ಕಾರವಾರ: ಕೇಂದ್ರ ಅರಣ್ಯ ಮಂತ್ರಾಲಯ ಹೊರಡಿಸಿರುವ ಕಸ್ತೂರಿ ರಂಗನ್ ವರದಿ ಆಧಾರಿತ ಪರಿಸರ ಸೂಕ್ಷ್ಮ ವಲಯ ಕರಡು ಅಧಿಸೂಚನೆಯನ್ನು ಜನರ ಹಿತ ದೃಷ್ಟಿಯಿಂದ ರಾಜ್ಯ ಸರ್ಕಾರ ತಿರಸ್ಕಾರ ಮಾಡಬೇಕು ಎಂದು ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಸಿಎಂ ಸಿದ್ದರಾಮಯ್ಯ ಅವರಿಗೆ ಪತ್ರ ಬರೆದಿದ್ದಾರೆ.
ಕಸ್ತೂರಿ ರಂಗನ್ ವರದಿ ಜಾರಿಯಿಂದ ಜಿಲ್ಲೆಯಲ್ಲಿ ಕೃಷಿ, ತೋಟಗಾರಿಕೆಗೆ ಅಡಚಣೆಯಾಗಲಿದೆ. ಕೈಗಾರಿಕೆಗಳ ಬೆಳವಣಿಗೆಗೆ ಹಿನ್ನಡೆಯಾಗಲಿದೆ. ಸರಿಯಾದ ಭೌತಿಕ ಸಮೀಕ್ಷೆ ನಡೆಸಿ, ಕರಡು ಅಽಸೂಚನೆ ಹೊರಡಿಸಿಲ್ಲ. ಅಧಿಸೂಚನೆಯನ್ನು ಸಂಪೂರ್ಣ ಗ್ರಾಮವನ್ನೇ ಗಣನೆಗೆ ತೆಗೆದುಕೊಳ್ಳಲಾಗಿದೆ.
ಈ ಅಧಿಸೂಚನೆಯಲ್ಲಿ ಪರಿಸರ ಸೂಕ್ಷ್ಮ ಪ್ರದೇಶಗಳು, ಸಂರಕ್ಷಿತ ಕಾಡನ್ನು ಮಾತ್ರ ಪರಿಗಣಿಸಬೇಕು. 2006 ರ ಅರಣ್ಯ ಹಕ್ಕು ಕಾಯ್ದೆಯಡಿ ಗುರಿತಿಸಲಾದ ಅರಣ್ಯ ಭೂಮಿ ಮತ್ತು ಖಾಸಗಿ ಭೂಮಿಯನ್ನು ಕಾಯ್ದೆಯಿಂದ ಹೊರಗಿಡಬೇಕು. ಆರ್ಥಿಕವಾಗಿ ಪ್ರಮುಖವಾದ ಸಸ್ಯಗಳ ಪಟ್ಟಿಯಲ್ಲಿ ಪಶ್ಚಿಮ ಘಟ್ಟದ ಅಡಕೆ, ತೆಂಗು, ಕಾಫಿ ಬೆಳೆಗಳನ್ನು ಸೇರಿಸಬೇಕು. ಸ್ಥಳೀಯರಿಗೆ ಅಗತ್ಯವಿರುವ ಮರಳು, ಕಲ್ಲು, ಜಲ್ಲಿ ಮುಂತಾದವನ್ನು ಸ್ಥಳೀಯವಾಗಿ ಪಡೆದುಕೊಂಡು ಬಳಸಲು ಅವಕಾಶ ನೀಡಬೇಕು. ಕರಾವಳಿಯ ಅರಬ್ಬಿ ಸಮುದ್ರ ಪಕ್ಕದ ಗ್ರಾಮಗಳನ್ನು ಅಽಸೂಚನೆಯಲ್ಲಿ ಸೇರಿಸಬಾರದು. ಈಗ ಅಸ್ತಿತ್ವದಲ್ಲಿರುವ ಮತ್ತು ಮುಂಬರುವ ಆರೋಗ್ಯ, ಶಿಕ್ಷಣ ಸಂಸ್ಥೆಗಳ ನಿರ್ಮಾಣಕ್ಕೆ ಅವಕಾಶ ನೀಡಬೇಕು. ಸಾರ್ವಜನಿಕ ಸೌಲಭ್ಯಗಳಾದ ರಸ್ತೆ, ಸೇತುವೆ, ರೈಲ್ವೆ ಮುಂತಾದ ಮೂಲ ಸೌಕರ್ಯಗಳಿಗೆ ಅವಕಾಶ ನೀಡಬೇಕು ಎಂದು ಸಂಸದರು ತಮ್ಮ ಪತ್ರದಲ್ಲಿ ತಿಳಿಸಿದ್ದಾರೆ.
