ವಕೀಲ ಮೇಲೆ ಹಲ್ಲೆ- ಕಲಾಪದಿಂದ ದೂರ ಉಳಿದು ಆಕ್ರೋಶ

ಕೂಡ್ಲಿಗಿ: ರಾಯಚೂರಿನಲ್ಲಿ ವಿನಾಕಾರಣ ವಕೀಲ ಪಿ.ಎಸ್.ವೀರಯ್ಯ ಮೇಲೆ ಹಲ್ಲೆ ನಡೆಸಿ, ಠಾಣೆಯಲ್ಲಿ ಬೇಡಿ ಹಾಕಿ ನಿಲ್ಲಿಸಿದ ಪಿಎಸ್‌ಐ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸಿ ತಾಲೂಕು ವಕೀಲರ ಸಂಘದ ಪದಾಧಿಕಾರಿಗಳು ಕಲಾಪದಿಂದ ದೂರ ಉಳಿದು ಶುಕ್ರವಾರ ಪ್ರತಿಭಟನೆ ನಡೆಸಿದರು.

ವಕೀಲರ ಸಂಘದ ತಾಲೂಕು ಅಧ್ಯಕ್ಷ ಜಿ.ಹೊನ್ನೂರಪ್ಪ ಮಾತನಾಡಿ, ಕ್ಷುಲಕ ಕಾರಣಕ್ಕೆ ವಕೀಲನನ್ನು ಪಶ್ಚಿಮ ಠಾಣೆಗೆ ಕರೆದುಕೊಂಡ ಹೋದ ಪಿಎಸ್‌ಐ ನಾಗರಾಜ್ ಮೇಕಾ ಕಾನೂನಿನ ಕನಿಷ್ಠ ಜ್ಞಾನವಿಲ್ಲದೆ ವೀರಯ್ಯ ಅವರ ಜತೆಗೆ ಅಮಾನವೀಯವಾಗಿ ವರ್ತಿಸಿದ್ದಾರೆ.

ಕೂಡಲೆ ಅವರನ್ನು ಅಮಾನತುಗೊಳಿಸಬೇಕು. ವಕೀಲ ವೀರಯ್ಯಗೆ ಸೂಕ್ತ ರಕ್ಷಣೆ ಒದಗಿಸಬೇಕು. ಬೇಡಿಕೆ ಈಡೇರಿಸದೆ ಇದ್ದಲ್ಲಿ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಸಿದರು.

ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಪ್ರತಿಭಟನಾ ಮೆರವಣಿಗೆ ನಡೆಯಿತು. ತಾಲೂಕು ವಕೀಲರ ಸಂಘದ ಪದಾಧಿಕಾರಿಗಳಾದ ಟಿ.ಮಲ್ಲಿಕಾರ್ಜುನ, ಎಲ್.ಎಸ್.ಬಷೀರ್‌ಅಹ್ಮದ್, ಟಿ.ಎ.ಸಲೀಂ, ಜಿ.ಎಂ. ಮಲ್ಲಿಕಾರ್ಜುನಯ್ಯ, ಡಿ.ಕೆ.ಬಿ.ರಾಜು, ಸಿ.ಬಸವರಾಜ, ರಮೇಶ್, ಪರುಶಪ್ಪ ಇತರರಿದ್ದರು. ತಹಸೀಲ್ದಾರ್ ಎಸ್.ಮಹಾಬಲೇಶ್ವರ ಮೂಲಕ ಮುಖ್ಯಮಂತ್ರಿ, ಗೃಹ ಸಚಿವರಿಗೆ ಮನವಿ ಸಲ್ಲಿಸಲಾಯಿತು.

Leave a Reply

Your email address will not be published. Required fields are marked *