ಪ್ರೇಯಸಿ ಜತೆ ಸೆಲ್ಫಿ ತೆಗೆಯುವಾಗ ಅಡ್ಡ ಬಂದ ಯುವಕನ ಮೇಲೆ ಪ್ರಿಯಕರನಿಂದ ಹಲ್ಲೆ!

ಬೆಂಗಳೂರು: ಪ್ರೇಯಸಿ ಜತೆ ಸೆಲ್ಫಿ ತೆಗೆಯುವಾಗ ಯುವಕನೊಬ್ಬ ಅಡ್ಡ ಬಂದಿದ್ದಕ್ಕೆ ಪ್ರಿಯಕರ ತನ್ನ ಸ್ನೇಹಿತರೊಂದಿಗೆ ಸೇರಿ ಆತನ ಮೇಲೆ ಹಲ್ಲೆ ನಡೆಸಿರುವ ಘಟನೆ ಉತ್ತರಹಳ್ಳಿಯ ಅಕ್ಕಮ್ಮ ಬೆಟ್ಟದಲ್ಲಿ ಸೋಮವಾರ ನಡೆದಿದೆ.

ಜಬ್ಬಿಖಾನ್ ಹಲ್ಲೆಗೊಳಗಾದವ. ಪ್ರಿಯಕರ ತನ್ನ ಆರು ಮಂದಿ ಸ್ನೇಹಿತರೊಂದಿಗೆ ಸೇರಿ ಹಲ್ಲೆ ನಡೆಸಿ, ಮೊಬೈಲ್​ ಮತ್ತು ಪರ್ಸ್​ ಕಸಿದುಕೊಂಡರು ಎಂದು ಸಂತ್ರಸ್ತ ಜಬ್ಬಿ ಖಾನ್ ಆರೋಪಿಸಿದ್ದಾರೆ.

ಈ ಸಂಬಂಧ ಚಿಕ್ಕಜಾಲ ಪೊಲೀಸ್ ಠಾಣೆಗೆ ದೂರು ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. (ದಿಗ್ವಿಜಯ ನ್ಯೂಸ್​)