Thursday, 13th December 2018  

Vijayavani

Breaking News

ಬಸ್​ನಲ್ಲಿ ಮೃತಪಟ್ಟ ವ್ಯಕ್ತಿಯ ಮೃತದೇಹವನ್ನು ರಸ್ತೆ ಬದಿ ಇಳಿಸಿ ಹೋದ ಕಂಡಕ್ಟರ್​

Friday, 12.01.2018, 10:46 AM       No Comments

ಸೂಲಗಿರಿ: ಪ್ರಯಾಣದ ಸಂದರ್ಭದಲ್ಲಿ ಮೃತಪಟ್ಟ ವ್ಯಕ್ತಿಯ ಮೃತದೇಹ ಮತ್ತು ಆತನ ಜತೆ ಪ್ರಯಾಣಿಸುತ್ತಿದ್ದ ಸ್ನೇಹಿತನನ್ನು ಬಸ್​ ಕಂಡಕ್ಟರ್​ ನಡು ರಸ್ತೆಯಲ್ಲೇ ಇಳಿಸಿ ಹೋಗಿರುವ ಅಮಾನವೀಯ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ಹೊಸೂರು ಬಳಿಯ ಸೂಲಗಿರಿ ಎಂಬಲ್ಲಿ ಈ ಘಟನೆ ನಡೆದಿದೆ. ಬೆಂಗಳೂರಿನಲ್ಲಿ ಕೂಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದ ರಾಧಾಕೃಷ್ಣನ್ (43) ಹಾಗೂ ಅವರ ಗೆಳೆಯ ವೀರನ್ (54) ಬೆಂಗಳೂರಿನಿಂದ ತಮಿಳುನಾಡಿನ ತಿರುವಣ್ಣಮಲೈಗೆ ಸರ್ಕಾರಿ ಬಸ್​ನಲ್ಲಿ ತೆರಳುತ್ತಿದ್ದರು. ಅನಾರೋಗ್ಯದಿಂದ ಬಳಲುತ್ತಿದ್ದ ವೀರನ್​ ಬಸ್​ನಲ್ಲಿ ಮಲಗಿದ್ದರು.

ಸ್ವಲ್ಪ ಸಮಯದ ನಂತರ ರಾಧಾಕೃಷ್ಣನ್​ ತಮ್ಮ ಸ್ನೇಹಿತನನ್ನು ಏಳಿಸಲು ಯತ್ನಿಸಿದ್ದಾರೆ. ಆದರೆ ಅದಾಗಲೇ ವೀರನ್​ ಮೃತಪಟ್ಟಿರುತ್ತಾರೆ. ಈ ಸುದ್ದಿ ತಿಳಿದ ಕೂಡಲೇ ಬಸ್​ ನಿರ್ವಾಹಕ ವೀರನ್​ ಮೃತದೇಹದ ಜತೆಗೆ ರಾಧಾಕೃಷ್ಣನ್​ ಅವರನ್ನು ಮಾರ್ಗ ಮಧ್ಯೆ ಬಸ್​ನಿಂದ ಇಳಿಸಿ ತೆರಳಿದ್ದಾನೆ.

ಆ ನಂತರ ಸ್ಥಳೀಯರು ಮತ್ತು ಪೊಲೀಸರು ವೀರನ್​ ಮೃತದೇಹವನ್ನು ಸಾಗಿಸಲು ನೆರವು ನೀಡಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್​)

Leave a Reply

Your email address will not be published. Required fields are marked *

Back To Top