Thursday, 13th December 2018  

Vijayavani

Breaking News

ಮೇ ಮೊದಲ ವಾರ ಚುನಾವಣೆ ಒಂದೇ ಹಂತದಲ್ಲಿ ಮತದಾನ?

Saturday, 13.01.2018, 3:02 AM       No Comments

ಬೆಂಗಳೂರು: ರಾಜ್ಯದಲ್ಲಿ ಈ ಬಾರಿಯೂ ಒಂದೇ ಹಂತದ ಮತದಾನ ಇರಲಿದ್ದು, ಮೇ ಮೊದಲ ವಾರ ಚುನಾವಣೆ ನಡೆಯುವುದು ಬಹುತೇಕ ಖಾತ್ರಿಯಾಗಿದೆ. ಜನವರಿ ಅಂತ್ಯಕ್ಕೆ ಕೇಂದ್ರ ಚುನಾವಣೆ ಆಯೋಗದೊಂದಿಗೆ ನಡೆಯುವ ನಿರ್ಣಾಯಕ ಸಭೆಯಲ್ಲಿ ಈ ಕುರಿತು ಅಂತಿಮ ತೀರ್ಮಾನವಾಗಲಿದೆ.

ರಾಜ್ಯದಲ್ಲಿ ಒಂದೇ ಹಂತದ ಚುನಾವಣೆಗೆ ಎರಡೂ ರಾಷ್ಟ್ರೀಯ ಪಕ್ಷಗಳು ಮನವಿ ಮಾಡಿವೆ ಎಂದು ತಿಳಿದುಬಂದಿದೆ. ಈ ಬಗ್ಗೆ ಜೆಡಿಎಸ್ ಯಾವುದೇ ಮನವಿ ಮಾಡಿಲ್ಲ, ಆದರೆ ಎಡಪಕ್ಷಗಳು ಎರಡು ಹಂತಕ್ಕೆ ಕೋರಿಕೆ ಸಲ್ಲಿಸಿವೆ.

ಮೇ 28ರೊಳಗೆ ರಾಜ್ಯದಲ್ಲಿ ಹೊಸ ಸರ್ಕಾರ ರಚನೆಯಾಗಬೇಕಿದೆ. ಹೀಗಾಗಿ ಮೇ ಮೊದಲ ವಾರದಲ್ಲಿಯೇ ಚುನಾವಣೆ ನಡೆಸುವುದು ಕೂಡ ಬಹುತೇಕ ನಿಚ್ಚಳವಾಗಿದೆ. ಏಪ್ರಿಲ್ ಕೊನೆಯಷ್ಟರಲ್ಲಿ ರಾಜ್ಯದಲ್ಲಿ ಎಲ್ಲ ಪರೀಕ್ಷೆ ಹಾಗೂ ಮೌಲ್ಯಮಾಪನ ಅಂತ್ಯಗೊಂಡಿರುತ್ತದೆ.

ಈ ಬಗ್ಗೆ ಶುಕ್ರವಾರ ಮಾಧ್ಯಮಗಳೊಂದಿಗೆ ಮಾತನಾಡಿದ ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಸಂಜೀವ್​ಕುಮಾರ್, ರಾಜ್ಯದಲ್ಲಿ ಒಂದೇ ಹಂತದಲ್ಲಿ ಚುನಾವಣೆ ನಡೆಸಲು ನಾವು ಸಿದ್ಧವಿದ್ದೇವೆ. ನಮ್ಮಲ್ಲಿ ಅಗತ್ಯಕ್ಕೆ ತಕ್ಕನಾದ ಸಿಬ್ಬಂದಿಯೂ ಇದ್ದಾರೆ. ಅಂತಿಮವಾಗಿ ತೀರ್ಮಾನ ಕೈಗೊಳ್ಳುವುದು ಚುನಾವಣಾ ಆಯೋಗ ಎಂದು ತಿಳಿಸಿದ್ದಾರೆ.

ಪರಿಷ್ಕರಣೆ ಅವಧಿ ವಿಸ್ತರಣೆ: ಮತದಾರರ ಪಟ್ಟಿಗೆ ವಿಶೇಷ ಪರಿಷ್ಕರಣೆಯನ್ನು ಜ.22ರವರೆಗೆ ವಿಸ್ತರಿಸಲಾಗಿದೆ ಎಂದು ಸಂಜೀವ್​ಕುಮಾರ್ ತಿಳಿಸಿದರು. ಇತ್ತೀಚೆಗೆ ಕೇಂದ್ರ ಚುನಾವಣಾ ಆಯೋಗದ ಅಧಿಕಾರಿಗಳು ಪೂರ್ವಸಿದ್ಧ್ದೆ ಪರಿಶೀಲನೆಗಾಗಿ ಆಗಮಿಸಿದ್ದ ಸಂದರ್ಭ ವಿವಿಧ ರಾಜಕೀಯ ಪಕ್ಷಗಳು ಹಾಗೂ ಕೆಲ ಜಿಲ್ಲಾಧಿಕಾರಿಗಳು ಅರ್ಜಿ ಸಲ್ಲಿಕೆಗೆ ಕೊನೇ ದಿನಾಂಕ ವಿಸ್ತರಿಸುವಂತೆ ಕೋರಿದ್ದರು. ಈ ಹಿನ್ನೆಲೆಯಲ್ಲಿ ಜ.22ರವರೆಗೆ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ ಎಂದರು. ಮತದಾರರ ಗುರುತಿನ ಚೀಟಿ ಇದ್ದರೂ ಪಟ್ಟಿಯಲ್ಲಿ ತಮ್ಮ ಹೆಸರು ಇದೆಯೇ ಎಂದು ಪರಿಶೀಲಿಸಿಕೊಳ್ಳುವುದು ಒಳಿತು ಎಂದು ಸಲಹೆ ನೀಡಿದ ಅವರು, ಆಕ್ಷೇಪಣೆ- ಮನವಿಗಳ ವಿಲೇವಾರಿಗೆ ಫೆ.12 ಕೊನೆಯ ದಿನ. ಫೆ.28ರಂದು ಅಂತಿಮ ಮತದಾರರ ಪಟ್ಟಿ ಪ್ರಕಟಿಸಲಾಗುವುದು ಎಂದು ತಿಳಿಸಿದರು.

ಮತ ಚೀಟಿ ಪರಿಶೀಲನೆಗೆ: 97319 79899 ಸಂಖ್ಯೆಗೆ ಓಅಉಕಐಇ-ಠಿ;ಖಕಅಇಉ| ಉಕಐಇ ಘಣ ನಮೂದಿಸಿ ಎಸ್​ಎಂಎಸ್ ಮಾಡುವ ಮೂಲಕ ಖಾತರಿಪಡಿಸಿಕೊಳ್ಳಬಹುದು. ಮತಗಟ್ಟೆ, ಕ್ಷೇತ್ರ ಹಾಗೂ ಇತರೆ ವಿವರಗಳನ್ನು ಪಡೆಯಬಹುದು ಎಂದು ಸಂಜೀವ್​ಕುಮಾರ್ ತಿಳಿಸಿದರು.

ಅಂಕಿಅಂಶ

ಕರಡು ಮತದಾರರ ಪಟ್ಟಿಯಲ್ಲಿರುವ ಮತದಾರರ ಸಂಖ್ಯೆ- 4.90 ಲಕ್ಷ

ಈವರೆಗೆ ಹೊಸದಾಗಿ ಅರ್ಜಿ ಸಲ್ಲಿಸಿದವರು (ಸೇರ್ಪಡೆ, ರದ್ದು, ತಿದ್ದುಪಡಿ ಸೇರಿ) 12 ಲಕ್ಷ

ಜ.22ರವರೆಗೆ ಅರ್ಜಿ ಸಂಖ್ಯೆ 24 ಲಕ್ಷ ದಾಟುವ ನಿರೀಕ್ಷೆ

ಕರಡು ಮತದಾರರ ಪಟ್ಟಿಯಲ್ಲಿ 7.5 ಲಕ್ಷ ಹೊಸ ಮತದಾರರು

Leave a Reply

Your email address will not be published. Required fields are marked *

Back To Top