Friday, 16th November 2018  

Vijayavani

Breaking News

ಸಖಿ ಮತಗಟ್ಟೆಗೆ ಗುಲಾಬಿ ಬಣ್ಣ!

Tuesday, 10.04.2018, 3:03 AM       No Comments

ಮಹಿಳಾ ಮತದಾನ ಪ್ರಮಾಣ ಹೆಚ್ಚಿಸಲು ಚುನಾವಣಾ ಆಯೋಗ ಆರಂಭಿಸುತ್ತಿರುವ ಮಹಿಳಾ ಮತಗಟ್ಟೆ ಸಖಿಯನ್ನು ಗುಲಾಬಿ ಬಣ್ಣದಿಂದ ಅಲಂರಿಸಲು ನಿರ್ಧರಿಸಲಾಗಿದೆ.

ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಿರುವ ಕಡೆ, ಮಹಿಳಾ ಮತದಾನ ಪ್ರಮಾಣ ಕಡಿಮೆ ಆಗಿರುವ ಕಡೆಗಳಲ್ಲಿ ಹಾಗೂ ಅಲ್ಪ ಸಂಖ್ಯಾತರು, ಬುಡಕಟ್ಟು ಜನಾಂಗಗಳು, ಐಟಿ/ಬಿಟಿಯವರು ವಾಸಿಸುವ ಕಡೆಗಳಲ್ಲಿ ಮಹಿಳೆಯರಿಗೇ ಪ್ರತ್ಯೇಕ ಮತಗಟ್ಟೆ ಸ್ಥಾಪಿಸಲು ಚುನಾವಣಾ ಆಯೋಗ ಕ್ರಮ ಕೈಗೊಂಡಿದೆ. ಮತಗಟ್ಟೆಯಲ್ಲಿ ಕಾರ್ಯ ನಿರ್ವಹಿಸುವ ಐದು ಮಂದಿ ಮಹಿಳೆಯರೇ ಆಗಿರುವುದಲ್ಲದೆ, ಇವುಗಳಿಗೆ ಸಖಿ ಪಿಂಕ್ ಎಂದು ಹೆಸರಿಟ್ಟು ಮಹಿಳಾ ಮತದಾರರನ್ನು ಆಕರ್ಷಿಸಲಾಗುತ್ತದೆ.

ಪ್ರತಿ ವಿಧಾನಸಭೆಗೆ 2 ರಂತೆ ಈ ಮಹಿಳಾ ಮತಗಟ್ಟೆಗಳಿರುತ್ತವೆ. ಈ ಮಹಿಳಾ ಮತಗಟ್ಟೆಗಳಿಗೆ ಬಿಗಿ ಪೊಲೀಸ್ ಭದ್ರತಾ ವ್ಯವಸ್ಥೆಯನ್ನೂ ಕಲ್ಪಿಸಲಾಗುತ್ತಿದೆ. ಮಹಿಳೆಯರು ಯಾವುದೆ ಭಯವಿಲ್ಲದೆ ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಬೇಕೆಂಬುದು ಚುನಾವಣಾ ಆಯೋಗದ ಆಶಯ. ಈ ಹಿನ್ನೆಲೆಯಲ್ಲಿ ಮಹಿಳಾ ಸ್ವಸಹಾಯ ಸಂಘ ಸೇರಿದಂತೆ ನಾನಾ ಸ್ವಯಂ ಸೇವಾ ಸಂಸ್ಥೆಗಳ ಸಹಯೋಗದೊಂದಿಗೆ ಮಹಿಳೆಯರಿಗೆ ಮತದಾನದ ಮಹತ್ವ ತಿಳಿಸುವ ಕೆಲಸವನ್ನೂ ಆಯೋಗ ಕೈಗೆತ್ತಿಕೊಂಡಿದೆ.

Leave a Reply

Your email address will not be published. Required fields are marked *

Back To Top