Thursday, 13th December 2018  

Vijayavani

Breaking News

ಹೊಸ ವರ್ಷದ ಮೊದಲ ದಿನವೇ ಪೊಲೀಸರಿಗೆ ಚಳ್ಳೇ ಹಣ್ಣು ತಿನ್ನಿಸಿದ ಕೈದಿ

Monday, 01.01.2018, 3:52 PM       No Comments

<< ಫಿನಾಯಿಲ್​ ಸೇವಿಸಿ ಆಸ್ಪತ್ರೆಗೆ ದಾಖಲು, ಶೌಚಗೃಹದ ಕಿಟಕಿ ಮುರಿದು ಪರಾರಿ >>

ಮಡಿಕೇರಿ: ಪೊಲೀಸರು ಎಷ್ಟೇ ಎಚ್ಚರಿಕೆಯಿಂದಿದ್ದರೂ ಕಳ್ಳರು ನೀಡುವ ಚಳ್ಳೇ ಹಣ್ಣು ತಿನ್ನುವುದು ಆಗಾಗ್ಗೆ ನಡೆದೇ ಇರುತ್ತವೆ. ವಿಶೇಷವೆಂದರೆ, ಅಂತಹದ್ದೇ ಪ್ರಕರಣವೊಂದು ಮಡಿಕೇರಿಯಲ್ಲಿ ಹೊಸ ವರ್ಷದ ಮೊದಲ ದಿನ ಸೋಮವಾರ ನಡೆದು ಪೊಲೀಸರ ಮುಖ ಕಿವುಚಿದಂತಾಗಿದೆ.

ಪ್ರಳಯಾಂತಕ ಫಿನಾಯಿಲ್​ ಸೇವಿಸಿ ಆಸ್ಪತ್ರೆಗೆ ದಾಖಲಾಗಿ ಶೌಚಗೃಹದ ಕಿಟಕಿಯಿಂದ ಪರಾರಿಯಾಗಿದ್ದಾನೆ.

ಕೆಲವು ದಿನಗಳ ಹಿಂದೆ ಸುಂಟಿಕೊಪ್ಪದಲ್ಲಿ ನಡೆದ ಕಳವು ಪ್ರಕರಣದಲ್ಲಿ ಆರೋಪಿ ಗಣೇಶ್ ಜೈಲುವಾಸಿಯಾಗಿದ್ದ. ನಂತರ ಡಿ.30 ರಂದು ಫಿನಾಯಿಲ್ ಸೇವಿಸಿ ಅಸ್ವಸ್ಥನಾಗಿದ್ದ ಈತನನ್ನು ಪೊಲೀಸರು ಮಡಿಕೇರಿ ಜಿಲ್ಲಾಸ್ಪತ್ರೆಗೆ ದಾಖಲಿಸಿದ್ದರು.

ಬೆಳಗ್ಗೆ 10 ಗಂಟೆ ವೇಳೆಗೆ ಆಸ್ಪತ್ರೆಯ ಶೌಚಗೃಹದ ಕಿಟಕಿ ಮುರಿದು ಕಾಲಿಗೆ ಬುದ್ಧಿ ಹೇಳಿದ್ದಾನೆ. ಪರಿಣಾಮವಾಗಿ ಕಾವಲಿಗಿದ್ದ ಪೇದೆಗಳಿಗೆ ಹಿರಿಯ ಅಧಿಕಾರಿಗಳು ಕ್ಲಾಸ್ ತೆಗೆದುಕೊಂಡಿದ್ದಾರೆ. ಕಳ್ಳ ಗಣೇಶನ ಹೆಡೆಮುರಿ ಕಟ್ಟಲು ಪೊಲೀಸರು ಬಲೆ ಬೀಸಿದ್ದಾರೆ. (ದಿಗ್ವಿಜಯ ನ್ಯೂಸ್​)

Leave a Reply

Your email address will not be published. Required fields are marked *

Back To Top