ಮುಂಬೈ: ಆರ್ಎಸ್ಎಸ್ ಎನ್ನುವ ಪದವೇ ಸಾಕು, ಪರ ವಿರೋಧದ ಚರ್ಚೆಗಳು ಶುರುವಾಗಿಬಿಡುತ್ತದೆ. ಒಂದತ್ತ ಆರ್ಎಸ್ಎಸ್ನ್ನು ಭಾರತದ ಉಗ್ರ ಸಂಘಟನೆ ಎಂದು ಪಾಕಿಸ್ತಾನ ನಿಂದಿಸುತ್ತಿದ್ದರೆ, ಇನ್ನೊಂದತ್ತ ನಾವು ಅಪ್ಪಟ ರಾಷ್ಟ್ರಭಕ್ತರು ಎಂದು ಆರ್ಎಸ್ಎಸ್ನವರು ಹೇಳಿಕೊಳ್ಳುತ್ತಾರೆ. ಇದೀಗ ಬಾಲಿವುಡ್ನ ಪ್ರಸಿದ್ಧ ನಟ ಮತ್ತು ಮಾಡೆಲ್ ಒಬ್ಬರು ತಮ್ಮ ಆರ್ಎಸ್ಎಸ್ನ ಅನುಭವವನ್ನು ಹಂಚಿಕೊಂಡಿದ್ದು, ವೈರಲ್ ಲಿಸ್ಟ್ ಸೇರಿಕೊಂಡಿದ್ದಾರೆ.
ಬಾಲಿವುಡ್ನ ಹಾಟ್ ನಟ ಮತ್ತು ಮಾಡೆಲ್ ಮಿಲಿಂದ್ ಸೋಮನ್ ತಾವು ಆರ್ಎಸ್ಎಸ್ನಲ್ಲಿ ಪಡೆದುಕೊಂಡ ಅನುಭವವನ್ನು ಹಂಚಿಕೊಂಡಿದ್ದಾರೆ. ತಾವು 10 ವರ್ಷದವರಾಗಿದ್ದಾಗ ಆರ್ಎಸ್ಎಸ್ ಶಾಖೆಗೆ ತೆರಳುತ್ತಿದ್ದು ಅಲ್ಲಿ ಸಾಕಷ್ಟು ವಿಚಾರಗಳನ್ನು ಕಲಿತಿದ್ದಾಗಿ ಅವರು ಹೇಳಿಕೊಂಡಿದ್ದಾರೆ. ಆರ್ಎಸ್ಎಸ್ ಶಾಖೆಯಲ್ಲಿ ಸಂಜೆ 6ರಿಂದ 7ರ ತನಕ ತಾವು ಮಾಡುತ್ತಿದ್ದ ಕೆಲಸಗಳನ್ನು ಅವರು ಹಂಚಿಕೊಂಡಿದ್ದಾರೆ. ಖಾಕಿ ಚಡ್ಡಿ ಧರಿಸಿ ಮೆರವಣಿಗೆ ಸಾಗುತ್ತಿದ್ದ ಅವರು ಸಾಂಪ್ರದಾಯಿಕವಾಗಿ ಜಿಮ್ನಾಸ್ಟಿಕ್ ಮಾಡುತ್ತಿದ್ದರಂತೆ. ಯೋಗ ಮಾಡಿ, ಹಾಡುಗಳನ್ನು ಹೇಳುವುದರ ಜತೆ ಸಂಸ್ಕೃತ ಶ್ಲೋಕಗಳನ್ನೂ ಸಹ ಹೇಳುತ್ತಿದ್ದರಂತೆ. ತಮ್ಮ ಜತೆ ಶಾಖೆಗೆ ಬರುತ್ತಿದ್ದ ಗೆಳೆಯರೊಂದಿಗೆ ಪ್ರವಾಸಗಳನ್ನು ಕೈಗೊಳ್ಳುತ್ತಿದ್ದರಂತೆ.
ಆರ್ಎಸ್ಎಸ್ನಲ್ಲಿ ತಮ್ಮ ಸಿಹಿ ಅನುಭವವನ್ನು ಹಂಚಿಕೊಂಡಿದ್ದ ಮಿಲಿಂದ್ ಸೋಮನ್ ಆರ್ಎಸ್ಎಸ್ ಬಗ್ಗೆ ವಿಧ್ವಂಸಕ, ಕೋಮು ಪ್ರಚಾರ ಮಾಡುವ ಸಂಘಟನೆ ಎಂದು ಏಕಾಗಿ ಹೇಳಲಾಗುತ್ತಿದೆ ಎನ್ನುವುದು ನನಗೆ ತಿಳಿಯುತ್ತಿಲ್ಲ ಎಂದು ಹೇಳಿದ್ದಾರೆ.
ಆರ್ಎಸ್ಎಸ್ನ್ನು ದೇಸೀಯ ಸ್ಕೌಟ್ಸ್ ಎಂದು ಕರೆದಿರುವ ನಟ, ತನ್ನ ತಂದೆಯೂ ಸಹ ಆರ್ಎಸ್ಎಸ್ನಲ್ಲಿ ಸಕ್ರಿಯವಾಗಿದ್ದರು ಎಂದು ತಿಳಿಸಿದ್ದಾರೆ. ಅವರು ಒಬ್ಬರು ಹೆಮ್ಮೆಯ ಹಿಂದೂ. ಆದರೆ ನನಗೆ ಹಿಂದೂ ಎಂದು ಹೆಮ್ಮೆ ಪಡಬೇಕು ಅಥವಾ ವಿರೋಧ ವ್ಯಕ್ತಪಡಿಸಬೇಕು ಎಂದು ಎಂದೂ ಅನಿಸಿಲ್ಲ. ನನ್ನ ಶಾಖೆಯಲ್ಲಿ ನನಗೆ ಹಿಂದೂ ಎನ್ನುವುದರ ಬಗ್ಗೆ ಹೆಚ್ಚಿನದಾಗಿ ಏನೂ ಹೇಳಿಕೊಟ್ಟಿಲ್ಲ, ಒಂದು ವೇಳೆ ಹೇಳಿಕೊಟ್ಟಿದ್ದರೂ ಅದು ನನ್ನ ಗಮನಕ್ಕೆ ಬಂದಿಲ್ಲ ಎಂದು ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಈ ರೀತಿಯಲ್ಲಿ ಅನುಭವ ಹಂಚಿಕೊಂಡಿದ್ದ ಮಿಲಿಂದ್ ಸೋಮನ್ ಇದೇ ವಿಚಾರವಾಗಿ ಟ್ವಿಟ್ಟರ್ನಲ್ಲಿ ಮಂಗಳವಾರದಂದು ವೈರಲ್ ಆಗಿದ್ದಾರೆ.
ಅನೇಕರು ಮಿಲಿಂದ್ ಅವರನ್ನು ಆರ್ಎಸ್ಎಸ್ನ ಹಾಟ್ ಐಕಾನ್ ಎಂದು ಕರೆಯಲಾರಂಭಿಸಿದ್ದಾರೆ. ಮಿಲಿಂದ್ ಸೋಮನ್, ಮೇಡ್ ಇನ್ ಇಂಡಿಯಾ ಎನ್ನುವ ಹ್ಯಾಷ್ಟ್ಯಾಗ್ನೊಂದಿಗೆ ಮಿಲಿಂದ್ ಅವರನ್ನು ವೈರಲ್ ಲಿಸ್ಟ್ಗೆ ಸೇರಿಸಲಾಗುತ್ತಿದೆ. ಸಂಘಿಗಳೆಂದರೆ ಶಕ್ತಿವಂತರು ಎನ್ನುವಂತೆ ಮಿಲಿಂದ್ ಅವರ ಫೋಟೋವನ್ನು ಬಳಸಿಕೊಂಡು ಟ್ವೀಟ್ ಮಾಡಲಾಗುತ್ತಿದೆ. (ಏಜೆನ್ಸೀಸ್)
https://twitter.com/akhil_kanakia/status/1237577613809307651?s=20
ಲವ್ ಜಿಹಾದ್?!: ನೋಟ್ಸ್ ನೆಪದಲ್ಲಿ ಸಹಪಾಠಿಯನ್ನೇ ಕಿಡ್ನಾಪ್ ಮಾಡಿ ಲೈಂಗಿಕ ಕಿರುಕುಳ ನೀಡಿದ ಮುಸ್ಲಿಂ ಯುವಕ
ಸಿಂಧಿಯಾ ಪಕ್ಷ ಬಿಟ್ಟು ಹೋದ ಬೆನ್ನಲ್ಲೇ ಆರ್ಥಿಕತೆ ವಿಚಾರವಿಟ್ಟುಕೊಂಡು ಮೋದಿ ವಿರುದ್ಧ ರಾಹುಲ್ ಗಾಂಧಿ ಆಕ್ರೋಶ..