ಮುಂಬೈ: ಇತ್ತೀಚೆಗೆ ಬಾಲಿವುಡ್ನ ಹಾಟ್ ಬ್ಯೂಟಿ ಕತ್ರಿನಾ ಕೈಫ್ ಹಾಗೂ ನಟ ವಿಕ್ಕಿ ಕೌಶಲ್ ಮದುವೆಯ ಸುದ್ದಿಯದ್ದೇ ಸದ್ದು. 2003ರಿಂದ ಪಡ್ಡೆ ಹುಡುಗರ ನಿದ್ದೆಗೆಡಿಸಿದ 38 ವರ್ಷದ ನಟಿ ಕತ್ರಿನಾ ಮದುವೆ ಡಿ.9ರಂದು ರಾಜಸ್ಥಾನದ ಸವಾಯಿ ಮಾದೋಪುರದಲ್ಲಿ ನಡೆಯಲಿದೆ. ಈ ನಡುವೆ ಕತ್ರಿನಾ-ವಿಕ್ಕಿ ಅವರ ಬಾಲ್ಯದ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.
ತಮ್ಮ ಬಾಲ್ಯದ ಫೋಟೋಗಳಲ್ಲಿ ಇಬ್ಬರೂ ತುಂಬಾ ಕ್ಯೂಟ್ ಆಗಿ ಕಾಣುತ್ತಿದ್ದಾರೆ. ಈ ಫೋಟೋಗಳನ್ನು ಕತ್ರಿನಾ ಹಾಗೂ ವಿಕ್ಕಿ ಅವರ ಹಲವಾರು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಹೀಗೆ, ವೈರಲ್ ಆಗುತ್ತಿರುವ ಫೋಟೋಗಳ ಪೈಕಿ ಆರು ಚಿತ್ರಗಳೀಗ ಗೂಗಲ್ನಲ್ಲಿ ಅತಿ ಹೆಚ್ಚು ಹುಡುಕಲಾಗಿರುವ ಫೋಟೋಗಳ ಪಟ್ಟಿಯಲ್ಲಿವೆ.
ಇದಲ್ಲದೆ, ಕತ್ರಿನಾ ಮತ್ತು ವಿಕ್ಕಿ ಚೈಲ್ಡ್ಹುಡ್ ಚಿತ್ರಗಳನ್ನು ಟ್ರೋಲ್ ಮಾಡಲಾಗುತ್ತಿದೆ. 33 ವರ್ಷದ ನಟ ವಿಕ್ಕಿಯ ಒಂದು ಫೋಟೋ ಮೇಲೆ, ‘ಯಾರು ಊಹಿಸಿದ್ದರು, ಮುಂದೆ ಈ ಹುಡುಗ ಭಾರತ ದೇಶದ ಅತ್ಯಂತ ಸುಂದರಿಯರಲ್ಲಿ ಒಬ್ಬರು ಎನಿಸಿಕೊಂಡ ಕತ್ರಿನಾಳ ಗಂಡ ಆಗಬಹುದು’ ಎಂಬ ಟೈಟಲ್ ಹಾಕಿ ವೈರಲ್ ಮಾಡಲಾಗುತ್ತಿದೆ. ಮತ್ತೊಂದೆಡೆ ವಿಕ್ಕಿ ಮತ್ತು ಕತ್ರಿನಾ ನಡುವಿನ 5 ವರ್ಷದ ವಯಸ್ಸಿನ ಅಂತರವನ್ನು ಆಧರಿಸಿ ನೆಟ್ಟಿಗರು ಟ್ರೋಲ್ಗಳನ್ನು ಸೃಷ್ಟಿಸುತ್ತಿದ್ದಾರೆ.
ಹೀಗಾಗಿ, ‘ಮಗು.. ಒಬ್ಬ ಹೀರೋ ಆಗಿ ಹೀರೋಯಿನ್ ಅನ್ನು ಎಗರಿಸಿಕೊಂಡು ಹೋಗಿದ್ದು, ಬೇರೆ ಗಂಡಸರ ಕನಸಿಗೆ ತಣ್ಣೀರೆರಚಿದೆಯಲ್ಲಪ್ಪಾ ವಿಕ್ಕಿ’ ಎಂಬ ಕ್ಯಾಪ್ಷನ್ಗಳು ಇಂಟರ್ನೆಟ್ ಜೋನ್ನಲ್ಲಿ ಗಮನ ಸೆಳೆಯುತ್ತಿವೆ. ಇನ್ನು, #Vickat ಎಂಬ ಹ್ಯಾಷ್ಟ್ಯಾಗ್ ಕೂಡ ಟ್ವಿಟರ್ನಲ್ಲಿ ಟ್ರೆಂಡಿಂಗ್ನಲ್ಲಿದೆ. ಬಾಲ್ಯದ ಫೋಟೋಗಳ ನಂತರ ತಾರಾಜೋಡಿಯ ಮದುವೆ ಫೋಟೋಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ಧೂಳೆಬ್ಬಿಸುವುದರಲ್ಲಿ ಸಂಶಯವಿಲ್ಲ.
ಡಾ.ರಾಜ್ ಸಿನಿಮಾ ಹೆಸರಲ್ಲೊಂದು ಕನಸು, ಪಾರ್ವತಮ್ಮನವರ ಜನ್ಮದಿನದಂದು ನನಸು: ಡಿ. 6ರಂದು ಅಪ್ಪು ರೋಮಾಂಚಕ ಅನುಭವದ ಝಲಕ್