ನವದೆಹಲಿ: ಹೆಚ್ಚಿನ ಜನರು ಇಷ್ಟಪಡುವ ಆಹಾರಗಳಲ್ಲಿ ಪಿಜ್ಜಾ ಕೂಡ ಒಂದು. ಗರಿಗರಿಯಾದ ಕ್ರಸ್ಟ್, ಕರಗಿದ ಚೀಸ್ ಮತ್ತು ಸುವಾಸನೆಯ ಮೇಲೋಗರಗಳ ಸಂಯೋಜನೆಯು ಬಾಯಲ್ಲಿ ನೀರೂರಿಸುತ್ತದೆ. ಆದರೆ ಡಯಟ್ ಮಾಡುವವರು ಮತ್ತು ತೂಕ ಹೆಚ್ಚಾಗುವ ಭಯ ಇರುವವರು ಇಂತಹ ಜಂಕ್ ಫುಡ್ನಿಂದ ದೂರ ಉಳಿಯುತ್ತಾರೆ. ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರಿಗೆ ಇದು ಒಳ್ಳೆಯ ಆಯ್ಕೆಯಲ್ಲ. ಪಿಜ್ಜಾದಲ್ಲಿ ಸಾಮಾನ್ಯವಾಗಿ ಹೆಚ್ಚಿನ ಕ್ಯಾಲೋರಿಗಳು, ಕೊಬ್ಬು ಮತ್ತು ಸೋಡಿಯಂ ಇರುತ್ತದೆ, ಇದು ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ. ಹೀಗಿದ್ದರೂ ಮುರು ಹೊತ್ತು ಪಿಜ್ಜಾ ತಿಂದು ತೂಕ ಇಳಿಸಿಕೊಂಡವರ ಬಗ್ಗೆ ಕೇಳಿದ್ದೀರಾ?
ಹೌದು! ಅಚ್ಚರಿ ಎನಿಸಿದರೂ ಇದು ಸತ್ಯ. ಇತ್ತೀಚೆಗೆ, ಉತ್ತರ ಐರ್ಲೆಂಡ್‌ನ ವ್ಯಕ್ತಿಯೊಬ್ಬರು ದಿನದ ಮೂರು ಹೊತ್ತೂ ಪಿಜ್ಜಾ ತಿನ್ನುವ ಮೂಲಕ 30 ದಿನಗಳಲ್ಲಿ ತೂಕವನ್ನು ಕಳೆದುಕೊಂಡಿದ್ದಾರೆ. ಲ್ಯಾಡ್ಬೈಬಲ್ ಪ್ರಕಾರ, ವೈಯಕ್ತಿಕ ತರಬೇತುದಾರರಾದ ರಯಾನ್ ಮರ್ಸರ್ 30 ದಿನಗಳ ಚಾಲೆಂಜ್‌ನಲ್ಲಿ ಉಪಹಾರ, ಮಧ್ಯಾಹ್ನ ಮತ್ತು ರಾತ್ರಿಯ ಊಟದ ನಡುವೆ ದಿನಕ್ಕೆ 10 ಪಿಜ್ಜಾವನ್ನು ಸೇವಿಸಿದ್ದಾರೆ. ಆದರೆ ಅವರು ಕೊಬ್ಬಿನ ಬದಲು ಹೆಚ್ಚಿನ ಮಸಲ್ಸ್ಗಳನ್ನು ಪಡೆದರು.
ಈ ಸಮಯದಲ್ಲಿ ಮರ್ಸರ್, ಪಿಜ್ಜಾವನ್ನು ಹೊರತುಪಡಿಸಿ ಯಾವುದನ್ನೂ ತಿನ್ನದೇ ಇರಲು ನಿರ್ಧರಿಸಿದ್ದರು. ಕ್ಯಾಲೋರಿ ಕೊರತೆ ಮತ್ತು ಆರೋಗ್ಯದ ಬಗ್ಗೆ ಒಂದು ಅಂಶವನ್ನು ಸಾಬೀತುಪಡಿಸಲು ಅವರು ಎಲ್ಲಾ ರೀತಿಯ ಜಂಕ್ ಫುಡ್ ಮತ್ತು ಫಾಸ್ಟ್ ಫುಡ್ ಟೇಕ್‌ಅವೇಗಳನ್ನು ತಿನ್ನುವುದನ್ನು ನಿಲ್ಲಿಸಿದರು. ನೆಚ್ಚಿನ ಆಹಾರಗಳನ್ನು ನಿರ್ಬಂಧಿಸದೆ ಕೊಬ್ಬಿನ ನಷ್ಟವನ್ನು ಹೈಲೈಟ್ ಮಾಡುವುದು ಮುಖ್ಯ ಗುರಿಯಾಗಿದೆ ಎಂದು ರಯಾನ್ ಹೇಳಿದರು.
‘ನಾನು ಕೇವಲ ಕ್ಯಾಲೋರಿಗಳು ಮತ್ತು ಕೊಬ್ಬಿನ ನಷ್ಟವನ್ನು ಹೈಲೈಟ್ ಮಾಡುವ ಗುರಿಯನ್ನು ಹೊಂದಿದ್ದೇನೆ. ಇದಕ್ಕಾಗಿ ಜನರು ತಮ್ಮ ನೆಚ್ಚಿನ ಆಹಾರವನ್ನು ತ್ಯಜಿಸಬೇಕಾಗಿಲ್ಲ ಎಂದು ಹೇಳಬೇಕು. ಪ್ರಯೋಜನಗಳನ್ನು ಪಡೆಯಲು ನಾವು ನಮ್ಮ ನೆಚ್ಚಿನ ಆಹಾರಗಳನ್ನು ನಿರ್ಬಂಧಿಸಬೇಕಾಗಿಲ್ಲ ಮತ್ತು ಹೆಚ್ಚಿನ ಜನರು ತಮ್ಮದೇ ಆದ ಆಹಾರವನ್ನು ತಯಾರಿಸಲು ಪ್ರೋತ್ಸಾಹಿಸಲು ನಾನು ಬಯಸುತ್ತೇನೆ, ”ಎಂದು ಮರ್ಸರ್ ಹೇಳಿದರು.
ಹಣ್ಣುಗಳು ಮತ್ತು ತರಕಾರಿಗಳೊಂದಿಗೆ ಸಾಕಷ್ಟು ಪ್ರೋಟೀನ್ ಹೊಂದಿರುವ ತನ್ನ ವಿಶಿಷ್ಟವಾದ ಆಹಾರವನ್ನು ರಿಯಾನ್ ವಿವರಿಸುತ್ತಾನೆ. “ನಾನು ದಿನಕ್ಕೆ ಎರಡು ಪಿಟ್ಟಾ ಪಿಜ್ಜಾಗಳನ್ನು ತಿನ್ನುತ್ತೇನೆ. ಅದರಲ್ಲಿ ಒಂದು ದೊಡ್ಡ ಹಿಟ್ಟಿನ-ಪಿಜ್ಜಾ ಇದ್ದು ಇದು ದಿನಕ್ಕೆ ಸುಮಾರು 10 ಸ್ಲೈಸ್‌ಗಳನ್ನು ತಿಂದಂತೆ. ಇಡೀ ಪ್ರಕ್ರಿಯೆತ ಕಠಿಣ ಭಾಗ ಪಿಜ್ಜಾವನ್ನು ತಯಾರು ಮಾಡುವುದರಲ್ಲಿದೆ” ಎಂದು ಅವರು ಹೇಳಿದರು. ‘ಪಿಜ್ಜಾ ನನ್ನ ಮೆಚ್ಚಿನ ಆಹಾರಗಳಲ್ಲಿ ಒಂದಾಗಿದೆ. ಆದ್ದರಿಂದ ನಾನು ಇಡೀ ತಿಂಗಳು ಅದನ್ನು ತಿಂದರೂ ಅದನ್ನು ಆನಂದಿಸಿದೆ. ಆದರೂ ನಾನು ವಿವಿಧ ರೀತಿಯ ಪಿಜ್ಜಾಗಳನ್ನು ತಿನ್ನುವ ಮೂಲಕ ವಿವಿಧ ರೀತಿಯ ಪೋಷಕಾಂಶಗಳನ್ನು ಪಡೆದುಕೊಳ್ಳುತ್ತಿದ್ದೇನೆ ಎಂದು ಖಚಿತಪಡಿಸಿಕೊಂಡಿದ್ದೇನೆ’ ಎಂದು ಅವರು ಹೇಳಿದರು. (ಏಜೆನ್ಸೀಸ್)