16 C
Bangalore
Wednesday, December 11, 2019

ಮೋದಿ ನಿಯತ್ತಿನ ಮೇಲೆ ಜನರಿಗಿದೆ ವಿಶ್ವಾಸ: ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಅಭಿಮತ

Latest News

ಸಿಲ್ಕ್ ಮಾರ್ಕ್ ಎಕ್ಸ್​ಪೋ ಆರಂಭ

ಬೆಂಗಳೂರು: ಕೇಂದ್ರೀಯ ರೇಷ್ಮೆ ಮಂಡಳಿಯ ಉಪಕ್ರಮವಾಗಿರುವ ಭಾರತೀಯ ಸಿಲ್ಕ್ ಮಾರ್ಕ್ ಸಂಸ್ಥೆ ಚಿತ್ರಕಲಾ ಪರಿಷತ್​ನಲ್ಲಿ ಆಯೋಜಿಸಿ ರುವ ‘ಸಿಲ್ಕ್ ಮಾರ್ಕ್ ಎಕ್ಸ್​ಪೋ’ಗೆ ಮಂಗಳವಾರ...

ತಮಿಳುನಾಡು ವಿರುದ್ಧ ಇನಿಂಗ್ಸ್ ಮುನ್ನಡೆಗಾಗಿ ಕರ್ನಾಟಕ ಪೈಪೋಟಿ

ದಿಂಡಿಗಲ್: ಮೂರು ದಿನಗಳ ಹಿಂದಷ್ಟೇ ಹಸೆಮಣೆ ಏರಿದ್ದ ಕೃಷ್ಣಪ್ಪ ಗೌತಮ್ (51 ರನ್, 39 ಎಸೆತ, 4 ಬೌಂಡರಿ, 4 ಸಿಕ್ಸರ್, 61ಕ್ಕೆ...

ಜೆಡಿಎಸ್​​ ಶಾಸಕರಲ್ಲಿ ಅಭದ್ರತೆ, ವರಿಷ್ಠರ ಆತಂಕ

ಬೆಂಗಳೂರು: ಉಪಚುನಾವಣೆಯಲ್ಲಿ ಹೀನಾಯ ಸೋಲು ಕಂಡ ಜೆಡಿಎಸ್​ನಲ್ಲಿ ಈಗ ನೀರವ ಮೌನ ಆವರಿಸಿದೆ. ಆರೋಗ್ಯದ ಸಮಸ್ಯೆಯಿಂದ ವಿಶ್ರಾಂತಿಯಲ್ಲಿರುವ ಮಾಜಿ ಸಿಎಂ ಎಚ್.ಡಿ.ಕುಮಾರಸ್ವಾಮಿ ಹಾಗೂ ಮಾಜಿ...

ವಾಂಖೆಡೆಯಲ್ಲಿ ಭಾರತ-ವೆಸ್ಟ್ ಇಂಡೀಸ್ ನಡುವೆ ಇಂದು ನಿರ್ಣಾಯಕ ಟಿ 20 ಪಂದ್ಯ

ಮುಂಬೈ: 2011ರ ಏಪ್ರಿಲ್​ನಲ್ಲಿ ಭಾರತದ ಸ್ಮರಣೀಯ ಗೆಲುವಿಗೆ ಕಾರಣವಾಗಿದ್ದ ವಾಂಖೆಡೆ ಮೈದಾನದಲ್ಲಿಯೇ ಭಾರತ 2016ರ ಮಾರ್ಚ್ 31ರಂದು ಟಿ20 ಮಾದರಿಯ ಕೆಟ್ಟ ಸೋಲು...

ಹಿಂದಿ ಯೂ ಟರ್ನ್​ಗೆ ತಾಪ್ಸೀ ನಾಯಕಿ?

ಬೆಂಗಳೂರು: ಕನ್ನಡದ ಸಿನಿಮಾಗಳು ಬಾಲಿವುಡ್​ನಲ್ಲಿ ಸದ್ದು ಮಾಡುತ್ತಿವೆ. ಈಗ ಆ ಸಾಲಿಗೆ ಮತ್ತೊಂದು ಸಿನಿಮಾ ಸೇರ್ಪಡೆಯಾಗುವ ಸೂಚನೆ ಸಿಕ್ಕಿದೆ. ಅದೇ ‘ಯೂ ಟರ್ನ್’. 2016ರಲ್ಲಿ...

ಬಿಜೆಪಿ ಜತೆಗೆ ಅನೇಕ ವರ್ಷಗಳಿಂದಲೂ ಒಡನಾಟ ಹೊಂದಿ ಚುನಾವಣೆಯಲ್ಲೂ ತೊಡಗಿದ್ದರೂ ಅಧಿಕೃತವಾಗಿ ಮೇನಲ್ಲಿ ಬಿಜೆಪಿ ಸೇರ್ಪಡೆಯಾಗಿರುವ ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಈ ಬಾರಿ ಲೋಕಸಭೆ ಚುನಾವಣೆ ಸಮಿತಿ ಸಹ ಸಂಚಾಲಕ. ರಾಜ್ಯದಲ್ಲಿನ ಚುನಾವಣೆ ನಿರ್ವಹಣೆಗೆ ಕೇಂದ್ರದ ಪ್ರತಿನಿಧಿ ಎಂದೇ ಭಾವಿಸಲಾಗಿದೆ. ರಾಷ್ಟ್ರದಲ್ಲಿ ಚುನಾವಣೆ ಸ್ಥಿತಿ, ಕಾಂಗ್ರೆಸ್ ತಂತ್ರ, ಬಿಜೆಪಿ ತಯಾರಿ ಕುರಿತು ವಿಜಯವಾಣಿ ಜತೆ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

# ಕರ್ನಾಟಕದಲ್ಲಿ ಮೈತ್ರಿಯಿಂದ ಬಿಜೆಪಿಗೆ ಅಪಾಯವಿಲ್ಲವೇ?

-ಉತ್ತರಪ್ರದೇಶದಲ್ಲಿ ಯಾದವ+ಮುಸ್ಲಿಂ+ಒಬಿಸಿ =ಬಿಜೆಪಿ ವಿರುದ್ಧ ಜಯ ಎನ್ನುವುದು ಎಷ್ಟು ಸುಳ್ಳೋ, ಕರ್ನಾಟಕದಲ್ಲಿ ಕಾಂಗ್ರೆಸ್+ಜೆಡಿಎಸ್= ಬಿಜೆಪಿಗಿಂತ ಹೆಚ್ಚು ಮತ ಎಂಬುದೂ ಸಾಧ್ಯವಿಲ್ಲ. ಜನರ ಜತೆಗೆ ಪ್ರಧಾನಿ ಮೋದಿ ನೇರವಾಗಿ ಸಂಪರ್ಕದಲ್ಲಿರುವ ಕಾರಣ ಈ ಚುನಾವಣೆಯಲ್ಲಿ ಯಾವ ಜಾತಿ ಲೆಕ್ಕಾಚಾರವೂ ನಡೆಯುವುದಿಲ್ಲ.

# ರಫೇಲ್ ಖರೀದಿ ಕುರಿತು ಮತ್ತೆ ವಿಚಾರಣೆ ಬಂದದ್ದು ಹಿನ್ನಡೆಯೇ?

-ರಫೇಲ್ ವಿಚಾರ ಈಗಾಗಲೆ ಸುಪ್ರೀಂಕೋರ್ಟ್ ನಲ್ಲಿ ಇತ್ಯರ್ಥವಾಗಿದೆ. ಆದರೆ ಯಾವುದೇ ತೀರ್ಪನ್ನು ಮರುಪರಿಶೀಲಿಸುವಂತೆ ನ್ಯಾಯಾಲಯದ ಮೊರೆ ಹೋಗಲು ಎಲ್ಲ ನಾಗರಿಕರಿಗೆ ಅಧಿಕಾರವಿದೆ. ರಾಹುಲ್ ಇದನ್ನು ರಾಜಕೀಯವಾಗಿ ಬಳಸಿಕೊಂಡು ಲಾಭ ಪಡೆಯಲು ಮುಂದಾಗುತ್ತಿದ್ದಾರೆ. ಮಧ್ಯಪ್ರದೇಶ ಸಿಎಂ ವಿರುದ್ಧ ಸುತ್ತಿಕೊಳ್ಳುತ್ತಿದ್ದ 500 ಕೋಟಿ ರೂ. ಐಟಿ ದಾಳಿ ವಿಷಯಾಂತರ ಮಾಡಲು ಈ ಕಸರತ್ತು ಅಷ್ಟೆ.

# 2018ರಲ್ಲಿ ನಡೆದಿದ್ದ ಮೂರು ರಾಜ್ಯಗಳ ಚುನಾವಣೆಯಲ್ಲಿ ರೈತರು ಬಿಜೆಪಿಯಿಂದ ದೂರ ಹೋಗಿದ್ದರು. ಅದನ್ನು ಸರಿಪಡಿಸುವ ಪ್ರಯತ್ನ ಏನು?

-ರೈತರು ಸಂಕಷ್ಟದಲ್ಲಿದ್ದಾರೆ, ಸಾಲಮನ್ನಾ ಮಾಡುತ್ತೇವೆ ಎಂಬ ಕಾಂಗ್ರೆಸ್ ಚುನಾವಣಾ ತಂತ್ರ ಈ ಮೂರು ರಾಜ್ಯಗಳಲ್ಲಿ ಫಲ ನೀಡಿದೆ ಎಂಬುದನ್ನು ಒಪು್ಪತ್ತೇವೆ. ಆದರೆ ಅದೇ ಮಧ್ಯಪ್ರದೇಶ, ರಾಜಸ್ಥಾನದ ಜತೆಗೆ ಪಂಜಾಬ್​ನಲ್ಲಿ ಕಾಂಗ್ರೆಸ್​ನ ನಿಜಮುಖ ರೈತರಿಗೆ ಅರ್ಥವಾಗಿದೆ. ಕರ್ನಾಟಕದಲ್ಲೂ ಸಾಲಮನ್ನಾ ಘೊಷಣೆಗೆ ಸೀಮಿತವಾಗಿದೆ. ಸಾಲಮನ್ನಾದಂತಹ ತಾತ್ಕಾಲಿಕ ಪರಿಹಾರದ ಬದಲಿಗೆ 2022ರ ವೇಳೆಗೆ ಇಡೀ ಕೃಷಿ ವಲಯವನ್ನು ಉತ್ತೇಜಿಸುವ, ರೈತರನ್ನು ಸ್ವಾವಲಂಬಿಯಾಗಿಸುವ ಗುರಿ ಪ್ರಧಾನಿಯವರದ್ದು.

# 2022ರಕ್ಕೆ ಕೇವಲ ಮೂರು ವರ್ಷವಿದೆ, ಇಷ್ಟು ಕಡಿಮೆ ಅವಧಿಯಲ್ಲಿ ಅಗಾಧ ಕೆಲಸ ಹೇಗೆ ಸಾಧ್ಯ?

-ಪಾಕಿಸ್ತಾನದ ಮೇಲೆ ಭಾರತ ದಾಳಿ ಮಾಡಬಲ್ಲದೇ? ದೊಡ್ಡ ಉದ್ಯಮಿಗಳು ಪಡೆದ ಸಾಲ ಹಿಂದಿರುಗಿಸುತ್ತಾರೆಯೇ? ಭಾರತ ಸರ್ಕಾರ ಭ್ರಷ್ಟಾಚಾರದಿಂದ ಮುಕ್ತವಾಗಲು ಸಾಧ್ಯವೇ ಎಂಬ ಪ್ರಶ್ನೆ 2014ರಲ್ಲಿ ಕೇಳಿದ್ದರೆ ಉತ್ತರ ಕಷ್ಟವಾಗುತ್ತಿತ್ತು. ಆದರೆ ಇಂದು ಮೋದಿಯವರ ನಿಯತ್ತಿನ ಮೇಲೆ ಜನರಿಗೆ ವಿಶ್ವಾಸವಿದೆ.

# ಕೇರಳದಲ್ಲಿ ರಾಹುಲ್ ಗಾಂಧಿ ಸ್ಪರ್ಧೆ, ಬಿಜೆಪಿ ಸ್ಥಿತಿ ಬಗ್ಗೆ ನಿಮ್ಮ ವಿಶ್ಲೇಷಣೆ?

-ರಾಹುಲ್ ಸ್ಪರ್ಧೆ ಕಾರಣಕ್ಕೇ ಕೇರಳದಲ್ಲಿ ಬಿಜೆಪಿ ಹೆಚ್ಚು ಲಾಭ ಪಡೆಯುತ್ತದೆ. 5-6 ಕ್ಷೇತ್ರದಲ್ಲಿ ಬಿಜೆಪಿ 1 ಅಥವಾ 2ನೇ ಸ್ಥಾನ ಪಡೆಯುತ್ತದೆ.

# ಬೆಂಗಳೂರಿಗೆ ಬಿಜೆಪಿ ಕೊಡುಗೆಯನ್ನು ಪ್ರಶ್ನಿಸಿದರೆ?

-ಬೆಂಗಳೂರು ಅಭಿವೃದ್ಧಿ ವಿಚಾರ ಚರ್ಚೆ ಆಗಲೇ ಬೇಕು. ಪ್ರತಿ ವರ್ಷ 10 ಸಾವಿರ ಕೋಟಿ ರೂ. ಬಜೆಟ್ ಹೊಂದಿರುವ ಸಂಸ್ಥೆ ಏನು ಕೆಲಸ ಮಾಡಿದೆ? ಅಭಿವೃದ್ಧಿ ಏಕೆ ಆಗಿಲ್ಲ? ಈ ಪ್ರಶ್ನೆಗೆ ರಿಜ್ವಾನ್ ಅರ್ಷದ್ ಮತ್ತೆ ಕೃಷ್ಣ ಭೈರೇಗೌಡ ಉತ್ತರಿಸಬೇಕು.

# ಕರ್ನಾಟಕದಲ್ಲಿ ವಾತಾವರಣ ಹೇಗಿದೆ?

-ರಾಜ್ಯಾದ್ಯಂತ ಉತ್ತಮ ವಾತಾವರಣವಿದೆ. ಸದ್ಯದ ಸ್ಥಿತಿಯಲ್ಲಿ ನನ್ನ ಪ್ರಕಾರ 23 ಸ್ಥಾನ ಬಿಜೆಪಿ ಗೆಲ್ಲುತ್ತದೆ.

# ಸ್ಥಳೀಯವಾಗಿ ಸಂಸದರ ಕುರಿತು ಸದಾಭಿಪ್ರಾಯ ಇಲ್ಲವಲ್ಲ?

-ನಾನು ಯಾವ ಸಂಸದರಿಗೂ ಪ್ರಮಾಣಪತ್ರ ನೀಡಲು ಹೋಗುವುದಿಲ್ಲ. ಆದರೆ ಕಳೆದ ಅವಧಿಯಲ್ಲಿ ಕರ್ನಾಟಕದಲ್ಲಿ ಕಾಂಗ್ರೆಸ್ ಸರ್ಕಾರ ಇತ್ತು ಎಂಬುದು ಮುಖ್ಯ. ನನ್ನದೇ ಸಂಸದ ಆದರ್ಶ ಗ್ರಾಮ ಕಾರ್ಯಕ್ಕೆ ಅನೇಕ ಅಡ್ಡಿ ಎದುರಿಸಬೇಕಾಯಿತು. ಯಾವ ಕೆಲಸವನ್ನೂ ಮಾಡಲು ಬಿಡದೆ ತಡೆ ಒಡ್ಡುತ್ತಿರುತ್ತಾರೆ.

# ಬಿಜೆಪಿ ಹುಳುಕು ಮುಚ್ಚಿ ಕೊಳ್ಳಲು ಐಟಿ ದಾಳಿ ನಡೆಸುತ್ತಿದೆ ಎಂಬ ಆರೋಪದ ಬಗ್ಗೆ?

– ನನಗೆ ಒಂದು ವಿಚಾರ ಅರ್ಥವಾಗುತ್ತಿಲ್ಲ. ಚುನಾವಣೆ ಸಮಯದಲ್ಲಿ ಕಪು್ಪ ಹಣ ಚಲಾವಣೆ, ಕಾಂಟ್ರಾಕ್ಟರ್​ಗಳಿಗೆ ಮುಕ್ತ ಸ್ವಾತಂತ್ರ್ಯ ನೀಡಿ ಐಟಿ ಇಲಾಖೆ, ಪೊಲೀಸರು ರಜೆ ತೆಗೆದುಕೊಳ್ಳಬೇಕೆ? ಚುನಾವಣೆ ಸಮಯದಲ್ಲಿ ಅತ್ಯಾಚಾರವಾದರೆ ಪೊಲೀಸರು ಸುಮ್ಮನಿರುತ್ತಾರೆಯೇ? ಜನರ ದಾರಿ ತಪ್ಪಿಸಲು ಈ ತಂತ್ರ.

Stay connected

278,738FansLike
587FollowersFollow
623,000SubscribersSubscribe

ವಿಡಿಯೋ ನ್ಯೂಸ್

VIDEO: ಮರದ ಮೇಲಿದ್ದ ಹಾವನ್ನು ಜಂಪ್​ ಮಾಡಿದ ಹಿಡಿದ ಮುಂಗುಸಿ;...

ಬಳ್ಳಾರಿ: ಹಾವು-ಮುಂಗುಸಿ ಫೈಟ್​ ಹೊಸದಲ್ಲ. ಈಗಾಗಲೇ ಅದೆಷ್ಟೋ ದೃಶ್ಯಗಳನ್ನು ನೋಡಿರುತ್ತೇವೆ. ಆದರೆ ಇಲ್ಲೊಂದು ಮುಂಗುಸಿ ಹಾವನ್ನು ಹಿಡಿದ ಪರಿ ನೋಡಿದರೆ ಒಂದು ಕ್ಷಣ ಮೈ ಜುಂ ಎನ್ನುತ್ತದೆ. ಹಾವಿನ ಮೇಲೆ ಸುಮ್ಮನೆ ಕುಳಿತಿದ್ದ ಮಾರುದ್ದ...

VIDEO: ಏರ್​ಪೋರ್ಟ್​ನಲ್ಲಿ ಬ್ಯಾಗೇಜ್​ಗಳ ಸಭ್ಯ ನಡತೆ ನೋಡಿ ಮನಸೋತ ನೆಟ್ಟಿಗರು;...

ಯಾವುದಾದರೂ ಕ್ಯೂದಲ್ಲಿ ನಿಂತರೂ ನೂಕುನುಗ್ಗಲು ಮಾಡುವ ಮನುಷ್ಯರಗಿಂತ ಈ ಬ್ಯಾಗೇಜ್​ಗಳು ಸಾವಿರ ಪಾಲು ಉತ್ತಮ ! ಅರೆ, ಇದೇನು? ಮನುಷ್ಯರಿಗೂ, ಬ್ಯಾಗೇಜ್​ಗಳಿಗೂ ಎಲ್ಲಿಯ ಹೋಲಿಕೆ ಎನ್ನುತ್ತೀರಾ? ಹಾಗಾದರೆ ಈ ಸುದ್ದಿ ಓದಿ, ವಿಡಿಯೋ ನೋಡಿದರೆ...

VIDEO| ಕೇಸ್ರಿಕ್ ವಿರುದ್ಧ ಸೇಡು ತೀರಿಸಿಕೊಂಡ ಕೊಹ್ಲಿ!

ಹೈದರಾಬಾದ್: ಮೊದಲ ಟಿ20 ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಮೂಲಕ ಭಾರತ ತಂಡವನ್ನು ಗೆಲ್ಲಿಸಿದ ನಾಯಕ ವಿರಾಟ್ ಕೊಹ್ಲಿ, ಹಳೆಯ ಲೆಕ್ಕವೊಂದನ್ನೂ ಚುಕ್ತಾ ಮಾಡಿದರು. ಭಾರತದ ಚೇಸಿಂಗ್ ವೇಳೆ ಇನಿಂಗ್ಸ್​ನ 16ನೇ...

VIDEO| ವಿಚಾರಣೆಗೆಂದು ನ್ಯಾಯಾಲಯಕ್ಕೆ ಕರೆತಂದಿದ್ದ ಅತ್ಯಾಚಾರ ಆರೋಪಿಯ ಮೇಲೆ ಮುಗಿಬಿದ್ದ...

ಇಂದೋರ್​: ಅಪ್ರಾಪ್ತೆ ಮೇಲಿನ ಅತ್ಯಾಚಾರ ಪ್ರಕರಣದ ಆರೋಪಿ ಮೇಲೆ ನ್ಯಾಯಾಲಯದ ಆವರಣದಲ್ಲೇ ವಕೀಲರ ಗುಂಪು ಹಲ್ಲೆ ನಡೆಸಲು ಯತ್ನಿಸಿರುವ ಘಟನೆ ಮಧ್ಯಪ್ರದೇಶದ ಇಂದೋರ್​ನಲ್ಲಿ ಶನಿವಾರ ನಡೆದಿದೆ. ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ...

ಸಶಸ್ತ್ರ ಪಡೆಗಳ ಧ್ವಜ ದಿನ; ಭೂ, ವಾಯು, ನೌಕಾ ಪಡೆಗಳ...

ನವದೆಹಲಿ: ಸಶಸ್ತ್ರ ಪಡೆಗಳ ಧ್ವಜ ದಿನವಾದ ಇಂದು ಪ್ರಧಾನಿ ನರೇಂದ್ರ ಮೋದಿಯವರು ಭೂ, ವಾಯು ಹಾಗೂ ನೌಕಾಪಡೆಗಳ ಸಿಬ್ಬಂದಿಗೆ ಶುಭಾಶಯ ತಿಳಿಸಿದರು. ಟ್ವೀಟ್​ ಮೂಲಕ ಶುಭ ಹಾರೈಸಿದ ಅವರು, ಸಶಸ್ತ್ರ ಪಡೆಗಳ ಧ್ವಜ ದಿನಾಚರಣೆಯ...

ಇಂದಿನ ಬಿಗ್​ಬಾಸ್ ಕನ್ನಡ ​ಶೋನಲ್ಲಿ ಕಿಚ್ಚ ಸುದೀಪ್​ ಜತೆ ಇರಲಿದ್ದಾರೆ...

ಬೆಂಗಳೂರು: ಇಂದು ಬಿಗ್​ಬಾಸ್​ನ ವಾರದ ಕತೆ ಕಿಚ್ಚ ಸುದೀಪ್​ ಜತೆ ಎಪಿಸೋಡ್​ನಲ್ಲಿ ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ಕೂಡ ಜತೆಯಾಗಲಿದ್ದಾರೆ !ಇದು ಕಿರುತೆರೆ ಇತಿಹಾಸದಲ್ಲಿಯೇ ಪ್ರಥಮ ಎನ್ನಲಾಗಿದ್ದು ಸದ್ಯ ಕಲರ್ಸ್​ ಕನ್ನಡ ಬಿಡುಗಡೆ...