ಒಂದೂವರೆ ವರ್ಷಕ್ಕೆ ಭೂಪಟ ಗುರುತಿಸುವ ಚತುರ ಕೃಷ್ಣ

ಕೋಲಾರ: ಮೂರ್ತಿ ಚಿಕ್ಕದಾದರೂ, ಕೀರ್ತಿ ದೊಡ್ಡದು ಎನ್ನುವ ಮಾತನ್ನು ಕೋಲಾರದ ಒಂದೂವರೆ ವರ್ಷದ ಪುಟ್ಟ ಪೋರ ನಿಜವಾಗಿಸಿದ್ದಾನೆ.

ಕೋಲಾರ ಜಿಲ್ಲೆಯ ಪಿ.ಸಿ ಬಡಾವಣೆಯ ನಿವೃತ್ತ ಮಿಲಿಟರಿ ಅಧಿಕಾರಿ ಜವಹರ್​ ಬಾಬು ಅವರ ಮೊಮ್ಮಗ ಕೃಷ್ಣ ವಯಸ್ಸಿಗೂ ಮೀರಿದ ಜ್ಞಾನವನ್ನು ಹೊಂದಿದ್ದಾನೆ. ಈತನ ತಂದೆ ವೆಂಕಟೇಶ್​ ಮೂರ್ತಿ ನೌಕಾಪಡೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ ಹಾಗೂ ತಾಯಿ ಮೃದುಲಾ ಗೋವಾದಲ್ಲಿ ಬ್ಯಾಂಕ್​ ಮ್ಯಾನೇಜರ್ ಆಗಿದ್ದಾರೆ.

ಕೇವಲ 18 ತಿಂಗಳಿರುವಾಗಲೇ ಈ ‘ವಂಡರ್​ ಬಾಯ್​’ ರಾಜ್ಯದ ಹೆಸರು ಹೇಳಿದರೆ ಭೂಪಟದಲ್ಲಿ ಪಟ್‌ ಅಂತಾ ತೋರಿಸ್ತಾನೆ. ಚೆಸ್​ ಪಾನ್​ಗಳನ್ನ ಕೈಗೆ ಕೊಟ್ರೆ, ಟಕ್‌ ಅಂತಾ ಹೆಸರು ಹೇಳ್ತಾನೆ. ಪ್ರಪಂಚದ ಎಲ್ಲಾ ದೇಶಗಳ ಬಾವುಟ ನೋಡಿ ಯಾವ ದೇಶ ಅಂತ ಗುರುತಿಸ್ತಾನೆ.

ತಾಯಿ ಮೃದುಲಾ ಗರ್ಭಿಣಿಯಾಗಿದ್ದಾಗ ಧೈರ್ಯ, ಶೌರ್ಯ, ಸಾಹಸದ ಕಥೆಗಳನ್ನ ಓದುತ್ತಿದ್ದರಂತೆ. 8 ತಿಂಗಳ ಮಗುವಿದ್ದಾಗಲೇ ಕೃಷ್ಣನಿಗೆ ಪಾಠ ಹೇಳಿ ಕೊಡೋಕೆ ಶುರು ಮಾಡಿದ್ದರು. ಇವೆಲ್ಲಾ ಪರಿಶ್ರಮದ ಫಲವಾಗಿ ಇಂದು 18 ತಿಂಗಳ ಮಗು ಕೃಷ್ಣ ಯೂನಿಕ್ ವರ್ಲ್ಡ್​ ರೆಕಾರ್ಡ್ ಲಿಮಿಟಿಡ್ ಮತ್ತು ಆರ್​ಎಚ್​ಓ ಸ್ಪರ್ಧೆಯಲ್ಲಿ ರೆಕಾರ್ಡ್ ಮಾಡಿ, ಪ್ರಶಸ್ತಿ ಗೆದ್ದಿದ್ದಾನೆ. ಈ ವಯಸ್ಸಿಗೆ ಸಲೀಸಾಗಿ ಇಂಗ್ಲಿಷ್​ ಮಾತನಾಡುತ್ತಾನೆ. ಯಾವುದೇ ವಿಷಯ ಹೇಳಿದರೂ ತಕ್ಷಣ ನೆನಪಿಟ್ಟುಕೊಳ್ಳುವಂಥ ಅಸಾಧಾರಣ ಬುದ್ಧಿವಂತ ಈತ. ಪುಟ್ಟಪೋರ ಕೃಷ್ಣನ ಟ್ಯಾಲೆಂಟ್‌ಗೆ ರಾಜ್ಯದ ಜನತೆಯೇ ಬೆರಗಾಗಿದ್ದಾರೆ. (ದಿಗ್ವಿಜಯ ನ್ಯೂಸ್​)

Leave a Reply

Your email address will not be published. Required fields are marked *