ಹೊಸದಿಲ್ಲಿ: ಮಧ್ಯಮ ವರ್ಗದ ಗ್ರಾಹಕರಿಗೆ ಅನಕೂಲವಾಗಲೆಂದು ನೋಕಿಯಾ ಸ್ಮಾರ್ಟ್ಫೋನ್ಗಳ ತಯಾರಕ ಕಂಪನಿಯಾದ ಎಚ್ಎಂಡಿ ಗ್ಲೋಬಲ್ ಮಂಗಳವಾರ ತನ್ನ ಹೊಸ ಸಿ-ಸರಣಿಯ ಹೊಸ ನೋಕಿಯಾ C32 ಫೋನ್ನ್ನು ಬಿಡುಗಡೆ ಮಾಡಿದೆ.
ಹೊಸ ನೋಕಿಯಾ C32 ಫೋನ್ 4GB RAM+64GB ಹಾಗೂ 4GB RAM+128GBಯ ಎರಡು ಆವೃತ್ತಿಯಲ್ಲಿ ಲಭ್ಯವಿದೆ. ಈ ಫೋನ್ನ ಬೆಲೆಯು ಕ್ರಮವಾಗಿ ರೂ 8,999 ಮತ್ತು 9,499 ಆಗಿದೆ.
ಇದನ್ನೂ ಓದಿ: ಬೋರ್ವೆಲ್ ಕೊರೆಸಿ ನೀರಿನ ದಾಹ ತೀರಿಸಿದ ಆಂಧ್ರಪ್ರದೇಶದ ರೈತ
ಹೊಸ ನೋಕಿಯಾ ಸ್ಮಾರ್ಟ್ಫೋನ್ 6.5 ಇಂಚಿನ HD+ ಡಿಸ್ಪ್ಲೇ ಹೊಂದಿದೆ. ಇದು 50MP AI ಡ್ಯುಯಲ್ ಫ್ರಂಟ್ ಕ್ಯಾಮೆರಾ ಮತ್ತು 8MP ಸೆಲ್ಪಿ ಕ್ಯಾಮರಾವನ್ನು ಹೊಂದಿದೆ. Nokia C32 ಸ್ಮಾರ್ಟ್ಫೋನ್ ಆಕ್ಷಾ-ಕೋರ್ ಪ್ರೊಸೆಸರ್ನಿಂದ ಬೆಂಬಲಿತವಾಗಿದ್ದು, 5000mAh ಬ್ಯಾಟರಿಯನ್ನು ಹೊಂದಿದೆ. ಇದರ ಇನ್ನೊಂದು ವಿಶೇಷವೆಂದರೆ 3GB RAM ವಿಸ್ತರಿಸಬಹುದಾದ ಮೆಮೋರಿಯನ್ನು ಹೊಂದಿದೆ.
ಮೂರು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುವ ಈ ಫೋನ್ಗಳು ಕಪ್ಪು, ತಿಳಿ ಗುಲಾಬಿ, ಹಾಗೂ ಹಸಿರು ಬಣ್ಣಗಳಲ್ಲಿ ಲಭ್ಯವಿದೆ. ಇದು ಆಂಡ್ರಾಯ್ಡ್ 13 ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ನಲ್ಲಿ ಕಾರ್ಯ ನಿರ್ವಹಿಸುತ್ತದೆ. ನೋಕಿಯಾ C32 ಒಂದು ವರ್ಷ ರಿಪ್ಲೇಸ್ಮೆಂಟ್ ಹೊಂದಿದ್ದು, ಖರೀದಿಸಿದ ದಿನದಿಂದ ಒಂದು ವರ್ಷದವರೆಗೆ ಹಾರ್ಡ್ವೇರ್ ಅಥವಾ ಫೋನ್ನಲ್ಲಿ ಉತ್ಪಾದನಾ ದೋಷವಿದ್ದರೆ, ಫೋನ್ನ್ನು ಬದಲಾಯಿಸಲಾಗುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.(ಏಜೆನ್ಸೀಸ್)