Wednesday, 12th December 2018  

Vijayavani

Breaking News

ನಿದಹಾಸ್​ ಟ್ರೋಫಿ ಫೈನಲ್​: ಬಾಂಗ್ಲಾ ವಿರುದ್ಧ ಭಾರತಕ್ಕೆ ರೋಚಕ ಜಯ

Sunday, 18.03.2018, 10:44 PM       No Comments

ಕೊಲಂಬೊ: ಆರ್. ಪ್ರೇಮದಾಸ ಮೈದಾನದಲ್ಲಿ ನಡೆದ ನಿದಹಾಸ್ ಟಿ20 ತ್ರಿಕೋನ ಸರಣಿಯ ಫೈನಲ್​ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡವನ್ನು ಭಾರತ 4 ವಿಕೆಟ್​ಗಳಿಂದ ಸೋಲಿಸಿ ಟ್ರೋಫಿಯನ್ನು ಎತ್ತಿ ಹಿಡಿದಿದೆ.

ಬಾಂಗ್ಲಾದೇಶ ನೀಡಿದ್ದ 167 ರನ್​ ಗುರಿಯನ್ನು ಬೆನ್ನತ್ತಿದ ಭಾರತ ತಂಡ 20 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 168 ರನ್​ ಗಳಿಸಿ ಭರ್ಜರಿ ಜಯ ದಾಖಲಿಸಿತು. ಭಾರತದ ಪರ ರೋಹಿತ್​ ಶರ್ಮಾ (56) ಆಕರ್ಷಕ ಅರ್ಧ ಶತಕ ಗಳಿಸುವ ಮೂಲಕ ತಂಡಕ್ಕೆ ಭದ್ರ ಬುನಾದಿ ಹಾಕಿ ಕೊಟ್ಟರು. ಆ ನಂತರ ಕನ್ನಡಿಗ ಮನೀಷ್​ ಪಾಂಡೆ (28) ಆಕರ್ಷಕ ಆಟವಾಡಿದರು. ಇನಿಂಗ್ಸ್​ ಕೊನೆಯಲ್ಲಿ ಭರ್ಜರಿ ಆಟವಾಡಿದ ದಿನೇಶ್​ ಕಾರ್ತಿಕ್​ (29*) ರನ್​ ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಉಳಿದಂತೆ ಶಿಖರ್​ ಧವನ್​ (10), ಕೆ.ಎಲ್​. ರಾಹುಲ್​ (24), ವಿಜಯ್​ ಶಂಕರ್​ (17) ರನ್​ ಗಳಿಸಿದರು. ಬಾಂಗ್ಲಾದೇಶದ ಪರ ರುಬೆಲ್​ ಹುಸೇನ್​ 2, ಶಕೀಬ್​ ಅಲ್​ ಹಸನ್​ 1, ಮುಸ್ತಾಫಿಜರ್​ ರೆಹಮಾನ್​ 1 ವಿಕೆಟ್​ ಪಡೆದರು.

ಇದಕ್ಕೂ ಮುನ್ನ ಟಾಸ್​ ಗೆದ್ದು ಮೊದಲು ಬೌಲಿಂಗ್​ ಅಯ್ದುಕೊಂಡ ಭಾರತ ತಂಡ ಬಾಂಗ್ಲಾವನ್ನು 166 ರನ್​ಗಳಿಗೆ ನಿಯಂತ್ರಿಸಿತು. ಸ್ಪಿನ್ನರ್​ ಯಜುವೇಂದ್ರ ಚಾಹಲ್​ ಬಾಂಗ್ಲಾದ ಮೂರು ಪ್ರಮುಖ ಬ್ಯಾಟ್ಸ್​ಮನ್​ಗಳನ್ನು ಔಟ್​ ಮಾಡುವ ಮೂಲಕ ಬಾಂಗ್ಲಾಗೆ ಆಘಾತ ನೀಡಿದರು. ಅಂತಿಮವಾಗಿ ಬಾಂಗ್ಲಾದೇಶ ತಂಡ 20 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 166 ರನ್​ ಗಳಿಸಿತು.

ಆದರೆ ಮತ್ತೊಂದೆಡೆ ಬಾಂಗ್ಲಾದ ಶಬ್ಬೀರ್​ ರಹಮಾನ್​ (77) ಆಕರ್ಷಕ ಅರ್ಧ ಶತಕ ಗಳಿಸುವ ಮೂಲಕ ತಂಡ ಸ್ಪರ್ಧಾತ್ಮಕ ಮೊತ್ತ ಗಳಿಸಲು ನೆರವಾದರು. ಶಬ್ಬೀರ್​ಗೆ ಮೊಹಮ್ಮದುಲ್ಲಾ (21) ಉತ್ತಮ ಸಾಥ್​ ನೀಡಿದರು. ಚಾಹಲ್​ 3, ಜಯದೇವ್​ 2 ಮತ್ತು ವಾಷಿಂಗ್ಟನ್​ ಸುಂದರ್​ 1 ವಿಕೆಟ್​ ಪಡೆದರು. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top