Saturday, 17th November 2018  

Vijayavani

ಮೈಸೂರು ಪಾಲಿಕೆಯಲ್ಲಿ ದೋಸ್ತಿ ತಂತ್ರ - ಮಾತುಕತೆ ಯಶಸ್ವಿ - 2 ವರ್ಷ ಕಾಂಗ್ರೆಸ್, 3 ವರ್ಷ ಜೆಡಿಎಸ್​​ಗೆ        ಮೀಸಲಾತಿ ವಿಚಾರದಲ್ಲಿ ದೋಸ್ತಿಗಳೇ ಗರಂ - ಸಿಎಂ ಎಚ್​​ಡಿಕೆಗೆ ಸಚಿವ ಪ್ರಿಯಾಂಕ ಖರ್ಗೆ ಪತ್ರ        ಅನಂತ್ ನಿಧನದಿಂದಾಗಿರೋ ನಷ್ಟ ಭರಿಸಲು ಸರ್ಕಸ್ - ರಾಜ್ಯ ಬಿಜೆಪಿ ಸಂಸದರಿಗೆ ಸಿಗುತ್ತಾ ಸಚಿವ ಭಾಗ್ಯ        ಇಂದು ಮಹದಾಯಿ ಕುರಿತು ಸರ್ವಪಕ್ಷ ಸಭೆ - ಮುಂದಿನ ಕ್ರಮದ ಬಗ್ಗೆ ನಡೆಯಲಿದೆ ಮಹತ್ವದ ಚರ್ಚೆ        ಇಂದು ಶಬರಿಮಲೆ ಬಾಗಿಲು ಮತ್ತೆ ಓಪನ್ - ಮಹಿಳೆಯರಿಗೆ ದರ್ಶನ ಸಿಗುತ್ತೋ? ಸಿಗಲ್ವೋ..?       
Breaking News

ಫಿಟ್ನೆಸ್​ ಚಾಲೆಂಜ್​ ಸ್ವೀಕರಿಸಿ, ಮೋದಿಗೆ ಕೃತಜ್ಞತೆ ಅರ್ಪಿಸಿದ ಮಣಿಕಾ ಬಾತ್ರಾ

Wednesday, 13.06.2018, 6:23 PM       No Comments

ಪುಣೆ: ಪ್ರಧಾನಿ ನರೇಂದ್ರ ಮೋದಿ ಅವರಿಂದ “ಹಮ್​ ಫಿಟ್​ ತೋ ಇಂಡಿಯಾ ಫಿಟ್​” ಎಂಬ ಫಿಟ್ನೆಸ್​ ಚಾಲೆಂಜ್​ ಸ್ವೀಕರಿಸಿರುವ ಭಾರತೀಯ ಟೇಬಲ್​ ಟೆನ್ನಿಸ್​ ತಾರೆ ಮಣಿಕಾ ಬಾತ್ರಾ ಇದಕ್ಕೆ ಪ್ರತಿಯಾಗಿ ಮೋದಿ ಅವರಿಗೆ ಕೃತಜ್ಞತೆ ಅರ್ಪಿಸಿದ್ದಾರೆ.

ಈ ಕುರಿತು ಮಾತನಾಡಿರುವ ಮಣಿಕಾ ಬಾತ್ರಾ, “ಫಿಟ್ನೆಸ್​ ಚಾಲೆಂಜ್​ಗೆ ಮೋದಿ ಅವರು ನನ್ನನ್ನು ನಾಮಿನೇಟ್​ ಮಾಡಿರುವುದು ನನಗೆ ಸಂತಸ ತರಿಸಿದೆ, ಚಕಿತಳನ್ನಾಗಿಸಿದೆ. ನಾನು ಫಿಟ್​ ಆಗಿರುವುದಾಗಿ ಹೇಳಿರುವುದಕ್ಕೆ ನನಗೆ ಖುಷಿಯಾಗಿದೆ. ಕೆಲವೇ ಮಂದಿಗೆ ಮಾತ್ರ ಪ್ರಧಾನಿಯಂಥವರು ಇಂಥ ಸವಾಲು ನೀಡಲು ಸಾಧ್ಯ. ಫಿಟ್ನೆಸ್​ ಚಾಲೆಂಜ್​ ಅನ್ನು ಅತ್ಯುತ್ತಮ ರೀತಿಯಲ್ಲಿ ಪೂರ್ಣಗೊಳಿಸಲು ನಾನು ಪ್ರಯತ್ನಿಸುತ್ತೇನೆ,” ಎಂದು ಅವರು ಹೇಳಿದ್ದಾರೆ.

ಮಣಿಕಾ ಬಾತ್ರಾ ಅವರು, ಇದೇ ವರ್ಷ ಆಸ್ಟ್ರೇಲಿಯಾದ ಕಾಮನ್​ವೆಲ್ತ್​ ಕ್ರೀಡಾ ಕೂಟದಲ್ಲಿ ಭಾಗವಹಿಸಿ, ಮಹಿಳಾ ವಿಭಾಗದ ಟೆಬಲ್​ ಟೆನಿಸ್​ನಲ್ಲಿ ಚಿನ್ನ ಗೆದ್ದಿದ್ದರು. ಕಾಮನ್​ವೆಲ್ತ್​ನ ಟೇಬಲ್​ ಟೆನ್ನಿಸ್​ನಲ್ಲಿ ಚಿನ್ನಗೆದ್ದ ಮೊದಲ ಮಹಿಳಾ ಆಟಗಾರ್ತಿಎಂಬ ಕೀರ್ತಿಗೂ ಪಾತ್ರರಾಗಿದ್ದರು.

ವಿರಾಟ ಕೊಹ್ಲಿ ಅವರಿಂದ ಫಿಟ್ನೆಸ್​ ಚಾಲೆಂಜ್​ ಸ್ವೀಕರಿಸಿದ್ದ ಪ್ರಧಾನಿ ಮೋದಿ ಅವರು, ಅದಕ್ಕೆ ಪ್ರತಿಯಾಗಿ ತಾವು ಯೋಗ ಮಾಡುವ ವಿಡಿಯೋವೊಂದನ್ನು ಮಾಡಿ ಸಾಮಾಜಿಕ ಜಾಲ ತಾಣದಲ್ಲಿ ಪ್ರಕಟಿಸಿದ್ದಾರೆ. ಈ ಚಾಲೆಂಜ್​ ಅನ್ನು ಮುಂದುವರಿಸಿದ್ದ ಅವರು ಬುಧವಾರ ಬೆಳಗ್ಗೆ ಕರ್ನಾಟಕದ ಮುಖ್ಯಮಂತ್ರಿ ಎಚ್​.ಡಿ ಕುಮಾರಸ್ವಾಮಿ ಮತ್ತು ಟೆಬಲ್​ ಟೆನಿಸ್​ ತಾರೆ ಮಣಿಕಾ ಬಾತ್ರಾ ಅವರನ್ನು ಸವಾಲಿಗೆ ನಾಮಿನೇಟ್​ ಮಾಡಿದ್ದರು. ಕೇಂದ್ರ ಸಚಿವ ರಾಜ್ಯವರ್ಧನ್ ರಾಥೋಡ್ ಅವರು ಈ ಚಾಲೆಂಜ್​ ಅನ್ನು ಆರಂಭಿಸಿದ್ದರು.

 

Leave a Reply

Your email address will not be published. Required fields are marked *

Back To Top