ನವದೆಹಲಿ: ಅಮೆರಿಕದ ಖ್ಯಾತ ಗಾಯಕಿ ಕೇಟಿ ಪೆರ್ರಿ ಸೊಂಡದ ಮೇಲೆ ಕ್ಯೂಆರ್ ಕೋಡ್ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಇದೀಗ ತಾವು ಹಾಕಿಸಿಕೊಂಡಂತಹ ಹೊಸ ಟ್ಯಾಟೂವಿನಿಂದಲೇ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸುದ್ದಿಯಲ್ಲಿದ್ದಾರೆ.
ವರ್ಷಗಳ ಹಿಂದೆ ತನ್ನ ಕೇಟಿ ಪೆರ್ರಿ ತನ್ನ ತೋಳಿನ ಮೇಲೆ ಸಂಸ್ಕೃತದಲ್ಲಿ ಟ್ಯಾಟು ಹಾಕಿಸಿಕೊಂಡು ಸುದ್ದಿಯಲ್ಲಿದ್ದರು. ಇದೀಗ ಅವರು ತನ್ನ ಸೊಂಟದ ಮೇಲೆ ಕ್ಯೂಆರ್ ಕೋಡ್ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.
ಇತ್ತೀಚಿಗೆ ನಡೆದ 2024 ರ ಎಂಟಿವಿ ವಿಡಿಯೋ ಮ್ಯೂಸಿಕ್‌ ಅವಾರ್ಡ್‌ ಕಾರ್ಯಕ್ರಮದಲ್ಲಿ ಬೆನ್ನು ಹುರಿ ಮೇಲಿನ ಟ್ಯಾಟೂ ಕಾಣಿಸುವಂತೆ ಕ್ಯಾಮೆರಾಗೆ ಸ್ಟೈಲ್‌ ಆಗಿ ಪೋಸ್‌ ಕೊಟ್ಟಿದ್ದು, ಈ ಫೋಟೊಗಳು ಸಖತ್ ವೈರಲ್ ಆಗುತ್ತಿವೆ.ಪಾಪ್‌ ಗಾಯಕಿಯ ಈ ಕ್ಯೂಆರ್ ಹಚ್ಚೆಯ ಫೋಟೋಗಳು ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು, ಕೇಟಿ ಪೆರ್ರಿ ಅಭಿಮಾನಿಗಳು ಈ ಕ್ಯೂಆರ್ ಕೋಡ್ ಟ್ಯಾಟೂ ಅರ್ಥವೇನಪ್ಪಾ ಎಂದು ತಲೆ ಕೆಡಿಸಿಕೊಂಡಿದ್ದಾರೆ.
Katy Perry has a QR Code “tattooed” on her back #VMAs pic.twitter.com/bPTwI3Olz6
— Katy Perry Activity (@KatyActivity) September 11, 2024
ಕೇಟಿ ಹಾಕಿಸಿಕೊಂಡಿರುವ ಈ ಹಚ್ಚೆ ಆಕೆಯ ಮುಂಬರುವ ಆಲ್ಬಮ್‌ “143” ಗೂ ಸಂಬಂಧಿಸಿದೆ. 134 ಯ ಪ್ರೀ-ಸೇವ್‌ ಪುಟಕ್ಕೆ ಲಿಂಕ್‌ ಮಾಡುವಂತಹ ಕ್ಯೂಆರ್ ಕೋಡ್ ಆಗಿದ್ದು, ಈ ಮುಖಾಂತರ ಸೆಪ್ಟೆಂಬರ್‌ 20 ರಂದು ಬಿಡುಗಡೆಯಾಗಲಿರುವ ʼ143ʼ ಅಲ್ಬಾಮ್‌ ಅನ್ನು ವಿಶಿಷ್ಟ ರೀತಿಯಲ್ಲಿ ಪ್ರಚಾರ ಮಾಡಿದ್ದಾರೆ ಎನ್ನಲಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಗಾಯಕಿಯ ಈ ಟ್ಯಾಟೂ ಸಖತ್ ವೈರಲ್ ಆಗಿದೆ.
