Monday, 17th December 2018  

Vijayavani

ಸುಳ್ವಾಡಿ ವಿಷಪ್ರಸಾದ ದುರಂತ ಪ್ರಕರಣ-ಆರೋಗ್ಯ ಸಚಿವರ ಉಡಾಫೆ ಹೇಳಿಕೆ ಪ್ರಸ್ತಾಪ-ಪರಿಷತ್​ನಲ್ಲಿ ಬಿಜೆಪಿಯಿಂದ ನಿಲುವಳಿ ಸೂಚನೆ        ಶುರುವಾಯ್ತು ಪೆಥಾಯ್ ಪ್ರತಾಪ-ಆಂಧ್ರ, ತಮಿಳುನಾಡು ಕರಾವಳಿಯಲ್ಲಿ ಅಲೆಗಳ ಅಬ್ಬರ-ಚೆನ್ನೈ ಸೇರಿ ಹಲವೆಡೆ ಭಾರಿ ಮಳೆ ಸಾಧ್ಯತೆ        ಒಂದೇ ರಸ್ತೆ, ಎರಡು ಇಲಾಖೆ ಬಿಲ್-ಭೂಸೇನೆ, ಪಿಡಬ್ಲ್ಯೂಡಿ ಇಲಾಖೆ ಬಿಲ್​​ಗಾಗಿ ಪೈಪೋಟಿ-ಮುಗಿದ ರಸ್ತೆಗೆ ಗುದ್ದಲಿ ಪೂಜೆ ನೆರವೇರಿಸಿದ ಕೈ ಶಾಸಕ        ಇನ್ನೂ ನಿಂತಿಲ್ಲ ‘ವಿಷ’ಪ್ರಸಾದದ ಎಫೆಕ್ಟ್-ಚಿಕಿತ್ಸೆ ಪಡೀತಿರೋ 30 ಜನ್ರ ಸ್ಥಿತಿ ಗಂಭೀರ-ಆರೋಪಿತರ ಪರ ವಕಾಲತ್ತು ವಹಿಸದಿರಲು ವಕೀಲರ ನಿರ್ಧಾರ        ಇಂದು 3 ರಾಜ್ಯ ಸಿಎಂಗಳ ಪದಗ್ರಹಣ-ರಾಜ್ಯದಿಂದ ಸಿಎಂ ಎಚ್​ಡಿಕೆ, ಸಿದ್ದುಗೆ ವಿಶೇಷ ಆಹ್ವಾನ-ಕೈ ಸಮಾರಂಭದಲ್ಲಿ ತೃತೀಯ ಶಕ್ತಿ ಪ್ರದರ್ಶನ        37ನೇ ವಸಂತಕ್ಕೆ ‘ಉಗ್ರಂ’ ಸ್ಟಾರ್ ಮುರಳಿ-37ನೇ ಬರ್ತಡೇ.. 37 ಕೆಜಿ ಕೇಕ್ ಕಟ್-ಫ್ಯಾನ್ಸ್​​ಗೆ ಭರಾಟೆ ಟೀಸರ್, ಮದಗಜ ಫಸ್ಟ್ ಪೋಸ್ಟರ್ ಗಿಫ್ಟ್       
Breaking News

ಮೈಸೂರು ದಸರಾ: ಕಣ್ಮನ ಸೆಳೆಯುತ್ತಿವೆ ಚನ್ನಪಟ್ಟಣದ ಗೊಂಬೆಗಳು

Friday, 12.10.2018, 8:15 PM       No Comments

<< ಮಹಿಳಾ ದಸರಾದಲ್ಲಿ ಚಿತ್ರಕಲೆಗಳು, ಬಿದಿರು ಉತ್ಪನಗಳ ಆಕರ್ಷಣೆ >>

ಮೈಸೂರು: ನಗರದ ಜೆಕೆ ಮೈದಾನದಲ್ಲಿ ಹಮ್ಮಿಕೊಂಡಿರುವ ಮಹಿಳಾ ದಸರಾದಲ್ಲಿ ಚನ್ನಪಟ್ಟಣದ ಗೊಂಬೆಗಳು, ಚಿತ್ರಕಲೆಗಳು, ಮಣ್ಣಿನ ಅಲಂಕಾರಿಕ ವಸ್ತುಗಳು, ಬಿದಿರಿನ ಉತ್ಪನ್ನಗಳು ಮಹಿಳೆಯರನ್ನು ಆಕರ್ಷಿಸುತ್ತಿವೆ.

ಚನ್ನಪಟ್ಟಣ ತಾಲೂಕಿನ ಮುನಿಯಪ್ಪನದೊಡ್ಡಿಯ ಶ್ರೀ ಬೀರೇಶ್ವರ ಸ್ವ ಸಹಾಯ ಸಂಘದ ಸದಸ್ಯೆ ಜಯಲಕ್ಷ್ಮೀ ಅವರು ತಯಾರಿಸಿದ ಚನ್ನಪಟ್ಟಣದ ಗೊಂಬೆಗಳು ಮೇಳದ ಪ್ರಮುಖ ಆಕರ್ಷಣೆಯಾಗಿವೆ. ಮರದಿಂದ ತಯಾರಿಸಿದ ವಿವಿಧ ರೀತಿಯ ಬುಗುರಿ, ಏರೋಪ್ಲೇನ್, ರೈಲು, ಪುಟ್ಟ ಗಾತ್ರದ ತಬಲ ಸೇರಿದಂತೆ ವಿವಿಧ ಆಟಿಕೆಗಳು ಪ್ರತಿಯೊಬ್ಬರನ್ನು ಕೈ ಬೀಸಿ ಕರೆಯುತ್ತಿದೆ.

ಆಕರ್ಷಕ ಚಿತ್ರಕಲೆಗಳು: ಪಿರಿಯಾಪಟ್ಟಣದ ಕಲಾವಿದೆ ಮಂಜುಳಾ ಅವರ ಚಿತ್ರಕಲಾ ಪ್ರದರ್ಶನ ಎಲ್ಲರ ಗಮನ ಸಳೆಯುತ್ತಿದೆ. ಗ್ರಾಮೀಣ ಜನಜೀವನಕ್ಕೆ ಸಂಬಂಧಿಸಿದಂತೆ ವಿವಿಧ ಚಿತ್ರಗಳನ್ನು ಇಲ್ಲಿ ಕಾಣಬಹುದು. ಅಲ್ಲದೆ, ಮೇಲುಕೋಟೆ, ಬಾದಾಮಿ, ಮಡಿಕೇರಿಯ ಸುಂದರ ಚಿತ್ರಗಳು ಮಂಜುಳಾ ಅವರ ಕುಂಚದಲ್ಲಿ ಅರಳಿವೆ.

ಮಣ್ಣಿನ ಕಲಾಕೃತಿಗಳು

ಮಂಡ್ಯದ ಭವ್ಯಾ ಅವರು ಜೇಡಿಮಣ್ಣಿನಿಂದ ತಯಾರಿಸಿದ ಅಲಂಕಾರಿಕ ದೀಪಗಳು, ಗಣೇಶ ಮೂರ್ತಿಗಳು ಪ್ರತಿಯೊಬ್ಬರ ಗಮನ ಸೆಳೆಯುತ್ತಿವೆ. ಜೇಡಿಮಣ್ಣಿನಿಂದ ಯಾವ ರೀತಿ ಕಲಾಕೃತಿಗಳನ್ನು ತಯಾರಿಸಬಹುದೆಂದು ಅವರು ಪ್ರಾತ್ಯಕ್ಷಿಕೆ ಸಹ ನೀಡುತ್ತಿದ್ದಾರೆ.

ಬಿದಿರಿನ ಉತ್ಪನ್ನಗಳು

ಹುಣಸೂರಿನ ಮೇದರ್ ಬ್ಲಾಕ್‌ನ ಶ್ರೀಮಾರಮ್ಮ ಸೀಶಕ್ತಿ ಸ್ವಸಹಾಯ ಮಹಿಳಾ ಸಂಘದ ಚಿಕ್ಕತಾಯಮ್ಮ ಬಿದಿರಿನಿಂದ ತಯಾರಿಸಿರುವ ಮೊರ, ಬೀಸಣಿಕೆ, ಬುಟ್ಟಿ ಸೇರಿದಂತೆ ಹಲವು ಉತ್ಪನ್ನಗಳು ಗಮನ ಸೆಳೆಯುತ್ತಿವೆ. ಬೆಂಗಳೂರಿನ ಶ್ರೀ ಚೌಡೇಶ್ವರಿ ಸ್ವಸಹಾಯ ಗುಂಪಿನ ಶೈಲಾ ಅವರು ಹತ್ತಿಯಿಂದ ನೇಯ್ದ ಗೊಂಬೆಗಳನ್ನು ಮಾರಾಟಕ್ಕೆ ಇಟ್ಟಿದ್ದಾರೆ. ಬೆಳಗಾವಿ ಜಿಲ್ಲೆಯ ರಾಮದುರ್ಗ ಗ್ರಾಮದ ಸುಧಾ ಮನೆಯಲ್ಲೇ ನೇಯ್ದ ಕಾಟನ್ ಸೀರೆಗಳು ಮಹಿಳಾ ದಸರಾದ ಆಕರ್ಷಣೆಯಾಗಿವೆ.

Leave a Reply

Your email address will not be published. Required fields are marked *

Back To Top