ಜಾತಿವಾದ, ಮೂಢನಂಬಿಕೆ ವಿರುದ್ಧ ಹೋರಾಡಲು ಯುವಶಕ್ತಿಗೆ ಮೋದಿ ಕರೆ

ಬೆಳಗಾವಿ: ದೇಶದ ಯುವಶಕ್ತಿ ಜಾತಿವಾದ, ಮೂಢನಂಬಿಕೆ ವಿರುದ್ಧ ಹೋರಾಟ ನಡೆಸಬೇಕಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಕರೆ ನೀಡಿದ್ದಾರೆ.

ದೆಹಲಿಯಿಂದಲೇ ವಿಡಿಯೋ ಕಾನ್ಫರೆನ್ಸ್ ಮೂಲಕ ರಾಯಭಾಗ ತಾಲೂಕಿನ ಮುಗಳಖೋಡ ಪಟ್ಟಣದಲ್ಲಿ ಶುಕ್ರವಾರ ಆಯೋಜಿಸಿದ್ದ ಸಂಕಲ್ಪ ಯಾತ್ರೆ ಕಾರ್ಯಕ್ರಮ ಉದ್ದೇಶಿಸಿ ಪ್ರಧಾನಿ ಮೋದಿ ಭಾಷಣ ಮಾಡಿ, ಸಮಾಜ ವಿರೋಧಿ ಜನರು ಜಾತಿಯಿಂದ ದೇಶ ಒಡೆಯುತ್ತಿದ್ದಾರೆ. ಇಂಥ ದುಷ್ಟಶಕ್ತಿಗಳಿಗೆ ಯುವ ಶಕ್ತಿ ಉತ್ತರ ನೀಡಬೇಕಿದೆ ಎಂದು ತಿಳಿಸಿದರು.

ಮುಗಳಖೋಡ ಮಠ ವಿವೇಕಾನಂದಮಯವಾಗಿದೆ. ಸಹಸ್ರ ಸಹಸ್ರ ವಿವೇಕ ಆವಾಹನ ವಿಶ್ವ ದಾಖಲೆ ಸೇರುತ್ತಿದೆ. ಮುಗಳಖೋಡ ಸ್ವಾಮೀಜಿ ಮುರುಘರಾಜೇಂದ್ರ ಸ್ವಾಮೀಜಿ ಆಶೀರ್ವಾದ ಸ್ಫೂರ್ತಿಯಿಂದ ಇದು ಸಾಧ್ಯವಾಗಿದೆ ಎಂದು ಬಣ್ಣಿಸಿದರು.

ಎಲ್ಲ ಭಾರತೀಯರನ್ನು ಸ್ವಾಮೀ ವಿವೇಕಾನಂದರು ಅಣ್ಣ ತಮ್ಮ ಎಂದು ತಿಳಿದಿದ್ದರು. ಭಾರತದ ಮಣ್ಣನ್ನು ತಮ್ಮ ಜೀವ ಎನ್ನುತ್ತಿದ್ದ ಸ್ವಾಮಿ ವಿವೇಕಾನಂದರ ತತ್ವ ಸಿದ್ಧಾಂತಗಳನ್ನು ಎಲ್ಲರೂ ಅಳವಡಿಸಿಕೊಳ್ಳಬೇಕಿದೆ ಎಂದು ಹೇಳಿದರು.

Leave a Reply

Your email address will not be published. Required fields are marked *