ದುಬೈ: ( From struggles to luxury ) ದುಬೈನಲ್ಲಿ ಇರುವ ಭಾರತದ ಮೂಲದ ಉದ್ಯಮಿಯೊಬ್ಬರು ತಮ್ಮ ಕಷ್ಟದ ದಿನಗಳನ್ನು ದಾಟಿ ಬಂದು ಇದೀಗ ಯಶಸ್ವಿಯಾಗಿ ಜೀವನ ನಡೆಸುತ್ತಿದ್ದಾರೆ. ಇತ್ತೀಚೆಗೆ ಅವರು ದುಬಾರಿ ಮೌಲ್ಯದ ಕಾರು ಖರೀದಿ ಮಾಡಿ, ತಮ್ಮ ಹಿಂದಿನ ಜೀವನವನ್ನು ನೆನೆಪು ಮಾಡಿಕೊಂಡು ಟ್ವೀಟ್ ಮಾಡಿದ್ದಾರೆ. ಈ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಒಡಿಶಾದ ರೂರ್ಕೆಲಾದ ಉದ್ಯಮಿ ಸೌಮೇಂದ್ರ ಜೆನಾ ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಅದ್ಭುತ ಯಶಸ್ಸಿನ ಕಥೆಯನ್ನು ಹಂಚಿಕೊಂಡರು, ವಿನಮ್ರ ಆರಂಭದಿಂದ ಅಸಾಧಾರಣ ಯಶಸ್ಸಿನವರೆಗಿನ ತಮ್ಮ ಪ್ರಯಾಣದಿಂದ ಅಸಂಖ್ಯಾತ ಜನರಿಗೆ ಸ್ಫೂರ್ತಿ ನೀಡಿದರು.
ದುಬೈನಲ್ಲಿ ನೆಲಸಿರುವ ಭಾರತೀಯ ಉದ್ಯಮಿ ಸೌಮೇಂದ್ರ ಜೆನಾ ತಮ್ಮ ಹೊಸ ಫೆರಾರಿ 296 GTS ಅನ್ನು ಖರೀದಿಸಿದರು. ದುಬೈನಲ್ಲಿ ಈ ಕಾರಿನ ಬೆಲೆ 3.2 ಕೋಟಿ ರೂ.ಗಳಾಗಿದ್ದರೆ, ಭಾರತದಲ್ಲಿ ಬೆಲೆ 6.2 ಕೋಟಿ ರೂ.ಗಳಿಂದ ಪ್ರಾರಂಭವಾಗುತ್ತದೆ. ದುಬೈನಲ್ಲಿ ಅನೇಕ ಜನರ ಬಳಿ ಇಂತಹ ದುಬಾರಿ ಫೆರಾರಿ ಕಾರುಗಳಿವೆ. ಆದರೆ ಇದರಲ್ಲೇನು ವಿಶೇಷ ಅಂತ ನಿಮಗೆ ಆಶ್ಚರ್ಯ ಆಗ್ತಿದೆಯಾ? ನಾವು ಇಂದು ಈ ಕುರಿತಾಗಿ ನಿಮಗೆ ತಿಳಿಸಿ ಕೊಡಲಿದ್ದೇವೆ.
ಸೌಮೇಂದ್ರ ಜೇನಾ ಒಡಿಶಾದ ರೂರ್ಕೆಲಾದಲ್ಲಿ ಜನಿಸಿದರು. ಅವರ ಬಾಲ್ಯವು ತವರ ಮತ್ತು ಟಾರ್ಪಾಲಿನ್ ಛಾವಣಿಯಿದ್ದ ಒಂದು ಕೋಣೆಯ ಸಣ್ಣ ಮನೆಯಲ್ಲಿ ಕಳೆದಿತು. ಸೌಮ್ಯೇಂದ್ರ ಗುಡಿಸಲಿನಲ್ಲಿ ವಾಸಿಸುತ್ತಿದ್ದರು ಮತ್ತು ಅವರ ಬಾಲ್ಯವು ಕಷ್ಟದಲ್ಲಿ ಕಳೆದಿದ್ದರು. 1988 ರಿಂದ 2006 ರವರೆಗೆ ಒಡಿಶಾದಲ್ಲಿ ತಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿದರು. ಇದಾದ ನಂತರ, ಅವರು ನೆಟ್‌ವರ್ಕಿಂಗ್ ಮತ್ತು ಇಂಟರ್ನೆಟ್ ಪರಿಹಾರಗಳಲ್ಲಿ ಪರಿಣತಿ ಹೊಂದಿರುವ ತಮ್ಮದೇ ಆದ ಕಂಪನಿಯಾದ ಜೆಟ್‌ಸ್ಪಾಟ್ ನೆಟ್‌ವರ್ಕ್ಸ್ ಅನ್ನು ಪ್ರಾರಂಭಿಸಿದರು. ಕೋವಿಡ್ ನಂತರ, ಅವರು ದುಬೈಗೆ ಸ್ಥಳಾಂತರಗೊಂಡು ಪ್ರಸ್ತುತ ಅಲ್ಲಿ ವಾಸಿಸುತ್ತಿದ್ದಾರೆ.
This was my home back then—a small town in Odisha, Rourkela, where I was born, grew up, and studied till class 12 (1988-2006). Revisited in 2021 for the memories!
Today, my home in Dubai tells the story of 17 years of relentless hard work, sleepless nights, and no shortcuts.… pic.twitter.com/nw5tCdtwKE— Soumendra Jena (@soamjena) January 24, 2025
ಜೇನಾ ಅವರಿಗೆ ಐಷಾರಾಮಿ ಮತ್ತು ಸ್ಪೋರ್ಟ್ಸ್ ಕಾರುಗಳೆಂದರೆ ತುಂಬಾ ಇಷ್ಟ. ಫೆರಾರಿಯ ಜೊತೆಗೆ, ಅವರು ಪೋರ್ಷೆ, ಜಿ-ವ್ಯಾಗನ್ ಮತ್ತು ಹಲವಾರು ಇತರ ವಾಹನಗಳನ್ನು ಸಹ ಹೊಂದಿದ್ದಾರೆ. ಅವರ ಕಾರುಗಳ ಪಟ್ಟಿಯಲ್ಲಿ ಮೊದಲ ಕಾರು 2008 ರ ಟಾಟಾ ಇಂಡಿಕಾ, ಎರಡನೆಯದು ಮರ್ಸಿಡಿಸ್-ಬೆನ್ಜ್ G350d. ದುಬೈಗೆ ತೆರಳಿದ ನಂತರ, ಅವರು ಪೋರ್ಷೆ ಟೇಕನ್ ಟರ್ಬೊ ಎಸ್ ಮತ್ತು ಮರ್ಸಿಡಿಸ್-ಬೆನ್ಜ್ G63 AMG ಖರೀದಿಸಿದರು.
ಸೌಮ್ಯೇಂದ್ರ ಜೆನಾ ತಮ್ಮ ಹೊಸ ಫೆರಾರಿ ವಿತರಣೆಯ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ ಅವರು ತಮ್ಮ ಪತ್ನಿ ಮತ್ತು ಮಗನೊಂದಿಗೆ ಟ್ಯಾಕ್ಸಿಯಲ್ಲಿ ಫೆರಾರಿ ಡೀಲರ್‌ಶಿಪ್‌ಗೆ ಆಗಮಿಸುತ್ತಿರುವುದನ್ನು ತೋರಿಸಲಾಗಿದೆ. ಅವರ ಕುಟುಂಬ ಕೂಡ ಅವರೊಂದಿಗೆ ಇತ್ತು. ಇದಾದ ನಂತರ, ಅವರು ಫೆರಾರಿ 296 GTS ಕಾರನ್ನು ತೆಗೆದುಕೊಂಡರು.
View this post on Instagram
ಸೌಮ್ಯೇಂದ್ರ ಗುಡಿಸಲಿನಲ್ಲಿ ವಾಸಿಸುತ್ತಿದ್ದರು ಮತ್ತು ಅವರ ಬಾಲ್ಯವು ಕಷ್ಟದಲ್ಲಿ ಕಳೆದಿತ್ತು. ಆದರೆ ಇದೀಗ ಅವರು ತಮ್ಮ ಉದ್ಯಮದಲ್ಲಿ ಯಶಸ್ಸನ್ನು ಕಂಡು ಉತ್ತಮ ಜೀವನ ನಡೆಸುತ್ತಿದ್ದಾರೆ ಎಂದು ನೀವು ತಿಳಿದುಕೊಂಡಾಗ, ಅವರ ಯಶಸ್ಸು ಇನ್ನಷ್ಟು ಸ್ಪೂರ್ತಿದಾಯಕವಾಗಿ ತೋರುತ್ತದೆ.