೆ!

    ದುಬೈ: ಉಕ್ರೇನಿಯನ್​ ವಿಮಾನಕ್ಕೆ ಕ್ಷಿಪಣಿ ಅಪ್ಪಳಿಸಿದ ವಿಡಿಯೋವನ್ನು ಸಾಮಾಜಿಕ ಜಾಲತಾಣಕ್ಕೆ ಹರಿಬಿಟ್ಟ ವ್ಯಕ್ತಿಯೊಬ್ಬನನ್ನು ಇರಾನ್​ ಸೇನಾ ಪಡೆಯ ಎಲೈಟ್​ ರೆವಲ್ಯೂಷನರಿ ಗಾರ್ಡ್ಸ್ ವಶಕ್ಕೆ ಪಡೆದಿರುವುದಾಗಿ ಮಾಧ್ಯಮಗಳು ಮಂಗಳವಾರ ವರದಿ ಮಾಡಿವೆ.

    ತನಿಖೆಯ ಫಲಿತಾಂಶವನ್ನು ಮುಂದಿನ ದಿನಗಳಲ್ಲಿ ಸಾರ್ವಜನಿಕರ ಮುಂದೆ ಪ್ರಸ್ತುತ ಪಡಿಸುವುದಾಗಿ ತಿಳಿಸಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡಲು ಎಲೈಟ್​ ರೆವಲ್ಯೂಷನರಿ ಗಾರ್ಡ್ಸ್ ನಿರಾಕರಿಸಿದೆ.

    ವಿಮಾನ ದುರಂತದ ಹೊಣೆಯನ್ನು ಎಲೈಟ್​ ರೆವಲ್ಯೂಷನರಿ ಗಾರ್ಡ್ಸ್ ಹೊತ್ತುಕೊಂಡಿದೆ. ಅಮೆರಿಕ ಸೇನಾ ವಿಮಾನ ಎಂದು ತಪ್ಪಾಗಿ ಗ್ರಹಿಸಿ ಸಿಬ್ಬಂದಿ ಸೇರಿ 176 ಮಂದಿ ಪ್ರಯಾಣಿಕರಿದ್ದ ಉಕ್ರೇನ್​ ಪ್ರಯಾಣಿಕರನ್ನು ಹೊಡೆದುರುಳಿಸಿದೆ. ಈ ಬಗ್ಗೆ ಇರಾನ್​ ಕ್ಷಮೆಯನ್ನು ಯಾಚಿಸಿ, ಇದಕ್ಕೆ ಕಾರಣ ಅಮೆರಿಕ ಸೃಷ್ಟಿಸಿದ ಬಿಕ್ಕಟ್ಟು ಎಂದು ಆರೋಪ ಮಾಡಿದೆ.

    ಘಟನೆ ಹಿನ್ನೆಲೆ
    ಬೋಯಿಂಗ್ 737 ಸರಣಿಯ ಉಕ್ರೇನಿಯನ್​ ವಿಮಾನ ಕಳೆದ ಬುಧವಾರ ಬೆಳಗ್ಗೆ ಇರಾನ್​ನ ತೆಹ್ರಾನ್​ ಇಮಾಮ್​ ಖೊಮೆನಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಬಿಟ್ಟು ಉಕ್ರೇನ್​ನ ಕೈವ್‌ ಬೋರಿಸ್‌ಪಿಲ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೊರಟಿತ್ತು. ಆದರೆ ಟೇಕಾಫ್​ ಆದ ಕೆಲವೇ ಕ್ಷಣಗಳಲ್ಲಿ ಏರ್​ಪೋರ್ಟ್​ ಬಳಿ ಪತನಗೊಂಡಿತ್ತು. ಪರಿಣಾಮ ವಿಮಾನದಲ್ಲಿದ್ದ 176 ಮಂದಿ ದಾರುಣಾವಾಗಿ ಸಾವಿಗೀಡಾಗಿದ್ದರು. (ಏಜೆನ್ಸೀಸ್​)

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts