Tuesday, 20th November 2018  

Vijayavani

ರಾಜಧಾನಿಯಲ್ಲಿ ಹಸಿರು ಕ್ರಾಂತಿ-ಸಿಎಂ ಎಚ್​ಡಿಕೆ, ಡಿಸಿಎಂ ಪರಮೇಶ್ವರ್​ಗೆ ಡೆಡ್​​ಲೈನ್-ಕೂಡಲೇ ಸ್ಥಳಕ್ಕೆ ಬರುವಂತೆ ರೈತರ ಪಟ್ಟು        ಸೈಟ್ ಕೇಳ್ತಿಲ್ಲ, BMW ಕಾರೂ ಕೇಳ್ತಿಲ್ಲ-ನಾವು ಕೇಳ್ತಿರೋದು ಬೆಳೆದ ಬೆಲೆಗೆ ಬೆಲೆಯಷ್ಟೇ-ಸಚಿವ ಕಾಶಂಪೂರ್​​ಗೆ ಮನವಿ ಸಲ್ಲಿಕೆ        ರೈತರು, ಹೆಣ್ಮಕ್ಕಳ ವಿಚಾರದಲ್ಲಿ ಗೌರವ ಇದೆ-ನನ್ನ ಹೇಳಿಕೆಯಲ್ಲಿ ಯಾವುದೇ ದುರುದ್ದೇಶ ಇಲ್ಲ-ಸಿಎಂ ಹೇಳಿಕೆ ಬಿಡುಗಡೆ        ಸಿಎಂ ಕೂಡಲೇ ಕ್ಷಮೆ ಕೇಳಬೇಕು-ನಾಳಿನ ಕೋರ್​​​ ಕಮಿಟಿ ಸಭೆಯಲ್ಲಿ ಹೋರಾಟದ ನಿರ್ಧಾರ-ಸರ್ಕಾರದ ವಿರುದ್ಧ ಗುಡುಗಿದ ಬಿಜೆಪಿ        ₹3,300 ಕೋಟಿ, 132 ಕಿ.ಮೀ. ದೂರ-ಗುರಗಾಂವ್​​ನಲ್ಲಿ ಎಕ್ಸ್​​ಪ್ರೆಸ್​​ ಹೈವೇ ಲೋಕಾರ್ಪಣೆಗೊಳಿಸಿದ ಪ್ರಧಾನಿ        ರೈಲು ಬರುವ ವೇಳೆ ಹಳಿ ಮಧ್ಯೆ ಮಲಗಿದ ಭೂಪ-ಪ್ರಾಣದ ಹಂಗು ತೊರೆದು ಹುಚ್ಚು ಸಾಹಸ-ಹೈದ್ರಾಬಾದ್​ನಲ್ಲೊಂದು ಮಿರ‍್ಯಾಕಲ್       
Breaking News

ಕ್ಲೀನ್​ಸ್ವೀಪ್ ಸಾಧಿಸಿದರೆ ಟೀಮ್ ಇಂಡಿಯಾ ನಂ.1

Thursday, 12.07.2018, 3:03 AM       No Comments

ಲಂಡನ್: ಟಿ20 ಸರಣಿ ಗೆಲುವಿನೊಂದಿಗೆ ಇಂಗ್ಲೆಂಡ್ ಪ್ರವಾಸವನ್ನು ಶುಭಾರಂಭ ಮಾಡಿರುವ ಭಾರತ ತಂಡ ಆತಿಥೇಯರ ವಿರುದ್ಧ 3 ಪಂದ್ಯಗಳ ಏಕದಿನ ಸರಣಿಗೆ ಸಜ್ಜಾಗಿದೆ. ಇದರಲ್ಲಿ 3-0 ಕ್ಲೀನ್​ಸ್ವೀಪ್ ಸಾಧಿಸಿದರೆ ಭಾರತಕ್ಕೆ ಐಸಿಸಿ ಏಕದಿನ ರ್ಯಾಂಕಿಂಗ್​ನಲ್ಲಿ ಮತ್ತೆ ನಂ. 1 ಪಟ್ಟಕ್ಕೇರುವ ಅವಕಾಶವಿದೆ. ಹಾಲಿ ರ್ಯಾಂಕಿಂಗ್​ನಲ್ಲಿ ಇಂಗ್ಲೆಂಡ್ 126 ಅಂಕದೊಂದಿಗೆ ಅಗ್ರಸ್ಥಾನದಲ್ಲಿದ್ದರೆ, ಭಾರತ 122 ಅಂಕದೊಂದಿಗೆ 2ನೇ ಸ್ಥಾನದಲ್ಲಿದೆ. ಕಳೆದ ಏಪ್ರಿಲ್​ವರೆಗೆ ನಂ. 1 ಸ್ಥಾನದಲ್ಲಿದ್ದ ಭಾರತ, ಮೇ ಆರಂಭದಲ್ಲಿ ವಾರ್ಷಿಕ ಪರಿಷ್ಕರಣೆಯ ವೇಳೆ ಆಂಗ್ಲರಿಗೆ ನಂ. 1 ಪಟ್ಟ ಬಿಟ್ಟುಕೊಟ್ಟಿತ್ತು. ಭಾರತ ಕ್ಲೀನ್​ಸ್ವೀಪ್ ಸಾಧಿಸಿದರೆ 3 ಅಂಕ ಕಲೆಹಾಕಲಿದ್ದು, 125 ಅಂಕದೊಂದಿಗೆ ಅಗ್ರಸ್ಥಾನಕ್ಕೇರಲಿದೆ. ಇದೇ ವೇಳೆ ಇಂಗ್ಲೆಂಡ್ 3 ಅಂಕ ನಷ್ಟ ಅನುಭವಿಸಲಿದ್ದು, 123 ಅಂಕದೊಂದಿಗೆ 2ನೇ ಸ್ಥಾನಕ್ಕಿಳಿಯಲಿದೆ. ಸರಣಿಯಲ್ಲಿ 1 ಪಂದ್ಯ ಗೆದ್ದರೂ ಇಂಗ್ಲೆಂಡ್ ಅಗ್ರಸ್ಥಾನ ಕಾಯ್ದುಕೊಳ್ಳಲಿದೆ. ಭಾರತ 2-1ರಿಂದ ಸರಣಿ ಗೆದ್ದರೆ 1 ಅಂಕವನ್ನಷ್ಟೇ ಗಳಿಸಲಿದ್ದು, 123 ಅಂಕದೊಂದಿಗೆ 2ನೇ ಸ್ಥಾನದಲ್ಲೇ ಉಳಿಯಲಿದೆ. ಭಾರತ 1-2ರಿಂದ ಸರಣಿ ಸೋತರೆ 1 ಅಂಕ ನಷ್ಟ ಅನುಭವಿಸಿ 121 ಅಂಕದೊಂದಿಗೆ 2ನೇ ಸ್ಥಾನದಲ್ಲಿ ಉಳಿಯಲಿದೆ. ಭಾರತ ವೈಟ್​ವಾಷ್ ಎದುರಿಸಿದರೆ 3 ಅಂಕ ನಷ್ಟ ಅನುಭವಿಸಲಿದೆ. ಆದರೆ 119 ಅಂಕದೊಂದಿಗೆ 2ನೇ ಸ್ಥಾನದಲ್ಲೇ ಇರಲಿದೆ. ಯಾಕೆಂದರೆ 3ನೇ ಸ್ಥಾನದಲ್ಲಿ ರುವ ದಕ್ಷಿಣ ಆಫ್ರಿಕಾ 113 ಅಂಕದೊಂದಿಗೆ ಭಾರತಕ್ಕಿಂತ ಭಾರಿ ಹಿನ್ನಡೆಯಲ್ಲಿದೆ.

ಇಂಗ್ಲೆಂಡ್ 2-1ರಿಂದ ಸರಣಿ ಗೆದ್ದರೆ 1 ಅಂಕ ಸಂಪಾದಿಸಿ, 127 ಅಂಕದೊಂದಿಗೆ ಅಗ್ರಸ್ಥಾನ ಕಾಯ್ದುಕೊಳ್ಳಲಿದೆ. ಇಂಗ್ಲೆಂಡ್ ಕ್ಲೀನ್​ಸ್ವೀಪ್ ಸಾಧಿಸಿದರೆ 129 ಅಂಕದೊಂದಿಗೆ, 2ನೇ ಸ್ಥಾನಿ ಭಾರತಕ್ಕಿಂತ ಬರೋಬ್ಬರಿ 10 ಅಂಕಗಳ ಮುನ್ನಡೆ ಸಾಧಿಸಲಿದೆ.

Leave a Reply

Your email address will not be published. Required fields are marked *

Back To Top