ಆಟೋ ಓಡಿಸಿಕೊಂಡು ಲಕ್ಸುರಿ ಜೀವನ ನಡೆಸುತ್ತಿದ್ದವನ ಮನೆ ಮೇಲೆ ಐಟಿ ದಾಳಿ: ಚಾಲಕ ದಿಢೀರ್​ ಶ್ರೀಮಂತನಾಗಿದ್ದೇಗೆ?

ಬೆಂಗಳೂರು: ಐಟಿ ದಾಳಿ ಅಂದ್ರೆ ಅದು ರಾಜಕೀಯ ನಾಯಕರ ಮನೆ ಮೇಲೆ, ಗುತ್ತಿಗೆದಾರರ ಮೇಲೆ ಎನ್ನವಂತಾಗಿದ್ದ ಕಾಲದಲ್ಲಿ ಆಟೋ ಚಾಲಕನ ಮನೆ ಮೇಲೆ ಐಟಿ ದಾಳಿ ನಡೆದಿದ್ದು, ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಸಾರ್ವಜನಿಕರ ದೂರಿನ ಮೇರೆಗೆ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ನಡೆಸಿದ್ದು, ಬಿಜೆಪಿ ಶಾಸಕ ಅರವಿಂದ್ ಲಿಂಬಾವಳಿ ಆಪ್ತರಾಗಿದ್ದ ಸುಬ್ರಹ್ಮಣಿ ದಿಢೀರ್‌ ಆಗಿ ಶ್ರೀಮಂತರಾಗಿದ್ದರು.
ಬಿಜೆಪಿ ಶಾಸಕ ಅರವಿಂದ್ ಲಿಂಬಾವಳಿ ಜತೆಗಿನ ಫೋಟೊ ವೈರಲ್ ಆಗಿದ್ದು, ಈ ಬಗ್ಗೆ ಐಟಿ ಇಲಾಖೆಗೆ ಸಾರ್ವಜನಿಕರು ಪತ್ರ ಬರೆದಿದ್ದರು. ಪತ್ರವನ್ನು ಪರಿಶೀಲಿಸಿದ ಅಧಿಕಾರಿಗಳು ಆಟೋ ಡ್ರೈವರ್ ಮನೆ ಮೇಲೆ ದಾಳಿ ನಡೆಸಿದ್ದಾರೆ.

ರಿಯಲ್ ಎಸ್ಟೇಟ್ ಉದ್ಯಮ ನಡೆಸುತ್ತಿದ್ದ ಆಟೋ ಡ್ರೈವರ್ ಸುಬ್ರಹ್ಮಣಿಯು ಈ ಮೂಲಕವೇ ಹಣಗಳಿಸಿ ಶ್ರೀಮಂತನಾಗಿರುವ ಬಗ್ಗೆ ಮಾಹಿತಿ ನೀಡಿದ್ದು, ಸದ್ಯ ಮನೆಯಲ್ಲಿ ಸಿಕ್ಕ ದಾಖಲೆಗಳನ್ನು ಅಧಿಕಾರಿಗಳು ಪರಿಶೀಲನೆ ನಡೆಸಿದ್ದಾರೆ.

ಐಟಿ ಅಧಿಕಾರಿಗಳ ದಾಳಿ ವೇಳೆ ಮಹತ್ವದ ದಾಖಲೆಗಳು ಪತ್ತೆಯಾಗಿದ್ದು, ಕೋಟಿಗಟ್ಟಲೇ ಬಂಡವಾಳ ಹೂಡಿ ವಿಲ್ಲಾವನ್ನು ಖರೀದಿಸಿದ್ದ. ಏ. 16ರಂದೇ ಐಟಿ ದಾಳಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಆಟೋ ಓಡಿಸಿಕೊಂಡು ಲಕ್ಸುರಿಯಾಗಿ ಜೀವನ ನಡೆಸ್ತಿದ್ದ ಆತನಿಗೆ ಪತ್ತೆಯಾದ ದಾಖಲೆಗಳ ವಿವರಣೆ ನೀಡುವಂತೆ ಮತ್ತು ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ಜಾರಿ ಮಾಡಲಾಗಿದೆ. (ದಿಗ್ವಿಜಯ ನ್ಯೂಸ್)

One Reply to “ಆಟೋ ಓಡಿಸಿಕೊಂಡು ಲಕ್ಸುರಿ ಜೀವನ ನಡೆಸುತ್ತಿದ್ದವನ ಮನೆ ಮೇಲೆ ಐಟಿ ದಾಳಿ: ಚಾಲಕ ದಿಢೀರ್​ ಶ್ರೀಮಂತನಾಗಿದ್ದೇಗೆ?”

Leave a Reply

Your email address will not be published. Required fields are marked *